عاونوني جاييني الضياف

السلام عليكم
غادي يجيو عندي ط§ظ„ط¶ظٹط§ظپ في هد العطلة جوج العائلات و يمكن يتلاقاو في وقت واحد بغيتكم تعاونوني اشنو ممكن نوجد قبل واخا العائلة ديالنا مكيبغيوش حاجة الفريكو بحال المسمن و الكرص….اشنو نتقدى..وشي اقتراحات للغدا و للعشا..انا ملي كيكونو عندي ط§ظ„ط¶ظٹط§ظپ مكنخرجش من الكوزينة من الفطور للغدا للكوتي للعشا و عاد يقولو ليك خرجي معانا و ملي نرجع كندخل نيشان للكوزينة وانا عيانة
كنطلب من الانيقات المتولات يعطيوني بعض الافكار اللي تعاوني ..متقولوش ليا نخمل غاادي نخلي التخمال حتى يمشيو حبيث عندهم الدراري الصغار

---

uh,k,kd [hddkd hgqdht

مفهمتش واش بغيتي وصفات لي يصبرو لييك من قبل ف التلاجة او وصفات ساهلين لي يتوجدو فنهارهوم حيت قلتي مكيبغيوش حاجة د مجمد

كلشي ينفع اختي غير اللي عطيتيني يعطيك الخير

و اختي الله يعينك على الضياف
ديري جمعة خفيفة فالدار غبحال الغبرة و الشراجم … وديري ورقة و قلم وقيدي كاع لخاصك وبالنسبة لشهيوات موجود الخير على حساب الامكانيات
الاقتراح ديالي:(غادي نتخيل انا لجيين عندي الضياف)
*الغداء: حوتة كبيرة معمرة فرمسيل …والخضرة+ زعلوك او فول مشرمل او تكتوكة+سلطة الارز مايز طون وفلفلة حمرا مشوية+سلطة خس
التحلية:سلطة فواكه او شي طارط او هما بجوج
*كسكروط:كيكة+مسمن+حرشة+اما مخمار او الخبز+حلويات(ديري عجينة صابلي وشكلي ونوعي)+كرواصة او كريب….
*العشاء:شعرية سفة مدفونة بالدجاج و البيض مصلوق واللوز و الزبيب و الصلاة على الحبيب
سمحلي طولت عليك

بحال التكتوكة وزعلوك والخيزو محمض والبقولة هادو كلهم صوبيهم في ليلة اللي غيجيو الى بغيتي تعملي في المجمد شوي الفلفلة والدنجال وخليهم لوقتهم الكسكس طعام كامل مكمل الحريرة في الليل
مع شي قطيبات الرفيسة حاولي ديري اكلة تتشبع وتقد لان العدد باين كبير وانت شوفي على حسب امكانياتك
المعجنات ديرهم في المجمد وخرجيهم با ميشوف حد مدام متيبغوش المجمد وبغاوك تخرجي معاهم ههههه الاخت قالت لك على السمكة وصابلي مشكل وانت تعرفي الدار لازم تجمعيها والركينات اكثر راه كاين اللي عينيه ويدي سابقين ههه وردي البال وجدي الفوطات غكوات معطرين صابون شامبوان كلشي بزايد شوفي واكيد هما غيعاونوك شوية ويديرو يدهم معاك بالنسبة الوليدات عطيهم بيت فاين يلعبو وشي العاب وجدي السجادات للصلاة وغيطلبو لك ملابس الصلاة وفولارات …والمهم انت عينك ميزانك الله يعاونك

شكرااا البنات لهلا يخطيكم
انا اللي كيقهرني انهم كيبقاو بزااف وانا مكنقدرش على هداك الشي كلو كل نهار

الله يعاونك على الضياف منتدى عامر وصفات خصك غير تعرفي كل نهار شنو خصك ديري أتجيك ساهلة

شوفي متكلفيش راسك بالي مكديتيش عليك غتشوفي النقود لي كاينين عند الزوج ديالك ومن بعد ضروري عجني المسمن بالكترة نص ملوي ونص مربع والربيع قطعيه وحطيه فالمجمد ومطيشة حتاهية حتى الى بغيتي ديري شيحاجة للعشاء خفيفة تلقايها موجودة والحلوى صابل وليدام ومن بعد حمص وكرافص حتى هوما فالمجمد للعشاء وومن بعد الغداء والعشاء حسب المسطتاع ديالك دجاج محمر او كسكس وشعرية المدفونة وطاجين كبير شريه وكل نهار نوعي باللحم او الدجاج والخضر ومهم سري لقسم للي فيه اكل وشوفي على قدر المستطاع وخصوصا الى كانو كتار لله اعونك

شكرا الحبيبة غادي ندير المسمن لانه كياخد الوقت

بالنسبة ليا ملي تيكونو جاييني الضياف تنوجد بعدا الحوايج لي خاصهم يكونو في المجمد تنتهنى منهم تندير بيتزات صغار بريوات معمرين حلوين بالعمارة ديال بسطيلة وحتى المالحين بالكفتة تندير كرواصة والبريوش والملاوي تندير ليهم نصف طيبة وحتى الخبز ديال الهمبرجر وليطارط ديري ليهم تاهم نصف طيبة ويبقى خاصك ليهم غير العمارة حتى لساعتهم بالعكس هاد الحوايج ملي تديريهم في الفريكو وتجبديهم عاد تيزيدو يبنانو غير خاصك تجبديهم قبل ماتحطيهم بوقت باش يطلقو على خاطرهم عاد تسخنيهم
ايوا بالنسبة للحلويات ديري شي شكيلات صابلي راه تبارك الله كاين الخير وديري حلوة غريبة ديال الكوك وكاوكاو تهي تتحمر الوجه وتتجي فنة وشي شكيلات بالشكلاط واللوز
بالنسبة للغداوات والعشاوات ممكن توجدي حتى بسطيلة حجم كبير وتديريها في المجمد
بحال المقبلات بحال الزعلوق والبقولة والمخللات ممكن تاهوما تكوني دايراهم في المجمد متيطرا لهم والو
الدجاج وجدي بزايد غسليه وفركيه وديريه في المجججججججججججججججججججتبغيه غير عمريه ولا نصبي
ديري الاطباق لي تيطيبو في الطاجين حيت تيبنن وتيعلك
ممكن دري السفة ديال الشعرية وحتى ديال كسكس لباك لعشا كسكو بالخضرة لحريرة تاهي لعشا الحوت طبق رئيسي ممكن لعشا ديري شربة ديال الحوت وترافقيه بلداند مشوي شي شليظة العصير تاهو وجديه وديريه في الفريكو
المهم عطا الله مايدار بلا متبقاي تخممي وتفقصي في راسك كل نهار وجدي شوية حتى تقادي شغلك تانا بحالك هاد العطلة غادين الضياف يجيو عندي وهادشي ان شاء لي دايرا في حسابي وديما تندير هادشي وربي متيحشمنيش