عتقوني تشوط بالشمس

عفاكم ا البنات بغيت شي وصفة لتبيض اليدين و الرجلين. أنا خدامة و تنمشي يومياً للخدمة في الشمس حتى ولاو لي اديا و رجلي و عنقي كحلين و شحال من وحدة الله يسمح لها قالت ليا كحالتي بزاف. راكم عارفين حنا لعيلات إلى بانت لينا شي حاجة ما تنبقاوش نسكتو. ما تبخلوش عليا بوصفاتكم

---

ujr,kd ja,’ fhgals

غنقولك ألحبيبة كلمة ومتقلقيييش مني,ماينبهك لعيبك غييير لي قلبو علك أما كون يضحكو فوجهك ويضحكو علك فقفاك
شدي حك glysolide مع عصير حامضة وخلطيهم ورديهم للبواطة ويوميا فليل ديري gommage ليدك ورجلك بسنيدة وفزلين وغسلي ودهني ل glysolide مزيااان ودوري ميكة وتقاشر لرجلك ودهني حتى يدك ونعسي,من هناسيمانة وردي عليا لخبار

انا نصحك اختي اول حاجة تبداي ديري واقي الشمس راه ضروري، والطربوش نتاع الشمس علاش لا باش تحمي وجهم اعنقك، ومن بعد ديري الوصفات الللي قلتليك الاخت، ولكن راه ضروري الواقي الشمسي، الا درتي الوصفة بلا واقي راه بحال لكتكبي الماء في الرملة

اولا اختي كيفما قالت الاخت sosoma ضروري من الواقي الشمسي دهنو قبل متخرج من الدار و بالنسبة ن الخلطات الطبيعية ها واحد الخلطة معتمدة عندي كتبيض الوجه كترجعو فحال الحليب مجربة 100% و على حسابي داوم عليها كل نهار و غتشوف النتيجة غزالة ها رابط الخلطة و الله يسهل الامور
https://www.anaqamaghribia.com/vb/sho…041&highlight=

نسومة انا كان عندي نفس المشكل ايام الدراسة وليت مشوطة بزاااااف وماكنتش مسوقة ولكن من بعد فاش وليت كانشوف الفرق بيني وبين البنات حسيت باللي خاصني ندير شي حاجة وماكنت كاندير ecran ولا والو وكانلبس بوديات نص كم وعنقي ديما مسكين في الشمس
صافي وليت كانلبس دايما حوايج مغطيين اليدين وكانخبي عنقي ووجهي بالزيف واخا يكون الصهد حتى نوصل للقسم وكانلبس ديما الصباط الصنادل منعتهم هههه وليبا مع الصباط ضرورية و ecran
راه قالك الوقاية خير من العلاج ادا كنتي كاتعرضي للشمس راه لا يمكن تبياضي داكشي علاش خاصك تخباي منها وديري الحنة والداد والحامض كل حمام وتبعي هادشي اللي قلت ليك غاتبياضي عن تجربة والله
وسمحيلي الى طولت عليك

شكراً حبيبة لهلة يخطيك فعلا شحال من وحدة قلتها ليا باش تنبهني و كين لي العكس. ما عليناش غادي نجرب لي قلت ليا و غادي نرد عليك ألاخبار

كلش هاد شي تندرو طربوش و صبابع وليت كلي مغلفة هههههه. تنديرecran avéne أو uriage ياريت تنصحيني بشيecran أخر

شكراً ا الزين الله يحفضك وصفة إلا ما نفعت ما غديش تضر طبيعية 100 ب 100

لتبييض الوجه طاين جوج وصفاات ساهلييين و رااااائعييين
1 دانون طبيعي ديريه ماسك و تخليه حتى يتشربو الوجه ترطب و تيبيض و تيحيد البقع
2 الخرقوم مع شوي زيت زيتون متستغربيش و متخافيش من الخرقوم راااه راااااائع و تيتعملووه ف سباا و مراكز التجمييل تخلطيه بشوية ويت الزيتون و تدهنيه و تخليه حتى يتشف و شغلي مزيااان بالصابون متخافيش من الصفورية مع الغسيل تتحيد و الزيت متيخليش الخرقوم يلصق و غادي تلاحظي الفرق من الو استعمال انا تانديري 2 مرات في الاسبوع و الله حيد ليا البقع اتار حب الشباب و تيفتح البشرة و تتبقى تضرة و ممكتن تقلبي على فوائد دياله في الانترنيت

لا بالعكس ماطولتي والو كلامك صحيح. حتى أنا تندير الحنة كل حمام مرة مع الحلبة مدقوقة مرة مع الحامض و غادي نجرب الداد هاد المرة merci bien