عجينة الكعاب

البنات انا راه تعقدت من هاد الممنتدى د حلويات اللوز هههه حيت جربت جميع الطرق للكعاب و حتى وحدة ما صدقات هههههه اما العجينة كتقطع غير بوحدها اما اللوز عامل بحال الدشيشة ههههه و ديما كنعاود و نعاود و نعاود و واااااااااااااااااااااااااااالو عافاكم شي طريقة زوينة بالتفاصيل ولا شي سر راه عرس بنت عمي و بغيت نصاوب ليها شي حليوة زوينة من عندكم ا الحادكات

---

u[dkm hg;uhf

اختي ممكن المكينة عندك مكطحنش مليح
هانتي خودي اللوز و صلقيه و نقيه و غسليه مزيان و نشفيه مليح مليح ممكن تشعلي الفران يسخن و تاخدي اللوز تعكليه في لاطة و طفي الفران و دخليه خليه ينشف
من كطحنيه كيجي بحال الدقيق.
من بعد خلطيه مع السنيدة و عاودي طحنيه مليح راه كيتعجن
عاد زيدي عليه بياض بيضة و ملعقة ديال الزبدة و عملي شي نكهة (انا كنستعمل الفاني)
كتجمعي العناصر و تشكليه راه كيجي معلك و بنين يا اختي

اه نسيت كيلو لوز+ 4 كيسان سنيدة+ بياض بيضة او زوج+نكهة+ملعقة كبيرة زبدة

اختي بياض البيض راه باش ميتنفخش ليك اللوز من يكون كيطيب ديري غير وحدة الى كان البيض كبير و عينك ميزانك و راكي تشوفي

العجينة…
نصف كيلو دقيق+الزبدة+قبصة ملح و عجني بماء الزهر
انا راني كنعجن عيني ميزاني و صافي نتمنى نكون فدتك يا اختي

ينقل لقسمه

السلام عليكن اخواتي ورحمة الله تعالى وبركاته شكرا اختي على الوصفة حتى انا راني واحلة مع العجينة. واش ياختي نجمعوا العجينة بماء الزهر ولا الماء دافئ. وهل نتي مجرباها. اختي منعرفش علاش من بعد 5 ايام تولي لكعاب قاصحة. الله يجازيك الا ماتفديني. جزاك الله خيرا

جمعي العجين بماء الزهر يا اختي
شوفي انا عمر حلوتي مقصاحت و الكعاب كيجيو كيهبلو المهم انا قلت اللي كنعرف و كندير

السلام عليك اختي ورحمة الله تعالى وبركاته . الله يجازيك خير على التوضيح

هانية الزين هانتي هادا فهرس شغل يدياتي

https://www.anaqamaghribia.com/vb/sho…E1%C8%E4%C7%CA

تبارك الله عليك فنانة حليوات غزالين الله يعطيك الصحة.
اختي راكي شجعتيني باش نطلب منك واحد الطلب الى جات على خاطرك.شفت واحد لحليوات غزالين لامينة سامي ولكن ماحطتش المقادير. لحبيبة نتاعي الى قدرت تعرفي هذ المقادير الله يجازيك خير ماتبخليش علي بهم .
https://www.anaqamaghribia.com/vb/sho…C7%CA-%C3%E3%E لحليوات اللي نقصد رقم 7و8و23.سمحيلي على الازعاج