عتقوني الله اهدي لكوم الاولاد ديالكوم واصلحهوم

اخواتي ولدي مريض ليا بزلف فيه دياري كرشو جارية بزاف+السخانة وصلا 39 عملرو عام و3 اشهر وانا بوحدي فهاد المدينة غير انا وراجلي ومعرفت ماندير ليه وامي لي عارفة بعيدة عليا انا تلفانة والبكا اخواتي فكرت فيكوم ياربي تعاونوني وخا غير تخفو عليا
وقيلا السنان او كلا شي حاجة والله معرفت نغيت غير نفس على راسي واليوم السبت الطب مخدامينش حيت مرض ليا غير هاد الصباح يا ربي اش ندير

---

ujr,kd hggi hi]d g;,l hgh,gh] ]dhg;,l ,hwgpi,l

أختي الله يشفي ليك ولدك نوضي دي ولدك لطبيب أش كتسناي الله يطمنك عليه

شوفي اختي حولي تخفي عليه لغطة ولحويج دير ليه الخل فتقشر وماء الورد فكرشو حكي بصيل خلطيها مع مخنز الى كنت عندك دريها ليه فراسو هده بنسب لسخن ام كرشو عطيه روز مسلوق مع شويت ملح او لوا بزاف خسو يشرب باش مينشفش

السلام عليكم ورحمة الله وبركاته

اختي الله يشافي ليك وليديك ويعافيه يارب بما ان وليدك عندو السخانة والدياري من الاحسن تعملي ليه السيروتاع السخانة brufen اوaspegic ساشي ماشي قويلبات وعملي ليه حمام دافئ وعوميه وخودي الخل والا كان عندك حت ماء ورد فزكي الزيف مزيان بيهم بزوووج وعمليه ليه على راسو غي ينشف تاني عاودي نفس الطريقة وطيبي الروز معاه شوية خيزو وعطيه ليه ياكلوا ونقصي ليه من الحوايج متلسيهش بزززاف وان شاء الله يكون خير الله يحفضوا ليك اختي راه يقدر يكون ينوض فالنياب او الضراس هما لي عاملين ليه هاكا

اخواتي شكرا على المعلومات راه مشا رجلي جاب ليا اسبيجيك+الاملاح المعدنيو+ cotrim so
اوا ودرت ليه الخل وما ورد
انا خايف من دياري بزاف واش اخواتي نعطيه لعشوب لويزة ……
خفتو انشف ليا دبا يلا نعس عفاك اخواتي فيدوني انا راني مقجوجة والتربية الاولى ياربي لطف لحالي

اخوات شويا راه عبرت ليه السخانة دبا لقيت 38 الحمد لله

الحمد لله اللي نقصات الله يطمنك عليه وماتغفليش عليه فالليل وعطيه الما وخا فالرضاعة باش ما تفيقيه فحالة كان ناعس
الله يشافيه

يا اختي شكرا هد بفضل الله ونصائحكن يا اختي انا خايفة غير من دياري

اختى الله يشافيه انا حاسة بيك وعارفة التلفة ديال مرض الوليدات متخافيش راه كيدوزو اكثر هادوك غي النياب اول حاجة حاولي تنزلي السخانة ديريليه تقاشر في الخل فزكيهم مزيان ولبسيهم ليه راه غتهبط السخانة وعطيه الروز بلا حليب ومتعطيهش دانون وداتكشي لمطايبش عطيه الصوبة وكثري فيها خيزو بلا متزيدي الزيت والله يجيب الشفا هادشي لكنت كندير لبنتي راها دوزاتها عليا مع السنان والله يعفو عليه

allah ichafi lek wlidek ana meli kan weldi katle3lo skhana meli kan sghir kn9ebto o n7eto fou9 lavabo onetle9 3la rjilato o idiyato lma dyal robinet wa7ed robo3 sa3a te9riban o ne9bet lkhel onfezeg t9acher mezyan onlebeshom lih okadalik ne3tih sirop dyal skhana o kayweli labass dik lila mazal jerbi hadechi ligolt lek o inchalah ichafih lek rebi o ykoun bikhir o3la khir