طلب مساعدة من الي فايت ليها مجربة curacne عفاكم!!

السلام عليكم ورحمة الله تعالى وبركاته

كيف حالكم البنات؟؟

انا عضوة جديدة وهادي اول مشاركة لي هنا معاكم

وبغيت نسولكم ايلا جات على خاطركم

انا كنعاني من حب الشباب ومشيت عند الطبيب ووصفلي curacné 20 mg وعطاني معاها واحد البومادة لتشقق الفم ووحدة لجفاف الوجه

والايكرون ديال الشمس anthelios XL50+

ولكن ماعطانيش شي صابونة نغسل بيها وجهي ،واش نقدر نستعمل صابونة dove ؟؟

وسمعت بلي خص الي يشرب هاد الدوا يتبع واحد الريجيم خاص بالدهنيات واش بالصح؟؟

ومافهمتش واش نقص الدهنيات ولا نزيد ناكلهم؟؟

عفاكم الي ظپط§ظٹطھ ظ„ظٹظ‡ط§ ظ…ط¬ط±ط¨ط© هاد الدوا تجاوبني

وشكرا بزاااااف مقدما

---

‘gf lshu]m lk hgd thdj gdih l[vfm curacne uth;l!! Hdih hld uth;l

السلام عليكم ورحمة الله وبركاته

نعم أختي هاد الدوا تا يطلع الكولسترول خاصك تحضي الأكل ديالك وكل شهر ديري تحليلة
والدواء ديال تشققات الفم ما تخسر فيه فلوسك، ديري غير فازلين وكتري منها ديري كوش غليضة وديمة يكون حداك كل ساعة ديري منها
وشربي الماء بزاف
وشعرك بداي تعملي ليه حمام زيوت كل أسبوع
وصابون الوجه خودي ديال dermagor زوين

السلام اختي انا فايتلي درتها ل 3 شهور فاش كان عندي 16ans و حيداتلي لحبوب لي كان ف ظهري و سدريكنت كندير ديال 10 و دابا عندي 19ans و يالاه كملت traitmnt عوتاني ديال 20 لمدة 3 شهور حتاهيا حست كان بدا كينوضلي شوووية د الحبوب ف ظهري حيد ولك فجبهتي باقي و لكن انا عطاني ندير تحاليل قبل منبداها و صيفتهم ليه دال الكوليستيرول و شي حاجا اخرا معقلش عليها
راها كاتنشف الذات كلها شربي لما بزاااااااف لينشفو ليك الكلاوي و الشعر و حتا جلدة دراس تقد ديرلك القشرة و را لحمك ايولي حتا هوا حساس بززززف بعي ف هاد المدة علا لا سير الا كنتي كديريها و الحكان بزاف و بجهد انا gel لي عطاني د الوجه سميتو Atolys ااه و را فمك اتحسي بيه تجبد شوية و ماتخافيش الا لقيتي دم هي نتي متخليهش ينشف ولكن مكاين لا ريجيم لا والو
هدشي لي كلت كولو عن تجربة
الله يعاونك

حبيبتي غي تبعي دواك ورجيم سوليه شحاب من حاجة ماخاصكش تاكلبها ثاحبتي كانت متبعة مع طبيب الجلد وتبارك الله وجها ولا بحال المراية العقبا لك خودي dermagor ولا اي صابون من صيدلية حسن من دوف وديتول وباقي الصاوابين العادية.بخصوص تشقق شنايف غادي يكون شوية كثير مي عادي ديري كيما قالت لك الاخت فازززلين وشربي الما مزززززيااان وعصير ليمون تاهو مزيان.من بين الاشياء للطبيب منع على صاحبتي حلويات الكريم والموناذا والبيض.اتصلي له وسوليه عالرجيم كامل احسن اختي باش يجيب ربي شفاء والله ينور وجهك يوم تسود الوجوه

اختي انا كنت كنشرب الفانيد مده شهر صراحع كنقي الوجه وكنت كندير معاه مريمات في لليل وصباح كنت كنغسل وجهي ب فيزيو جيل وتقدري ديريه في قطن وتمسحي بيه بالنسيه للدوف منصحكش بيها انا الفانيد راه كينشف الحبووووب

انا كنت جربت هاد الدوا لمدة شهرين دار ليا تشققات في فمي و عطاني الطبيب مرهم من عندو زوين و نفعني و الدورة كانت كتجيني معطله على وقتها ب5 ايام او اسبوع و كان عطاني كريم hydratante لوجهي نديرو 3 او 4 مرات في اليوم سميتو soluskin
اما الصابون فقالي عادي بعدي غير على صابون الريحة
بالنسبة للريجيم ما قالي والو و لكن نصحني ننقص من الدهنيات و الدوا ناخدو في وقته

اختي انا تبعتو 7 اشهر مكنتش دايرة ريجيم و الحمد لله حيد مني الحبوب كنت كندير فازلين لشفايفي و كريم مرطب لوجهي و كنغسل ب جيل للبشرة الجافة حيت الفانيد كينشف البشرة