انا عندي مشكل ديال الكلف فوجهي هدي مدة 8 سنوات مخليت ما درت باش يحيد و مبغاش المهم اخر طبيب تبعت عندو هو الدكتور الطرابلسي عطاني traitement تبعتو 4 ايام و منبعد توفى ليا الواليد ما بقيت ديتها فحتى حاجة مدة 5شهور المهم منبعد قررت نديرو المهم ملي بديت كنديرو بدات الجلدة كتطير مشيت الحمامبديت كنحك دوك البلايص و بدات الجلدة كتزول فالصباح صبحو ليا دوك البلايص كحلين كتر مالقياس فحال ايلا تحرقو ولا وجهي حالتو حالة ما فيه ما يتشاف اللي شافو كيغوت كلشي كيكول ليا بان هادشي نفسي خصوصا بعد وفاة الوالد و لكن هادشي ما جاني حتى درت هداك الدوا كالو ليا كاينة واحد الطبيبة فباب دكالة واش مزيانة و اللي كتعرفها تكول ليا سميتها واحد الطلب اخر واش كاينة شي وحدة جربات المنتوج ديال فوريفر داخلت عليكم بالله لا تخيبوني لهلا خيبكم .
ujr,kd hggi dujr;l lk hgkhv hlkhv
النصيحة اللي نقول ليك أختي هو أن الدواء ديال طبيب الجلد راه كيبغي الدّقة في الاستعمال و المتابعة و كياخد وقت طويل.
وغالبا طبيب الجلد كيوصّي المريضة باش ماتستعملش نهائيا الكيس الحرش في الحمّام و خصوصا في الوجه.
كنظن بأنك حكّيتي وجهك بزاف في الحمّام، و الجلد ديال الوجه راه حسّاس خاصة إيلا كانت بشرتك حساسة.
كنفضّل ترجعي عند الطبيب الأول و تشرحي ليه أشنو درتي باش يعطيك الدواء اللي يليق ليك أو ينبّهك للخطأ اللي ارتكبتي فاستعمال الدواء.
الله يشافيك و يعافيك ويشافي جميع مرضانا و مرضى المسلمين
المشاركة الأصلية كتبت بواسطة ندى الجنان 
النصيحة اللي نقول ليك أختي هو أن الدواء ديال طبيب الجلد راه كيبغي الدّقة في الاستعمال و المتابعة و كياخد وقت طويل.
وغالبا طبيب الجلد كيوصّي المريضة باش ماتستعملش نهائيا الكيس الحرش في الحمّام و خصوصا في الوجه.
كنظن بأنك حكّيتي وجهك بزاف في الحمّام، و الجلد ديال الوجه راه حسّاس خاصة إيلا كانت بشرتك حساسة.
كنفضّل ترجعي عند الطبيب الأول و تشرحي ليه أشنو درتي باش يعطيك الدواء اللي يليق ليك أو ينبّهك للخطأ اللي ارتكبتي فاستعمال الدواء.
الله يشافيك و يعافيك ويشافي جميع مرضانا و مرضى المسلمين
انا اختي محكيتش بالكيس ولكن استعملت اليد ديالي ووقع لي وقع كنشكرك بزاف على الرد ديالك الله يجعلو ليك في ميزان حسناتك و لهلا يخيب رجاك .