السلام عليكم ورحمة الله وبركاته
عواشركم مباركة
الله يكتب لينا فهاد الايام المباركة نيل رحمته و غفرانه
أتمناكن جميعا بخير
و أسأل الله أن يجعل شهر رمضان الفضيل شهر رحمة ومغفرة وعتق لنا جميعا
توحشتكم بزاف
و غيابي عنكم مزاد الا شوقي ليكم
و ان شاء الله نرجع نشارككم
الله لا يحرمني من مجمعكم الطيب
واستسمح بشدة لأن دخولي للمنتدى ونشاطي فيه قل كثيرا
حبوباتي هاذي وصفة ط¹ط¬ظٹظ†طھظٹ ط§ظ„ظ„ظٹظ†ط© ظ„ظ„ظ…ط¹ط¬ظ†ط§طھ
و الخدمة بيها ساهلة كتجي طيعة فاليد
و لذيذة و ممكن تتفنو فيها و تشكلوها كيف بغيتو و تنوعو فحشواتها
ان شاء الله تنال اعجابكم
نخليكم مع المقادير و الطريقة
المقادير :
75 سل اي نصف كاس عنبة زبدة مدوبة
75 سل اي نصف كاس عنبة زيت
75 سل اي نصف كاس عنبة حليب بودرة
150 سل اي كاس عنبة ماء دافي
350 غرام اي 4 كيسان عنبدة دقيق منخول
( كاس العنبة الواحد كيهز تقريبا 80 غرام دقيق منخول ماشي مدقص)
1 ملعقة صغيرة خميرة الخبز
1 ملعقة صغيرةخميرة الحلوى
1 ملعقة كبيرة سكر
2 معالق صغيرة خل
ملح
يمكن اضافة الماء الدافىء حسب نوعية الدقيق و شربو للماء
الطريقة :
هاد العجينة ممكن تحضيرها مسبقا و حفظها فالثلاجة او الكونجيلاتور لحين الحاجة لاستخدامها
كنسخن اولا الازبدة تذوب و نضيف ليها الزيت
و فإناء العجن كنعمل كاس ديال الدقيق منخول
مع نصف كاس حليب بودرة و ملعقة خميرة الخبز و السكر و 2 معالق صغيرة خل
و نضيف ليه خليط الزبدة و الزيت الدافىء و كاس الماء الدافىء
و نخلطهم مزيان حتى يتمازجو مزيان و يتجانسو ثم نضيف الملح للخليط
و الكمية الباقية من الدقيق بشويه بشوية حتى تتكون عندي عجينة رطيطبة
نخدمها مزينا و ندلكها حتى تتكور و تولي متناسقة الشكل و متبقاش تتلصق فاليد او الروبو
هاد العجينة راها كتصلاح لكل المعجنات و الخدمة بيها سهلة
حيت كتجي طيعة فاليد و رطبة ، ممكن ديرو بيها المعجنات المالحة و الحلوة
و ممكن تعملوها و تحفظوها فالمجمد لحين الحاجة
لما كنبغي نستعملها كنخرجها من الثلاجة و نخليها ترتاح فحرارة المطبخ
و نجهز سطح العمل
نرشيو بالدقيق
و ندلك العجينة
حتى نحصل على السمك للي بغيت
انا هنا عملتها رقييقة 1 ميليميتر فالسمك تقريبا كيف مبين فالصورة
و تبداو تشكلو بيها معجناتكم كيف تشهيتو
ممكن تعملو بيها الشوصون و الطارطات و الطورت و البيتزا و المحاشي بانواعها …
و هاذي صور بعض المعجنات للي كنعمل بهاد العجينة
كويسات معمرين بالكفتة و الجبن بالصور من مطبخي كالعادة
مثلثات شوصون معمرة بالجبن و الصوصيص المدخن بالزعتر
ان شاء الله تجربوها و تردو عليا خبر
اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد
اللهم ادمها نعمة و بارك لنا فيها و اكتب لي بها حسنة طيبة و احفظها من الزوال
تحياتي للجميع بدون استثناء
اللهم اجعلنا ممن وفق في رمضــان لصيامه وقيامه و نيل عفوك و رضاك برحمتك يا ارحم الرحمـين
الله يرزقنا و إياكم خيرات الدارين و لا يحرمنا من طيبات الجنة و نعيمها
دمتم في رعاية من لا تضيع ودائعه سبحانه عز و جل
اختكم أمنار
أم ريـَّــان و كـامـيليـا
وعليكم السلام ورحمة الله وبركاته
u[dkjd hggdkm gglu[khj fhglvhpg hglw,vm hglpkm y]d,jd
رووووووووعة الله يعطيك الصحة احبيبة والف حمدا لله على سلامتك
المنتدى منور
احلى تقييم اغلى امنار
اولا مبروك عليك العزيبة اختي والله يحفضها ليك والحمد لله على سلامتك توحشناك وخليتي بلاصتك اختي
بسم الله وماشاء الله عجينة باينة زوينة ومتعددة الاختصاصات الله يعطيك الصحة اختي والله يجعل كل حرف كتبتيه فموازين حسناتك
اللهم امين
احلى تقييم
حفظك الله ورعاك انت وعائلتك الصغيرة وعيدك مبارك سعيد
