ارجو من كل الانيقات اساعدوني في طھط³ظٹظٹط± المصروف و بوضع جدول لوجبات الاسبوع
عندي 500درهم فالشهر او بغيت نوفر منها ساعدوني بكل الافكار
‘gf lshu]m td jsddv hl,v hgfdj ,hglwv,t hgfpj
ماكاينش معلومات كافية باش يقدرو الاخوات يفيدوك بحال عدد افراد الاسرة وواش كاين عندك شي حاجة فالكوزينة تنقص عليك ولا خاصك تقداي كولشي
حاولي توضحي كتر اختي
شنو تقضاي واش كلشي اللحم و الحوت و الخضرة و الرفتايما؟
بالنسبة لمبلغ 500 درهم خاص غير بالمواد ديال الكوزينة فيها لحم او الحوت و القطاني الخضرة مافيهاش لماء لا ضو وبغيت نحاول نوفر منها الى مكن لية قرزااازة هههههههه
المشاركة الأصلية كتبت بواسطة karima91 
بالنسبة لمبلغ 500 درهم خاص غير بالمواد ديال الكوزينة فيها لحم او الحوت و القطاني الخضرة مافيهاش لماء لا ضو وبغيت نحاول نوفر منها الى مكن لية قرزااازة هههههههه
لله يطرحليك البركة اختي وتكفيك نشاء لله ويشيط الخير
هانتي 200درهم حاولي تقداي منها غي ضارورياااااااااااات من الهري بحال نص كيلو من الحاجة(القطاني)+2لتر زيت+طحين لي يكفيك+نص كيلومن الحاجة( روز وشعرية وتشيشة) والعطرية
50 درهم جيبي بيها دجاجة +شي نص كيلو ديال (كبدة وكنصا) غاتبقاليك هنا شي 10دراهم
200درهم خبيها للسوق 50 درهم فالاسبوع
و50 درهم خليها حتياط للحليب وهاكذا…
نتمنى نكون فدتك ياك بعدا الوليد ماتايحتاجش ليكوش؟
حيت محال تقدك أختي
المشاركة الأصلية كتبت بواسطة karima91 بالنسبة لمبلغ 500 درهم خاص غير بالمواد ديال الكوزينة فيها لحم او الحوت و القطاني الخضرة مافيهاش لماء لا ضو وبغيت نحاول نوفر منها الى مكن لية قرزااازة هههههههه
ختي تقدر تقدك الى خديتي غير الضروريات
هانتي 200 درهم ديها لهري خودي 5 كلو فورس و 3 قمح وخودي 2 لتر زيت و خودي 10 دراهم عطريه مخلطه وخودي نصف كيلو من كل حاجه(روز عدس شعريه لوبيه …)اوني سائل، خميره حبيبات،نيدو،سيري عند موول دجاج خودي دجاجا فيها 2 كيلو،و خودي كيلو تقليه و كيلو لحم راس و وقطعيهم راك غي نتي وراجل و ولدك راه يديو لك شهر و سيري لسوق لاسبوعي خودي الخضره كل اسبوع ولي لقيتها رخيصه خودي منها بزف فحال بصله و بطاطا را ماتخسروش جلبانه و لوبيه و ربيع نقيهم و قطعيهم و الى الفريكو وصوبي لخبز و لمسمن و ديري في لفريكو راه ينفعك،مواد تنضيف خودي جاڢيل روح و زيديه لما و سانيكروا لعبار و يلا كانت عندك ماكينه خودي اريال ساشي نص كيلو راه تدي بزف ولا ماكانتش عندك خودي تيد ديال صابون لكف راه تيخرج لحوايج،نتمنا نكون جوبتك ولو بلقليل و كتري من الاستغفار راه تيدير البركه في الرزق و الله يرزقنا وياك من حيت لانحتسب