عافاكم جاوبونييييي

عافاكم الى مجوبوني انا مشيت درت تحليل الدم و لاكين درتو فالعشية حنت معنديش الوقت فالصاح او خرج ليا نيكاتيف واش زعما النتيجة مضمونة???

---

uhth;l [h,f,kddddd

اختي اولا الله يسهل عليك و تفرحي قريبا بالحمل ديالك
انا لما مشيت ندير تحليل الدم في الصباح قالت لي البنت لي خدامة في المختبر بلي واخا نجي في اي وقت ممكن ندير التحليلة حيت هادا ديال الحمل معاندو حتى علاقة لا باكل لا باي حاجة
المرة جاية ان شاء الله يكون خير
الى كان عندك تاخير غير قليل في الدورة ممكن ميبانش لهادا تسناي شوية وعاودي دريه
الله يسمعك اخبار الخير

شوفي اختي انا من راي الاخت الفاضلة لي سبقاتني لكن الا كنتي شريتيها من الفرماسيان راه مكتعلقش بالوقت اي ممكن ديريها فاي وقت ولكن كاينا اخرى كتدار اعتمادا على البولة دالصباح حشاكم وهادي كتديها المختبر على العموم هاد النتيجة والله اعلم يمكن فاتحة خير عليك ان شاء الله
الله يكمل ليك بالخير اختي ويرزقك الدرية الصالحة
الله يبلل ريق كل اخت متزوجة وكتنتضر ربي يشوف من حالها ان شاء الله

بارك الله فيكم غير انا سبق او درت تيست في الصباح او خرج سلبي او تسانيت عاد مشيت درت ديال الدم في المختبر غير انا مشيت في العشية ماشي فالصباح حتى جيت للدار عاد جات في بالي راه يمكن خاصني نمشي فالصباح اوما عرفتش واش النتيجة بحال بحال حنت هوما مقالو لي والو في المختبر على الوقت

ana kanearafe a kheti kayedare fe sebahe ela rike lahe yefarehek we yerezekek douriya saliha we jamie leakhawate

السلام عليكم أختي.للأسف نتيجة تحليل الدم واخا في العشية ولكن صحيحة لأنها تحليلة خاصة بهرمونات تتفرزها المشيمة أي الخلاص الى كانت المرأة حاملة وما عندها علاقة بالأكل.ماتقلقيش المرة جاية ان شاء الله تكون ايجابية.

تحليل البول احيانا ما مضمونش
لان البول كيكون فيه الافرازات
من احسن شربي الماء مزيان وديري الفحص بالصدى
يعني echographie
اضمن الله يفرحك عما قريب

شكرا بزاف اخواتاتي الله يفرحني و يفرحكم و يفرح جميع المسلمات اللهم امين

الله افرحك اختي في القريب العاجل

أختي تحاليل الدم مافيها شك وأضمن من الفحص بالصدى.وحاليا مابقاوش تيشربو الما مزيان باش تنديرو هاد الفحص حيث في هاد الحالة تتستعمل الفحص بالصدى عبر المهبل .