تخطى إلى المحتوى

عافاكوم واحد السؤال

السلام عليكم الانيقات الله يخليكم عاونوني و قولولي شي طريقة باش تبقى داري مخملة حيت ديما كنخمل و ترجع تربل دغيا نخمل لكوزينة و نرتبها نطوي لحوايج نشطب و زيد و زيد راكوم عارفين الشغل و دغيا كترجع تربل مع العلم غي انا و راجلي و ولدي صغيور ف الدار الله يرزقكم الجنة لي عندها شي طريقة ترتيب تقولهالي اله يجازيكم بالخير

uhth;,l ,hp] hgschg

أختي ضيفيني عليك و وخا كينة غير أنا و راجلي صافي و وليت تنكول هدي سنة الحياة
كنجي من الخدمة مسخسخة و كتبان ليا الدار مسخة و مكنحملش راسي

نعم اختي حتا انا مني كنشوفها مربلة مكنحملش راسي الله يكون معانا و يعاونا

الشروق المشاركة الأصلية كتبت بواسطة houria الشروق
نعم اختي حتا انا مني كنشوفها مربلة مكنحملش راسي الله يكون معانا و يعاونا

عافاكوم البنات بغيت ردودكوم

انا كنظن الحل هو كل نهار جمعيها هههههههههههههه
وراه أختي نفس مشكيلتك وخصوصا أنا الماريو ناري نعيا نجمع ووالو
الله يعاونا وصافي
نتمنى لبنات يدخول يفيدونا
وشكرا على هد طرح المهم

السلام عليكم اخواتي ، جمعة مباركة عليكم وعلى جميع المسلمين . صراحة مكينش شي امراة مكتعانيش من نفس المشكل ولكن كل وحدة وطريقتها بش أنقص عليها الشقة ، نجوليكم طريقتي ، أنا ملي نكون كنطيب فين ما نسالي من شي ماعون كنغسلو بش ميتراكموش عليا ، ملي نساليو المكلة لماعن كنطير بيهم داك الساعة نغسلهم ونجمع الكوزينة ، أما بيت النعاس ملي نفيق صباح مكنخرج منها حتى نجمعها نحل الشرجم ونخليها تهوى ، الطواليط حتى هي كنتوضة ومكنخرج منها حتى نمسحها بجافيل و- نصيقها ونحل الشرجم عاد نخرج منها ، نمشيو لصالون أنا قبل منعس كنجمعو ونشطب عاد نعس بش فصباح نلقاه نقي ومجموع ، من ورى لغدة عاوتني ملي ندي ولدي ينعس كنعاود نجمعو ، صراحة ملي كتحرك شي حاجة من بلاستها كنرجعها ، اللعب ديل ولدي ملي يسالي منهم كنجمعهم فشبكة كبيرة وندخلهم لبلاكار . أما الغبرة من من لاحسن ميبقاوش الشراجم محلولين بزاف يتحلو شوية فصباح بكري بش تهوى الدار ويتسدو . نتمنى نكون أفدتكن .

اختي سبحي الله وكبريه وحمديه كل وحدة33 قبل متنعسي وغادي تولي دارك ديما نقية حينت غادي يولي فيك واحد الطاقة الي متخليكش تقعدي بلا متشوفي دراك نقية ومرتبة والتروان ضروري اختي في كل بيت غير عملي اليقلت ليك عليه وتحياتي ليك عزيزتي

انا بالنسبة للحوايج كلهم تنعلقهم الا دونيات وسراول ديالي انا وراجلي ملابس الداخلية في مجورة وصراحة ماتنطويهمش وماعنديش مشكل معاهم
صالون موقر ممنوع الدخول ليه يعني تنجمعو غير مرة في 2 او 3 ايام تيبقى غير بيت لكلاس اللي تنجمعو مرة قي الصباح ومرة في اليل قبل مانعس لكوزينة مرة في النهار ملي تنجي من الخدمة في لعشية
وتنا اللي لاحظ ان الدار الا كانت خاوية من كترة الربوج والركاني دغيا تتجمع نصحك لا كان عندك هاد المشكل هو اللول خاصك تعالجيه

يا اختي راني نعاني من نفس المشكل

و راهي عجبتني الطريقة ديال حمامة السلام

ربي يجازيها على النصائح
و لكن انا نظن انوا المشكل فينا حنايا
الكسل قتلنا
و تاني راني تقعد وقت كبير قدام الانترنت
و نخلي الدار مروبلة
و راني نحاول نقص قدر المستطاع
وربي يعا ونك و يعا وني
و شكرا على طرحك للموضوع الزين

الشروق المشاركة الأصلية كتبت بواسطة hamamat assalam الشروق
السلام عليكم اخواتي ، جمعة مباركة عليكم وعلى جميع المسلمين . صراحة مكينش شي امراة مكتعانيش من نفس المشكل ولكن كل وحدة وطريقتها بش أنقص عليها الشقة ، نجوليكم طريقتي ، أنا ملي نكون كنطيب فين ما نسالي من شي ماعون كنغسلو بش ميتراكموش عليا ، ملي نساليو المكلة لماعن كنطير بيهم داك الساعة نغسلهم ونجمع الكوزينة ، أما بيت النعاس ملي نفيق صباح مكنخرج منها حتى نجمعها نحل الشرجم ونخليها تهوى ، الطواليط حتى هي كنتوضة ومكنخرج منها حتى نمسحها بجافيل و- نصيقها ونحل الشرجم عاد نخرج منها ، نمشيو لصالون أنا قبل منعس كنجمعو ونشطب عاد نعس بش فصباح نلقاه نقي ومجموع ، من ورى لغدة عاوتني ملي ندي ولدي ينعس كنعاود نجمعو ، صراحة ملي كتحرك شي حاجة من بلاستها كنرجعها ، اللعب ديل ولدي ملي يسالي منهم كنجمعهم فشبكة كبيرة وندخلهم لبلاكار . أما الغبرة من من لاحسن ميبقاوش الشراجم محلولين بزاف يتحلو شوية فصباح بكري بش تهوى الدار ويتسدو . نتمنى نكون أفدتكن .

شكرا اختي بزاف ولله ستافدت منك بزاف غدي ندير بحالك ان شاء الله اي حاجة توسخات نبالي بيها لهلا يخطيكوم عليا

الوسوم:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم خدمة أكيسميت للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.