طويجين بالكروفيت ساهل ماهل و بنيييين بزاف

السلام عليكم انيقاتي عانقدم ليكم اليوم واحد الطويجين عاتوليو مدمنين عليه بحالي انا كانموت عليه المهم نخليكم مع المقادير 500 جرام كروفيت 4 مطيشات محكوكين شوية قزبر و معدنوس 2 ضروس تومه ورقة سيدنا موسى معلقه كبيرة زيت زيتون ملح و بزار و سكينجبير و تحميرة زيت عاديه 4 بيضات 50 جرام فروماج حمر محكوك الطريقه كاندير مطيشه في الطجين مع الزيت و العطريه و القزبز و التومه وورقة سيدنا موسى ونخليوها جهد شي 10 دقايق من بعد نضيفو عليها الكروفيت و نخليوه يطيب منين يطيب نضيفو ليه البيض مطرب و فاش يشد البيض راسو نضيفو فوق منو الفروماج الحمر و نخليوه يدوب فوق الطجين ونقدموه بالصحه و الراحه راه كايجي غزال ماتشبعوش منو هاهو الشكل النهائي ديالو في امان الله