عاونوني بغيت ندير الحقن المجهري

السلام عليكم ورحمة الله
البنات كيف حالكم واحوالكم يارب يفرحني انا وياكم بالدرية الصالحة عاجلا غير اجل
انا اخوتاتي كنفكر في ط§ظ„ط­ظ‚ظ† ط§ظ„ظ…ط¬ظ‡ط±ظٹ انا وزوجي قررنا نديروه وعندنا امل ربي يرزقنا وليدات المهم انا مكنعرف عليه والو داكشي علاش بقيت تنقلب لله يرزقكم الدرية الصالحةة حتى نتما الى مشرحو ليا بالتدقيق المراحل الي ممكن ندوز منها الى ط¨ط؛ظٹطھ ظ†ط¯ظٹط± هاد ط§ظ„ط­ظ‚ظ† ط§ظ„ظ…ط¬ظ‡ط±ظٹ من الاول حتى للاخر واجركم عند الله الله يجازيكم الفردوس الاعلى
وحتى الي كتعرف شي طبيبة الي مزيانة نمشي عندها على الاقل تعطيني فكرة على الموضوع احت مكنعرف عليه والو
واشنو الي خصني نبدا بيه ؟ واشحال تقريبا تاع الفلوس غادي يخصوني ؟ وشحال تاع الوقت واش كاينة الم ولى كيكون بنج ؟ وشحال نسبة النجاح الله يرحم والديكم ساعدوني راني حايرة وربي الي عالم بيا

---

uh,k,kd fydj k]dv hgprk hgl[ivd

السلام عليكم اختي سلفية راه حتى انا كنت بحالك ماعارفة والو على الحقن ولكن ملي بديت ندخل تجمع للاخوات لي جربوا الحقن ولي غايجربوا بدات الامور كتوضح لي/غير باش تعرفي الفرق بين انك تمشي ديري حاجة بلا مايكون عندك معلومات اليوم دخلات معانا اخت دار راجلها الخزعة ولكن الطبيب الله يهديه ماقاليهومش بلي خاص اتجمدوا باش ما يحتاجش اعاود العملية /يعني الحيوانات غايفسدوا/الاخت جمعات فلوس العملية غي بصعوبة ولكن دابا خاص تعاودها تاني ونعمة كبيرة الى لقاووا حيوانات خرى عند راجلها /المهم غانسخ ليك بعض المعلومات لي ذكروهوم الاخوات لاني غانكثر عليك الروابط وغايخصك تقلبي فالردود /ومن بعد نعطيك رابط التجمع واي سؤال غي طرحيه الاخوات غايجاوبوك باذن الله/الخطوات لغادي يكونو عندك

-الخزعة لراجلك
-تجميد الحيوانات المنوية المحصل عليها
-تنشيط ليك انتي تنشيط المبايض مع متابعة التوبيض
-السحب
من بعد ما يجهزو البويضات المخصبة غادي ترجعي عندهم

– عملية الترجيع
من بعد غادي تاخدي ادوية بسيطة بحال متبثات و فوليك اسيد و فيتامينات
و عطيها للراحة

و بعد 15 يوم غادي ديري تحليلة الدم
قبل ما يدير العملية لازم يكون عارفة المختبر لي غادي يجمد عنده الحيوانات المنوية و يكون اتفاق بين المختبر و الدكتور

و تكوني انتي لقيتي دكتور خاص بالحقن المجهري لازم كلشي يكون متنسق و منظم باش تمشي خطوة خطوة

Read more: https://www.anaqamaghribia.com/vb/sho…#ixzz2kvknu9kf
وهدا رابط التجمع https://www.anaqamaghribia.com/vb/sho…368272&page=10

Read more: https://www.anaqamaghribia.com/vb/sho…#ixzz2kvkBmi2c

وحاجة خرى من خلال تجربة الاخوات راه كينصحوا باجراء الحقن فمراكش او الدار البيضاء او الرباط واي مدينة ختارتي دخلي التجمع وسولي على اسم الطبيب وعنوانو/اختي كنتمنى منك دعوة خير

اهلا اختي سلفية
بالنسبة للحالة ديالك انتي و راجلك واش كلشي مزيان
اول حاجة غادي تمشي للدكتور لغادي ديري عنده الحقن المجهري
غادي يشوف حالتك و حالة راجلك يعني تحاليكم و السونار كلشي غادي يشوفه

ومن خلال لي شاف غادي يقرر اش يدير معاكم

المهم اول حاجة غادي ديري تنشيط المبايض سواء بالحبوب او البر حسب استجابة المبايض عندك
و غادي يتبع معاكي التبويض و يشوف شحال من بويضة خرجات باش الى كانو قلال يزيد ليك الجرعة ديال التنشيط
من بعد غادي تمشي ديري عملية السحب و هي بالبنج الكامل غادي ياخده البويضات و انتي تمشي ترتاحي فدارك و هما غادي ياخده عينة من راجلك
ينظفه عينة راجلك و ينظفو البويضات من كل الشوائب
و ديرو عملية التلقيح ليهم خارجيا المهم انتي غادي تكوني فدارك من بعد 3 او 4 او 5 ايام غادي ترجعي باش يرجعو ليك الاجنة
و راه الدكتور غادي يقول ليك امتى ترجعي
محيت يدير ليك الترجيع غادي تبقاي فالمستشفى واحد 3 سوايع او اكثر حسب حالتك ترتاحي شويه و تمشي لدارك تبقاي داك النهار ناعسة و مرتاحة
و من الاحسن يكون معاكي شي حد فالدار هو يدير كلشي و انتي ارتاحي ليك واحد الاسبوع و لكن مرة مرة نوضي تمشاي شويه باش الدم يوصل للاجنة

و غادي يعطيك الدكتور متبثات و فوليك اسيد تبعيهم و غادي يقوليك امتى ديري تحليل الحمل
بالنسبة للاثمنة فالمغرب ماعندي فكرة ان شاء الله البنات لي فالمغرب يفيدوك
و الله يسر امورك و ينجح ليك العملية و يرزقك الدرية الصالحة المعافاة ان شاء الله

اااااااااامين اختي بارك الله فيك ونفع بك على المعلومات الي فادوني وخلوني نعرف على الاقل شنو هو التلقيح الصناعي وخا راني خايفة بزااااف انا كنخاف من برة مبقى غير هادشي الله يكون في العون ويقويني الله الله لايحرمك الاجر اختي

اختي الله لا يحرمك اجر هاد المعلومات فدتني وراه انا في الدار البيضاء ان شاء الله غير الله يسر الامور

الحمد لله انك فالدار البيضاء يعني راكي قريبة للاطباء المشهود لهم بالكفاءة وغيبقى غير حالتكوم واش عندها امل فهاد العلاج/واش ممكن تخبرينا بحالتك اختي

انا غانخبرك بحالتنا /زوجي عندو00 فالحيوانات والمشكلة معقدة شوية الى بغيتي نزيد التفاصيل لا مانع لدي

العفو اختي
انتي اختي غادي ديري الحقن المجهري ماشي الحقن الصناعي راه مختلفين بزاف و حتى الثمن مختلفين
الله يرزقك اختي و يرزقنا الدرية الصالحة المعافاة عاجلا ان شاء الله

اختي السائرة بارك الله فيك ولاهتمامك انا بغيت نشرح بالتفصيل مي يقدر يكون شي حد كيعرفني من العائلة هنا لدالك مبغيتش ندخل لتفاصيل ولكن تقدري تقولي ميكنش حيونات منوية عند زوجي ونتي مممكن تحكي لي تجربتك الى حبيتي الله يسهل عليك وعليا وعلى جميع المسلمات المنتضرات الحمل الله يهون علينا ويفرحنا عاجلا غير اجل شكرا ليك حبيبتي