السلام عليكم
عندي إقتراح و كنتمنى الإستجابة
انا عايشة على برا و كنموت على ط§ظ„ظپظٹظ†ظˆط§ط²ط±ظٹ بما فيهم الكرواصة و بتي بان ……
المهم عجينة مورقة وحدة ديال ط§ظ„ظپظٹظ†ظˆط§ط²ط±ظٹ إدار بيها اي شكل ،
انا كنهضر على العجينة المورقة ديال ط§ظ„ظپظٹظ†ظˆط§ط²ط±ظٹ ماشي على اي عجينة وإدار بها الكرواصون لا
ونا جربت شحال من وحدة مصدقتليش، و مكرهتش لي يعلمها لي حتى بالفلوس مكرهتش المهم نعرف نصرعها و مالقيتش
ولهدا كنطلب اي وحدة كتعرف ديرها و كتصدق ليها كما الباتسري تعمل معنا دورة تدريبية الله إجازها في الدنيا و الاخرة
u[dk hgtdk,h.vd
بالنسبة لهاد كروصة انا كنت جربتها من عند الاخت مسلمة و كانت زوينة بزاف
هنا تقريبا نفس المقادير مع تعديلات بسيطة
اذن على بركة الله سنحتاج ل
500 غرام طحين
200 مل حليب
100مل زيت
15 غرام من خميرة الخبز
معلقة صغيرة خميرة الحلوة
بيضة واحدة
ملح
2 معالق كبار سكر
زبدة دائبة للتوراق تقريبا 120 غرام
واصفر بيضة للتزيين
لوز افيلي
سكر كلاصي
عقدة دلوز للحشو
كنخلطو جميع العناصر باستثناء اصفر البيض و اللوز افيلي
كنعجنوهم حتى تخلط لينا جميع العناصر
نعملو كرة كبيرة و نخليوها ترتاح تقريبا 10 دقايق
نعملو منها 8 كورات صغار نخليوهم يرتاحو تقريبا 15 دقيقة
نبدا نقرصهم بحال هكا
تم نقطع الزبدة
و هكا حتى نكمل جميع الكرات
تم نبدا نطلقها بالمدلك
تم نقطعها مثلتات او مربعات
نعمل فوق منها عجين اللوز و نلويها
ندهنها باصفر البيض و نرش عليها اللوز افيلي و نخليها تخمر
و ندخلها للفران نخليها طيب على خاطرها
منين خرجتها رشيت عليها السكر كلاصي و ها هي واجدة بالصحة و الراحة
اذن على بركة الله سنحتاج ل
600 غ طحين
15 غ خميرة
120 مل ماء دافي
120 مل حليب دافي
120 ع سكر
2 بيضات فحرارة المطبخ
فاني
45 غ زبدة دايبة
450 غ زبدة باردة
اذن نخلطو الخميرة مع 360 غ من الطحين
تم نضيفو السكر و حنا كنخلطو
تم الملح و البيض و الفاني
تم نضيفو الحليب و نستمرو فالعجب لمدة 2 دقايق
تم نضيفوالطحين الباقي على دفعات
حتى تعجن مزيان
فزلافة كبيرة نرشوها بالطحين
نعملو فيها العجين ونغطيوه ببلاستيك غدائي ندخلوه للثلاجة لمدة ساعة و نص
ناخدو الزبدة خاصها تكون باردة جدا
نعملوها ما بين 2 ورقات ديال البلاستيك الغدائي و نبدا نطلقها بالمدلك
فالاول غادي تكون قاصحة شوية فلهذا خاصنا نضربوها باش تطلق
الطول ديالها يكون 25 سم على 22 سم
من بعد ساعة و نص خرجت العجين من التلاجة
طلقتو بالطول 30 سم على 45 سم
خديت الزبدة و طويتها على 2 و نزلتها على التلت الاول من العجين
طويت العجين على الزبدة
تم جبت التلت لي باقي من فوق
سديت الجناب مزيان
و بديت كنطلق العجين
ها هو منين طلقتو
تم طويتو على 3 خليتو يرتاح 15 دقيقة فالتلاجة و عاودت نفس العملية مرة تانية
هاد العملية عملتها 6 دالمرات و فكل مرة كندخل العجين يرتاح لمدة 15 دقيقة
اخر مرة عملتو فبلاستيك غدائي و دخلتو للتلاجة يرتاح 4 ساعات على الاقل او يبات فالتلاجة لنتيجة افضل
للموضوع بقية و في امان الله
فاليوم التالي خرجتو من التلاجة
ها هو منين قسمتو
بالنسبة لهاد الشكل كناخدو
قطعة مستطيلة
نشرطوها بالموس من الوسط
و نقلبوها بحال هاد الشكل
ان شاء الفكرة تكون وصلات
و الا حتاجيتو اي مساعدة انا موجودة
بالنسبة للطريقة ها هي مشروحة بالصور
و اي استفسار انا موجودة ان شاء الله
كنعمرهم باي كريم بغيت
بالنسبة لسينامون رولز عمرتهم بعجين القرفة لي غادي تلقاوه مع الكريمات
منين كنسالي كندهن وجههم بالبيض و نرش عليهم اللوز او الكركاع و نخليهم يخمرو على راحتهم تم ندخلهم يطيبو حتى يتحمرو
بالنسبة للماء انا كنعملو فالكونجيلاتور تقريبا 30 دقيقة قبل مانبدا
اذن على بركة الله سنحتاج ل
615 غ طحين
15 غ ملح
135 غ زبدة فحرارة المطبخ
450 غ زبدة باردة جدا
نعملو جميع المقادير تعجن بالماء البارد
نشكلوها كورة و نلويوها فبلاستيك غدائي و ندخلوها للتهلاجة اقل حاجة ساعة او تبات ليلة كاملة
انا شخصيا كنخليها تبات فالثلاجة
فاليوم التالي كنبدا بالزبدة كيخصها تكون باردة جدا
كنعملها مابين 2 بالستيكات او نعملوها مابين 2 من ورق السلفيريزي و نبد نضربها بالمدلك بحال لي فالصورة
نحاولو نعملوها مستطيل قدر المستطاع
كناخد الكورة ديال العجين و نشكلها مستطيل بحال هكا
نطلقها بالمدلك الكورة خاصها تكون باردة جدا
نعمل المستطيل 30على 46 سم
نطوي ورقة الزبدة على 2 بحال هكا
و نعملوها على التلت الاول من العجين
نطويها على التلت التاني
تم التالت
نضغط على الجناب مزيان باش ماتخرجش لي الزبدة
خاصنا نتاكدو ان العجين باقي بارد الا حسيتو بالعجين بدا كيسخن دخلوه للتلاجة حتى يبرد
كنبدا بالمدلك نطلق العجين كنعمل فيه ضربات بالمدلك بحال لي كتشوفو فالصورة باش نحاول مامكن مانخليش الزبدة تخرج لي
كنطلق العجين 25 على 60 سم
دائما كنرشو الطابلة بالطحين و منين كنطويو العجين كحاولو ما امكن نزولو بقايا الدقيق
نطويه على 3 و نعملو فبلاستيك غدائي ندخلو للتلاجة يبرد لمدة ساعة
كنعملو فهاد الاتجاه بحال لي فالصورة و نطلقو مرة اخرى 25 على 60 سم
نطويه مرة اخرى و نعاود نفس العملية 5 ديال المرات و كل مرة كندخل العجين للتلاجة 30 دقيقة
هدا هو العجين منين ساليتو دخلتو للتلاجة يبات
انا عملت العجين لبارح و اليوم بادن الله غادي نخدم به
ان شاء الله نزل لكم تتمة الموضوع غدا صباحا
في امان الله
شنيك – كرواصون – بتي بان – بطريقة سهلة
المقادير
1/2 كلج فورص+
بيضة+
نصف م ص ملح +
2 م ك سك +
نصف كاس صغير زيت+
صاشي ص حليب غبرة 65 ج
م ك خميرة +
خمارة +فاني +ماء دافئ لجمع العجين غالبا من 200ل250 ملليتر
انا عملت غير النصف كل نهار تنعمل نوع
للتوراق 250ج زبدة من الافضل نباتية
تنخلطو جميع العناصر
ونجمعو العجين بالماء ومندلكوهاشي بزاف غير تجمع مزيان وصافي ومتكونشي لا قاصحة ولا مرخوفة بزاف بحال الخبز
ونعملوها فب بلاستيكة مدهونة بالزيت ونخليوها تخمر
هاي منين خمرات
وناخدو الزبدة ونطلقوها وسط بلاستيكة لتسهيل الامر ونقسموها على 3 حصص كيف ما مبين في الصورة
ونطلقو العجين ونعملو حصة من الزبدو في 3/4 ارباعو
ونطويو على 3
ونسرحو العجين من جديد ونطويو على 4
ونعملوها في الثلاجة لمدة 1/2ساعة
ونعاودو نفس العملية مع بافي الزبدة حتى نساليو كلشي وترتاح 1/2 ساعة اخرى في الثلاجة وتكون واجدة للعمل
نطلقوها ونبداو نشكلو
الشنيك
نسرحة العجين وندهنوه بكريم باتيسيير ونعملوه رولي ونقطعوه فورا بالخيط ونعملوه في لاطة يخمر
الكرواصون والبتي بان مفس الشيئ
ونعملو كلشي في لاطة ويخمرو وندهنوهم بالبيض ونيسكافه محلولو في م حليب او ماء ويخبزو في فرن على نار متوسطة
ومنين يطيبو نهنو الشنيك بالمربى سائل ورشو بتيبان بالسكر كلاصي او الزينة حسب الرغبة
هاو من الداخل باقي سخون عاد خرج من الفرن
وهاو منين برد
كرواصون
ومن الداخل
وبالهنا والشفا
أختي يلا لقيت وحدة ديال الأخت دعاء القلوب و عجباتني إليك الرابط
https://www.anaqamaghribia.com/vb/sho…d.php?t=243654
و هادي ديال الأخت أم وائل حسب الصور غتكون غزااالة
https://www.anaqamaghribia.com/vb/sho…d.php?t=128668
ونزيدك طريقتي التواضعة
و نتمناو تشاركينا تجربتك
اولا الكرواسون
الشنيك
الفطائر اللولبية
فكنحتاجو
600غ دقيق
بيضتين
ملعقتين من السكر
ملح
حليب للعجن
خميرة طرية الخاصة بالخبز ملعقتان
300غ زبدة طرية للرق العجين
و الطرريقة سهلة جدا
نمزج الدقيق مع الملح و السكر و البيضتين
نضيف خليط الخميرة بعد ما ارتفع و نضيف الحليب الدافئ قليلا قليلا
لحصول على عجينة لينة و متماسكة تعجن جيدا مدة 10 الى 15د
هنا اختمرت عجينتي
في هده الاثناء كنكون مجهزة الزبدة ووضعتها بالثلاجة
و اختارو اجود نوعية للحصول على اطيب معجنات
نبسط العجين
نضع وسطه 300غ زبدة
و نقفل الاطراف
و نبسط العجين بالضغط علىه بالمدلك لتتداخل الزبدة مع العجين
سنحصل على مستطيل طويل يطوى كما الصورة
و احتفظ به بالثلاجة من ربع لنصف ساعة
و عملية اللف نعيدها 3مرات
و هي كافية بالنسبة للعجينة المورقة المختمرة
غير عن عجينة الميلفوي الي بتحتاج ل 6لفات
و متاكدة الجميع بيعرف طريقة لف العجين
شوفوا ما احلى الرقات الي كنحصل عليها[IMG]https://www.*************/vb/images/smilies/*************%20%2818%29.gif[/IMG]
و حصلنا على احلى كرواسون
الحصة الثانية من العجينة
طلقتها ايضا لمستطيل
لكن بعرض اكبر
دهنته بكريم باتسيير و رشيت عليه شكلاط محكوك
و لويته و ثبته
و شكلت حلقات الشنيك بواسطة الخيط
و حصلنا على احلى ميني شنيك
الفطائر اللولبية
تشكيلها سهل
اخر حصة من العجين
طلقتها مستطيل طويييييييييييل
و دهنت نصفه بالكريم باتيسيير
و اضفت شكلاط شيبس
و غطيته بالنصف الثاني
قسمته لقطع متساوية و لفيتها حول نفسها
و كان هدا شكلها
و هنا التشكيلة جاهزة
تركتها اختمرت نصف ساعة
و دهنتها بخليط صفار بيضة و قطرات من الخل و رشة خفيفة جدا من النسكافيه
و ارسلتها لفرن سااااااااخن مسبقا و اخدت معي تقريبا ربع ساعة
و هدا شكلها غير طلعت من الفرن
مممممممممممممممممم
و ريحتها ممممممممممممممم و لا المخابز
و عن قررررررررررررررب
شفتوا كيف تضاعقت اللفات
و محلالالالالالاك يا زووووووووووم 
