السلام عليكم ورحمه الله وبركاته
حبيباتي كيفكن اليوم ان شاء الله الكل بالف خير
طيب بلا مانكتر عليكم نمشيو مباشرة لوصفة اليوم وهي وصفة بسيطة ومذاقها غزال حتى لدراري الصغار خاصة انها متكونه من البطاطا
نبداو على براكة الله
المقادير:
1كلغ ديال البطاطا
6البيضات
4 فصوص ثوم
الملح
شوية القزبور مقطع او كيما كانقولو مفروم
شويه الزيت او الزبده
طريقة التحضير:
نغسل البطاطا ، نقشرها ونقطعها الى مكعبات من بعد نسلقها ونطحنها بالطحانه اليدويه ولا نمعكها بالشوكا
في اناء اخر كانطرب البيض مازيان كانزيد عليه الثومه محكوكه + الملح + القزبور ونحرك مازيان ونضيفهم للبطاطا ونحرك الكل حتى تجانس جميع المقادير
من بعد كناخد مول ديال الكراتان كاندهنو بالزيت او الزبده حسب شنو متوفر وكندير فيه الخليط ديالي اللي وجدت
وكاندخل المول للفرن كانخليه تقريبا 15 دقيقة حتى ل 20 دقيقة لمهم حتى تطيب الطورطية ديالنا وكانخرجها كاتكون من طبيعه الحال محمرة وكاتكون مصاحبه لاي طبق رئيسي خاصة بقطع ديال دجاج المقلي وبالف صحة وعافيه
كانتمنى تعجبكم وصفه اليوم
في انتظار ردودكم
‘,v’dm fhgf’h’h