26.08.2019
السلام عليكم ورحمة الله وبركاته
وصفة اليوم اخواتي ط·ظˆط±ط·ط© رائعة معتمدة عندي سهلة المقادير والتحضير… كاتجي ظ…ط¹ظ„ظƒط© ومذاقها رائع.
غادي نحتاجو 150g من اللوز مطحون بقشرتو يعني غير نمسحوه ونطحنوه
150g دقيق فورص
150g زبدة مدوبة
150g سكر سنيدة او يمكن تعملي غير 100 فقط حسب الحشوة غادي نشرح ليك من بعد
1 بيضة
1 خميرة
1 فاني
قبصة ملح وراس الملعقة قرفة مطحونة
كنعمل المقادير كلها في اناء ونخلط كلشي باليد بلا ماندلك راه العجينة دغيا كتجمع.
نقسم العجين مثل الصورة يعني كورة كبيرة واخرى صغيرة
نبسط الكورة الكبيرة في مول مدهون بالزبدة ومرشوش بالدقيق… خاص الطبقة ديال العجين ماتكون غليظة ولا رقيقة
اختارو مول مناسب لحجم العجين.
نجيو دابا للحشوة…. انا هنا استعملت العنب الصغير بلا عظم هو اللي عندي في الدار.. غسلتو ونشفتو من الماء وحطيتو فوق العجين
ممكن تستعملو اي فاكهة عندكم تفاح او فريز او حتى المربى… بعض الفواكه ممكن نعسلوها الا كانت حامضة عاد نستعملوها كحشوة
داكشي علاش قلت انه ممكن تنقصو السكر باش ماتجيش حلوة بزاف.
ندوزو دابا للكرة الصغيرة اللي بقات لينا… غاديين نفرتوها بشكل عشوائي فوق الحشوة بايدينا الصور كاتوضح
هنا كملت… ماشي بالضرورة نغطيو كلشي بالعجين حيث مع الطياب غادة تخمر العجينة وتكون طبقة فوق الحشوة
ندخلوها لفران يكون سخون مسبقا ونخليوها تطيب على عافية مهيلة بزااااف على الاقل ساعة الا ربع لانها كاتبغي الطياب شوية ماشي فحال الكيك.
ومللي تطيب تحمر عادي
والتزيين كل وحدة واللي موجود عندها انا استعملت خطوط بالقشدة المخفوقة.
نتمى تعجبكم وتجربوها… بالصحة والراحة.
اللهم أدمها علينا نعمة واحفظها من الزوال.
‘,v’m lug;m fhgg,. ,hgukf>>> fsd’m ,lld.m ,hgukf
احلى تقييم
5 نجمات
احلى تقييم ليك
تم الثتبيت غاليتي
مشرفتي شكرا على التثبيت
تسلم الايادي
احلى تقييم