مغربية و افتخر
السلام عليكم و رحمة الله و بركاته،
اليوم جيت و جبت ههههه، جبت ليكوم طورطات متواضعة، ختكوم غير مبتدئة و يلاه كنتعلم، كنتمنى يعجبوكوم
أول طورطة: كيكة عادية قسمتها على 2,سقيت الجزء 1 بالسيرو،
دهنتو بكريم موسلين (كريم باتيسيير ضفت ليه الزبدة) ،
عملت شوية فواكه مقطعة صغيرة .
درت الجزء 2 من الكيكة، سقيتو بالسيرو،
ثم كريم موسلين.
و التزيين : شكلاط و لوز إيفيلي.
‘,v’hjd hglj,hqum (gglfj]zhj fphgd iiiii) gglfj]zhj iiiii
خديت
كيكة عادية، قسمتها على 2، سقيتها و دهنتها بلي تبقى عندي من كريم موسلين + شوية كريم شانتيي 
حاولت نتفركس عليها زعما، باش تجيني بحال الجنواز ، فرقت بياض البيض على الصفار (استعملت 5 بيضات).
طربت الصفار مع السنيدة (كاس و ربع) + فانيل سائل + كاس زيت + دقيق (عيني ميزاني) + 2 خمارات.
طربت بياض البيض مع قبيصة دالملح.
فاش طلع ضفتو للخليط السابق
فاش طابت تنفخات مزيان و لكن رجعات تفشآآآات هههههه
نخليكوم مع مراحل التزيين
ملاحظة هامة:
الملون لي استعملت هو ملون طبيعي، الما فاش سلقت الباربة، كنحتفظ بيه فالثلاجة، و كنضيف شوية للكريم شانتيي، يمكن تضيفي أكثر باش تحصلي على لون غامق شوية
إيوا كيف جاكوم هادشي؟؟؟؟؟
