طورطة الشكلاط و الكراميل

السلام عليكم و رحمة الله و بركاته

اليوم بغيت نشاركوم هاد الطورطة البسيطة و لكن اللذيذة جددددددا. راه حطيتها فقسم الفرنسية و لكن لتعم الفائدة قلت نحطها هنا. كنتمنى تعجبكوم.

على بركة الله

اولا كنحتاجو لزوج جنوازات

كل وحدة استعملت فيها

4 بيضات + 9 م ك سنيدة + 6 م ك دقيق مغربل + 3 م ك كاكاو + م ص خمارة الحلوى + شوية ملح

المراحل

كناخدو الجنواز الاولى

كنسقيوها بالسيرو

من بعد كندهنوها مزيان بالكراميل (كاس سنيدة + م ص زبدة نديروهوم فوق العافية حتى يدوب السكر مزيان و يرجع قهوي كنضيفو ليه ياغورت فاني و نحركو مزيان )

كنضيفو الكركاع و اللوز مهرمش

كنحطو الجنواز الثانية

كنسقيوها بالسيرو

كندهنو الطورطة كلها بالكريم شانتيي لي ضفنا ليه ملعقة او اكتر كاكاو

كنديرو ط§ظ„ط´ظƒظ„ط§ط· فيرميسل للجناب و ط§ظ„ظƒط±ط§ظ…ظٹظ„ لي تبقى لينا الفوق.
كنزوقو الطورطة بوريدات من الشانتيي و اللوز محمر
و ندخلوها تبرد لحين التقديم

كتجي هااااااااااااااائلة. كلشي عجباتو و حماق عليها كنصحكوم تجربوها وردو عليا الخبار.

‘,v’m hga;gh’ , hg;vhldg ‘,v’m hga;gh’