طلب من الخبيرات في الكوكلي

السلام عليكم ورحمة الله وبركاته

بغيت سر من أسرار الأنيقات في الشوا ديال الكوكلي
آش من خلطة باش يجي لذيذ تاكليه بعظامو
وباش ترافقيه، (ما تا نهضرش على الخضر مبخرة أو أرز أو فريت..) وانما شي حاجة ديال التغماس
زوج أختكن يحب التغماس

Read more: https://www.anaqamaghribia.com/vb/sho…#ixzz3ckB33peW

---

‘gf lk hgofdvhj td hg;,;gd

صافي بلاش! المرجو حذف موضوعي

حبيبتي امينة غادي نعطيك طريقتي ولكن كانضن بالي مافيها حتى حاجة جديدة
انا كانشد الكوكلي من بعد ماكنظفهم ونغسلهم نقسمهم على جوج وكانشد عرش يازير طري والزعتر وزيت العود والملحة والخرقوم ولبزار لبيض والثومة وكانرقدهم فيهم ليلة كاملة داخل الثلاجة وفي الصباح كانحطحم في الفران على لg ري وﻻ نشويهم فوق الفاخر ونقدمهم مع صوص زبدة ودقيق ومرق ومليحة
والروز مسلوق ومنسم بالمعدنوس

ربي يجازيك خير، تشهيت الكوكلي مشوي وكومونديتو وبغيت طريقة لذيذة
الله يعطيك الصحة اليازير بالخصوص تا يخلي نسمة غزالة في المشويات
صافي نطبقها، وندير مريقة بالقشيوشات باش نرافقها إن شاء الله

بالصحة والعافية حبيبتي

السلام عليكم
اختي امينة هدي طريقتي بغيت نزل الصور لكن فيهم اسم الموقع

مقادير تحضير الكوكلي مشوي في الفرن:

4 كوكلي مغسول جيدا ومقطع من جهة الصدر
حبة بصل مطحونة مع 2 فصوص ثوم
ملعقة زنجبيل طري او بودرة
1/2 ملعقة فلفل
ملعقة صغيرة هريسة
2 ملاعق كبيرة كتشوب
2 ملاعق كبيرة صوجا
ملعقة خل ادا كان متوفر الخل البلسمك Balsamic vinegar يكون افضل
ليمونة صغيرة سنحتاج الى العصير والبشر
ملعقة كزبرة جافة مطحونة
1/4 ملعقة ملح
3 ملاعق زيت زيتون
ملعقة اعشاب منسمة
الصلصة المرافقة:

زبادي او ياغورت مصفى من الماء في مصفاة الحليب
ملعقة صغيرة عصير ليمون حامض
ملعقة كبيرة سمسم محمص
ملعقة ثوم بودرة
ملعقة صغيرة شطة سائلة
2 ملعقة زيت زيتون
ملح وفلفل
طريقة تحضير كوكلي مشوي في الفرن :

في انية اخلطي جميع المكونات ماعدا الاعشاب
وقومي بادخال التتبيلة في الكوكلي جيدا واتركيه يتشرب جيدا مدة ليلة كاملة
بعد مرور المدة المحددة اضيفي الاعشاب المنسمة
في صينية فرن ضعي ورق المطبخ ادهنيه بالقليل من الزيت ووزعي فوقه الكوكلي جهة الصدر تكون هي الاسفل وادخليه الى فرن مدة 1/2 ساعة

الله يعطيك الصحة وصفة غير مألوفة، المكونات لذيذة أكيد تخرج خلطة رائعة
خذيت 4 كوكلي إن شاء الله نطبق وصفة إلهام بجوج حيت تا يعجبني اليازير والزعتر والوصفة ديالك بالجوج الثانيين
ما عرفتش شنو هما الأعشاب المنسمة
عجبتني الصلصة بزاف خصوصاً مع السمسم حاجة جديدة
جزاك الله خيراً على الوصفات أختي

تا تضحكي عليا ياكي خخخخ
إوا شفتهم ما بغاوش يلبيو لي الطلب ديالي

ههههههه لا حبيبتي أمونة عرفتي فكرتيني فشحال من أنيقة كاتحط الطلب ديالها ويلى ما جاوباتها حتى وحدة كاتقول واصافي حيدوا الطلب ديالي هههههه أضحك الله سنك غاليتي،،،