طلب مساعدة من الامهات

اخواتي الكريمات انا ولدي عندو 4 اشهر و 15 يوم و بغيت نبدا نعطيه ياكل و بغيت منكم تقولولي كيف ندير للفواكه و الخضر طريقة ديالهوم و شحال نعطيه من مرة فالنهار انا كنعطي ولدي هي لحليب ديالي و هي شي 4 مرات الي عطيتو تفاح و الاجاص ديال القرعة و قلت احسن حاجة نولي نصايبهوم فدار و هدا اول ولد ليا و مكنعرفش كيف ندير ليهوم بغيتكوم تفيدوني فكل شي و شكرا ليكم

---

‘gf lshu]m lk hghlihj

اختي ولدك باق صغير صبري يدير ديك 5 شهور ونص الا كان وزنه مزيان

اختي بنتي عندها دابا 5 شهور و 18 اليوم وباقي ماعطيتها تاكل
اغلبية الباحثين فهاد المجال تايوصيوا ب 6 اشهر لانه السن المتالي و اصحي و الامن للطفل باش يولي ياكل
وباش تعطيه ياكل متتعطيهش مباشرة من الاول الاكل
تتبداي بماء اللي تصلق فيه الخضر واحسن خضر تبداي بيها هي الجزر و كرعة حمراء بزااف مفيدة
والنشويات بحال الروز و السميدة تطحنيهم خفاااااف بزاف
بالنسبة للديسير ماتبدايش بيه لان ايلا داق ليك الحلاوة ماياكلش ليك الخضر
وبعدي من ديالي القراعي راه فيه مواد حافظة ديريه فالدار الكومبوط ديال تفاح و اجاص صلقيه و طحنيه فماء و بلا سكر وملح طبعا غير الطعم الاصلي حافظي عليه
الما بداي تعطيه لولدك ايلا بديتي توكليه
وكل صنف بوحديه جربيه اسبوع عاد بداي شي تاني ولاحظي واش كاين شي حساسية فالجلد ولا نوعية الخراج راش تتطمني انه مغاديش يضره

salam okhti b hokm tjribti hit andi wliyd andou 2 ans daba ila bhal l fawakil kchriha kamla w diriha f casrona w zidi e3liha 2 me3laq kbar ma w nqssi l 3afya talkhr wmra mra hrki fach tchoufiha tabt tfi l botta w khliha tbrd 3ad thniha w diriha f chi boitta l khodar diri jamie3 anwae3 l khodar lobya jlbana lft khizo kri3a hmra ……………. mra khizou bohdou wmadiri la mlh la skar w tybiha bhal soupe w tniha w wklih bl me3laqa ramaghyklch bzzaf daba hit mae3rfch hta ydiri dik 6 chhor 3ad ybda yaklik daba khas ghi ye3rf dawq w safi

شكرا بزاف اخواتي انا كنت تغيت نعطيه حتى يكمل 6 اشهر و لكن طبيبه ديالو قالتلي نولي نعطيه من دابه هي تفاح و الاجاص و الخضر قالتلي حتى يدير 5 اشهر و نصف و انا معرفتش اش ندير حرت ولدي الوزن ديالو 8 كيلو واش مزيان بالنسبة العمر ديالو

تبارك الله ماشاء الله
اختي 8 كيلة ظهر ليا بزاف مقارنة مع السن دياله
واش نتين غليضة

الله يبارك فيك
ههههههههههههه ضحكتيني منين جاني غلط راني وليت حالتي حاله بقاو فيا هي لعظام و شعري كيطيح خلي عالله و صافي هههههههههههههههه

زيديني عليك هههه الرضاعة وماتدير
ايوا دابا نخلفوا ان شاء الله

شوفي ياكي مللي تتديه الطبيبة تتقوليك مزيان

اه قالتي مزيان الوزن و الطول الحمد لله و قالتلي نعطيه حتى تفاح و الاجاص انا قلت ليها باقي صغير قالتلي عطيه باش يولف و قالتلي مني يدير 5 اشهر و نصف عطيه الخضر و انا قلت نسولكوم انتومه عندكوم خبره

ياختي كل طبيب وشنو تايقول
انا طبيبة قالت ليا تااتدير بنتي 6 شهور و مانبداش بالديسير لان ايلا داقته تجيها الخضرة باسلة