السلام عليكم و رحمة الله تعالى و بركاته
اخواتي الحبيبات لقيت هاد الموضيل في موقع اجنبي ومنين طلبت من سيدة كتخدم التريكو بالماكينة تخدمو لي قالت هاد الشكل ما يمكنش يتخدم بماكينة التريكو لانه كيتخدم من الفوق ارجوكن لي عندها شي فكرة على طريقة الخدمة ديالو بالماكينة ترد علي الله يجازيكم بخير https://www.garnstudio.com/lang/fr/vi…_id=23&lang=fr
‘gf lk ofdvhj jvd;, hglh;dkm
نتمنى يدخلو المحترفات ويعاونوك أختي
فينكم اخواتي 39 مشاهدة واحدة فقط لي جاوبت
الي بان ليا الفوق العنق كايضم الصدر والتحت من الصدر للتحت
الطريقة على بركة الله
العنق والصدر كالتالي
العنق من 70-70 انا درتوا ب 2-2 20 سطر الى كان كول مونطي ولا غير 10 الى كان كول عادي ب نمرة صغيييرة انا درت 3 والباقي شحال ما كبرتي النمرة كايكبر العنق وبالتالي يعطي الصدر انا خدمت ب 5 حيت البنت صغيرة انت ديري 6 ولا 6.5 الى كانت البنتية كبيرة ولا مرا وهاد الطرف كايتطوئ على زوج كايتخيط اللور
الطرف السفلي تبدايه من التحت عكس الفوق راه بدينا من العنق واحنا هابطين
كاتديري الالا من 50-50 لنتيتة عمرها 6 سنوات وتديري الزواقة الي باغا انا طلعت 200 سطر وقطعت
صافي عاد ديري اللور بحال القدام
غادي تخيطي الطرف الامامي والخلفي بوحدهوم
والعنق تكوني خيطتيه بوحدو من اللور
عاد لاقيهوم من الصدر وتخلي من قنات العنق وقنات القدام واللور شي 8 سنتيم من كل جهة باش تشكل دورة الابط ويعطيك الشكل الي فهاد الموديل الي بغيتي
ثم الكمام خدميهوم عادي ومونطيهوم
ممكن يتصايب بالماكنة لكن عمر جربته الي جربت هو الكم مخيط
جزاك الله خيرا اختي على الرد و الشرح الوافي جعله الله في ميزان حسناتك