عاونوا صديقتي فمشكلتها كفاش تحسس راجلها بالمسؤولية

السلام عليكم
اخواتي هاد المشكل واقعا فيه طµط¯ظٹظ‚طھظٹ كتقول ان زوجها محاسش بالمسؤلية مكيعاونهاش فولادها عندها تلاتة الولاد الكبيرة 9 سنوات التاني ولد 5 سنوات البنت ست اشهر وحاملة مسكينة ومن فوق هادشي كامل خداما معلمة كتضرب طريق طويلة تقريبا 40 كلمتر كل نهار مكيبقاش لوقت فاش تدير الغدا لا تجمع الدار وولادها ما شاء الله ضاسرين ومن فوق هادشي كلو مكيعاونهاااااش كيجي للدار كيبقا يغوت انت مهملة الدار مرونا الولاد موسخين وهي حالتها حالا مع الوحم والرضاعة كيخرج فالعشيا عند صحابو للقهوة كتقوليه غير خودولدك معاك وخلي البنات باش غنتهنا ونرتاح شوي كيقول ليها ممساليش انت اللي خصك تقابليهم الاخت كتسول اشنو غدير معاه باش يحس ط¨ط§ظ„ظ…ط³ط¤ظˆظ„ظٹط© واش المراة عليها كلشي الدار والتربية والولاد

---

uh,k,h w]drjd tla;gjih ;tha jpss vh[gih fhglsc,gdm

ما عندها اختي مادير عليها بالصبر ترخف على راسها و اللي قدات عليه ديرو ما كينلاش تجهد راسها تبارك الله غي الدراري شقاهم كيهد و عاد الوحم الله يعاونها عليهم و راجلها بحال عدد كثي من الرجال كيجبليهم الله المراة الة ماخاصهاش توقف اولا تعيا خاصها تناقشو و تحاول تقنعو باللي الداري مسؤوليتهم بجوج على الاقل مني يدخل للدار يلهيهم عليها شوية مرة مرة يخرج الكبار يعاونها فتربيتهم و علاش لا فلباسهم و ماكلتهم وبيني و بينك اختي النوع ديال راجلها نتاج بيئة و تربية سلبية اتجاه المراة و عاد الحنان و المودة و الرافة لهم دور كبير الا ما كينينش فيه صعيب تزرعهم فيه
الله يحفظليها وليداتها و يفك وحايلها على خير و الله يعينها على تربيتهم و اجرها كبير عند الله و الله يهدي زوجها عليها*

امين اختي ربي يخليك عندك الصح فكاع هادشي اللي قلتي العيالات قالو ليها مندك مديري غير لصبر ومنهم اللي كتقول ليها بزاااااف عليك هادشي وكتنصحها تبزز على راجلها يساعدها وقالت ليا ان خوتو كاع كيعانو عيالاتهم بلا حمل بلا والو وقالت يمكن راجلها كيحس ان الراجل الى عاون مرتو فحايج الدار راه مكتكونش عندو هبة وان هاديك خدمة العيالات اوا الله يعاونها ويجعل اعمالها فميزان حسناتها

وعليكم السلام ورحمة الله وبركاته

الله يحسن عوانها الاخت والله بقات فيا للاسف يا اختي هدا هو حال كثير من الرجال الله يهديهم ويصلحهم كيتصحاب ليهم المراة راها سوبرمان او لا مصنوعة من الحديد للاسف علاش ما تطلبش ايام ديال الراحة او لاعطلة ما عرفت يا اختي المهم باش ترتاح وعلاش باقي كترضع وهي حاملة الي كنعرف ان المراة ما ترضعش منين تكون حاملة ؟ ولا انا غلطانة اما الاولاد ضاسرين راهم كلهم هاكا يا اختي دراري هادو هما شنو غادي تدير هدا عادي ولكن لا بد يخص الرجال يعاون شوية ولكن الى كان ماشي من النوع الي يفهم لوحده ما عندها كيف دير الا ان تتحدث معه بهدوء راه الراجل ما كيجيش بالغواث و الاعصاب راه كتجريه غير بالهدوء و الكلام الزين بحال الدراري حتى هو
انا كنقترح عليها تاخد عطلة باش ترتاح وتقابل وليداتها والله اعلم
الله يفرج عليها ولا يهون عليها ويفك وحيالها اللهم امين

ربي معاها ويعاونها ويسرلها امورها ويفرحها بوليداتها معضم الرجال اختي للاسف كيختارو غي الحاجة الساهلة وياخذو راحتهم وخى تكون الزوجة خدامة هداك شغلها هو خصو يدخل للدار يلقها نقيةالماكلة وااااجدة الولاد نقيين عاملين واجباتهم والزوجة ضاحكة وتساعد في المصروف ونهار يشوف ان ولادو ماحسنوش التصرف الخطأ ديال الزوجة معرفتش تربي بحال الهو غير معني بالامر…لاحول ولاقوة الابالله الله يهديه اختي ويحل عينيه

اختي ترخي على راسها شوية
غادا تعصب وتمرض
اللهم اللي قدات عليها ديرها واللي ماقداتش الغد الليه
بعدا واحد القضية دايراها خايبة
الولد بسلامتة اللي عندو تسع سنوات هداك مالو مايعاون مو
من الصغر نعلمهم اجمعو فراشهم وردو حوايجهم لبلايصهم
انشرو الصابون
اغسلو الماعن
اسيقو
ماشي عيب
هداك اللي عند خمس سنوات نشري ليه السراطة واسرط الزربية كل نهار
ماشي عيب
حنا والدين وليداتنا نساعدوهم وساعدونا
ماشي نولدو ولوحوهم بلا تربية
ومن بين التربية مساعدة الام هدا اجر كبير اربحوه فيها
وهدا الزوج منين اشوف ولادو تايعاونو مهم والدار تاتنقى نهار على نهار اكيد غادي اتزعزع ضميرو واخا غير شوية
الولد اعاون والبنت تعاون
وتستر راسها وتحاور ولادها راه العشر سنوات الاولى هي فاش تايكونو الوليدات طريين واللي عطيتيها لهم اشدوها نهار ابلغو راه الراس تايولي شاد عالم اخر
الا لقيتي تزيري القنبة ماحهم باقيين صغار راهم بحال الغرس الى سقيتيه ونقيتيه ووجهتيه للخير ومن بين هدا الخير انظام في اكلهم في ملابسهم غادي انفعو ريوسهم منين اكبرو
الله اوفقك

بارك الله فيك اختي ام المراهقين بالنسبة للعطلة ميمكنش تاخدها كتمشي بنتها الصغيرة للقسم وكتقري وفنفس الوقت مقابلة بنتها ومؤخرا طلبات تكون فايض وعطاوها ليها يعني تبقا فالدار وقتما كانت شي معلمة باغا تولد ولا مريضة تمشي لكن المدير اللي عندهم صعيب كيقولها تجي للمدرسة واخا غتبقا جالسا مدير والو مفهمتش اختي داكشي ديال التعليم انا هادشي اللي شرحات ليا الله يعاونها اختي باقا صغيرة يالله 28 عام ووالديها بعاد عليها صعيب الحال

امين اختي الله يهديهم انا كنت كنقول هاد العقلية كانت نتاع الناس القدام المراة منها كلشي لكن تبين ليا العكس واخا يكون قاري واعي مكيقدرش المرأة ومكيعرفش من حقها وزوج هاد الاخت خير متال الله يهدي الجميع اختي ام سلمى

انا متافقا معاك اختي نفس الشي قلتو يها ولادها هملاتهم موراتمش كيف يتنضموا كنقول ليها خلي غير بنتك تعاونك بختها الصغيرة ولا تغسل الماعن راه حنا كنا قدها كندير لينا مي كرسي باش نوصلوا لافابو ونغسلو الماعن قالت ليا راه مكتبغيش وفعلا بنتها راسها قاسح ومرخيا كتطيح ختها وتضرب وهي مكيناش اما ولدها مسكينة حسن عوانها الى خرجات كتضل تابعاه هي مبغات والو غير حاجا وحدا غيتجاوز عليها فهاد المرحلة تاع الوحم فاش كاينا ويساعها فولدها يبقى يديه معاه هو الي مغلبها هادشي اللي بغات وانا اللي بقا فيا كتر انه هو السبب حتى حملات منع عليها حبوب منع الحمل تاخدهم قالها انها غتضر البنت اللي كترضع ودابا ملي حملات كيجرد نفسو من المسؤولية الله يفك وحايلها ويهدي زوجها دعيوا معاها اخواتي

امين يارب
راه الغلط منها
هي رخفات الحبل من الاول
وهداك الولد الى كان تايعاشر الزنقة وماكايسمعش الكلام غادا تلقى مشاكل معاه
البنت الى ماجبداتش لها الودينات وتحكمات فيها ماحدها صغيرة حتى هي نفس المشكل نهار اكبرو الكتاف غادا تعرف بحق الترخوين اللي عاملة
قولها تجمع راسها وماتبقاش مرخية
راه اللي تايولد الولاد تايربيهم ماشي تايطلقهم
والتعلم من الصغر كالنقش على الحجر
والزنقة والتلفزة راه ماكايربيوش
قوليها تفيق لراسها
وراجلها تحاول تهضر معاه بالمنطق وبالعقل
الله اهديها باش تلتافت لتربية ولادها