طورطة مقلوبة لكن هده المرة بآتاي ههههه اممممممممم

oum hedayha
7-6-2019

مساء الخيرات انيقاتي
اشخباركم نتمنى تكونو بآلف خير وعواشركم مبروكة
هي بصراحة فكرة بسيطة وكانت مجرد فضول لآنني شفت طورطات الآنيقات بالما وبالقهوة ببيضة وقلت علاش لا ما نجربهاش بآثاي لكن طلعت غزالة نتمنى تعجبكم انيقاتي

المقادير
كاس اتاي اي نكهة
نصف كاس زيت
2 بيضات
خمارة
2كيسان دقيق
1تفاحة مقطعة دوائر
2معالق سنيدة
الطريقة
كنخلطو البيض وسنيدة وزيت وأتاي تم كنضيفو دقيق ولخمارة كنخلطو مزيان تم كناخدو مول لكنديرو فيه كارطة الفرن تم ربع كاس عسل وكنسرحو دوائر التفاح تم كنفرغو الخليط وكندخلوها للفران حتى تطيب تم كنخرجوها

وكنقدمها مع كاس اتاي

وبالصحة والعافية انيقاتي

---

‘,v’m lrg,fm g;k i]i hglvm fNjhd iiiii hlllllllll

اممممممممممم كيكة واشمن كيكة غير نبدا نقطع ياك هههههههه

تبارك الله عليك ا حبيبة جات غزالة ماشاء الله
و تيقيني كل ماكان اتاي قاطع كل ما كنت النكهة زوينة بزآآآآآاف خاسة الا ستعملتي اتاي اسود منكه بالليمون و كنعمل حتى لاموس به كتجي روعة بزآآآآآآآف
تبارك الله عليك ا حبوبة مشهية

تبارك الله عليك

تبارك الله عليك اختي

​مبدعة تبارك الله عليك

غزااالة تبارك الله عليك فكرة جديدة و رااائعة نشاءالله شي نهير نجربها الله يعطيك الصحة

تستاهلي كل خير يالحبيبة

الله يبارك لك في الصحة والوليدات احبيبة وشكرا على التتبيت

الله يبارك فيك احبيبة