تم التثبيت بواسطة* ليلى ام سارة*
بتاريخ
29/4/2019
السلام عليكم يا احلى الانيقات
نتمنى تكونو بافضل الاحوال ان شاء الله
هاد الاسبوع جاو عندي شي ضياف و الحمد الله
درت شي حويجات على قد الحال نتمنى يعجبوكم
وتستافدو منهم بحال ما استفدت من هاد المنتدى العزيز بزاااااف
علما انه مكانش عندي الوقت علمونا ب3ايام و كنا يالله صبغناا
والدار مرونة و ايدي غير بوحدي وولدي صغيير هههه عاودت ليكم قصت حياتي
المهم ندوزو المهم وخا مصورتش كلشي مقديتش قدام الناس
اول حاجة اكيييييد جمعت الدار و رديت الفراش لبلاصتووو و صبنت الزرابي و المانط
نهار قبل العراضة غسلت الدجاج و اللحم و الربيع و الخضر ديال السلطة
شرملت الدجاج و اللحم و دخلتهم لثلاجة للغد
الغد ليه فقت شوية بكري بديت بالدار هيا الاولى جمعت و سيقت
عاد دخلت للكوزينة عجنت الخبز و بديت في السلطة
رديت اللحم فالكوكوط يطيب ورديت السفة حتا هيا طيب
منين ط¯ط®ظ„ظˆ الضياف سبقت ليهم الحليب مع التمر معمر بعقدة اللوز
والشريحة معمرة بالكوك و نسلي و اللوز مقلي والشكلاط
الغدا حطيت ليهم السلطة هيا الولى
الغدا وليت رديتو لطاجين و خضرتو بالجلبانة والخرشوف
من بعد حطيت السفة مدفونة بالدجاج
والديسير كان عبارة على فواكه مشكلة
جمعت الطبلة و خليت الضياف ينعسو معا جاو بعاد
ومشيت نغسل الميعنات و نوجد الكوتي هادشي كنت موجداه من قبل
طبسيل ديال الحلوة درتها فنهار غير شوية من الحاجة
درت عقدة اللوز ب250 كرام و نوعت بيه باش نزوق الطبسيل
درت كيكة خديتها من المنتدى نهار قبل جات فنة
ودرت البغرير منين كنت نشقا فالكوزينة درتو معايا
ودرت حريشات فالفرن و البينيي
وكنت موجدا هاد المملحات درتهم فطبسيل
منين فاقو وجدت الطبلة باتاي اكيد و لوازمها
وحطيت هادشي لي قسم الله
هما خرجو وانا بقيت نوجد العشا
رديت العشا يطيب لي كنت مشرملة من قبل
قليت الفريت و درت شلاضة و العصير ديال الفريز
وهاهو عشانا
ونهار الاول داز على خييير
نهار التاني درت الفطور عادي
اتاي قهوة واللوازم و مسمن و خبز …. ولكن مصورتش قدامهم
الغداء عاوتاني درت طاجين الجلبانة و القوق حيت حجبهم
والكورجيت و الجزر مشرملين وعصير الحامض
وفواكه نسيييتهم
العشية خلرجنااااا
وباليل درت كسكسو مع اللبن و فواكه
سمحولي بزاااف تصاور مصورتهمش مع الناس مقديتش
والحمد الله مشاو فرحانييين وداز كلشي على خيير
وخا غير بوحدي حاولت نقاد ليهم كلشي
نتمنى يعجبكم هادشي
راني مبتدئة واي ملاحظة مرحبا
اللهم ادمها نعمة و احفضها من الزوال
uvhqm fhgjtwdg hgllg ]og, lvpfh hgw,v fhg]hog
المشاركة الأصلية كتبت بواسطة حبيبة يحيى 
ربي يحفظك اكرام غير سكتييي عيييت نشقا فالدار
وعاد خاسك تخرجي معاهم ولكن الحمد الله كلشي
داز مزياااان
احلى تقييم ليك
المشاركة الأصلية كتبت بواسطة hayda ربي يخليك و شكرا على مرورك اختييي
المشاركة الأصلية كتبت بواسطة قلب حنين احلى تقييم ليك
شكراااااا حبيبتيي على التقيييييم
المشاركة الأصلية كتبت بواسطة fatéma muslima ربي يخليييك متصوريش ردك شحاااااال فرحنيييييييييي
اللله يخليك اختيي ويحفظك