طلب بخصوص الملوخية الله يجازيكم بخير

عافاكم بغيت نعرف كيفاش كتنقيو ط§ظ„ظ…ظ„ظˆط®ظٹط© حيت عمري صاوبتها الا كان ممكن شي اخت تشرح لي كيفاش كتنقيها ط§ظ„ظ„ظ‡ ظٹط¬ط§ط²ظٹظƒظ… ط¨ط®ظٹط± فهاد الشهر الكريم

---

‘gf fow,w hglg,odm hggi d[h.d;l fodv

السلام عليكم ورحمة الله وبركاته
اختي انا تناخدها ونغسلها مزيان نخليها تستقطر عاد تنزل ليها الراس الفوقاني ونعملها فشوية الماء ونردها غي تطلع فيها الغليه عاد نستعملها فالطاجين وفاش مابغيت
حيت ملي تتغسليها وهي مزززال منقيتيها متطلقش الماء ديالها
يعني تتزولي غي الراس الفوقاني الطربوووش زعما ههههههه
نتمنى نكون توفقت فالشرح وفانتضار الاخوات حت هما يفيدوك
الله يسر الامور اختي

اولا تنحكها على خفيف في الغربال او الصفاية كبيرة باش يزولو الشعيرات وتنغسلها بالماء والحامض وتنزلو ليها كيف قال دعاء القلوب الطربوش بلا ما تتفتح اي تيبقا الشكل ديالو نتمنى تفهمي عليا
لكلن الطجين تنزلها فوق الخضرة ولكانت الطنجرة هناك طريقتين لكانت الكمية قليلة تنعملها في زلافة ونصب عليها قليل مرق من الطنجرة ونزلها في الطنجرة طيب في الزلافة
ولكانت الكمية كبيرة تنعملها في كاسرول ونصب عليها القدر الكافي من المرق ديال الطنجرة ونضيف ليه الثوم لانها تتبغي الثوم والحار ونخليها حتى طيب وتشحر وتقدم فوق اللحم

السلام عليك اختي دعاء القلوب رمضان كريم الله يجازيك بخير

اهلا اختي سبحان الله فاين ما درت شي طلب مساعدة كتجاوبيني لهلا يخطيك اختي ورمضان كريم جزاك الله خيرا

اختي حنا كنحكوها في غربال ولا في الصفاية بشي شيته صغيره دايراها ماما غير للخضره ملي كتحكها مزيان كتغسلها وفاش تسقطر مزيان كديرها في بلاستيكات وتخزنها في الفريڭو ولا بغيناها للاستعمال هي الصراحة كتجي روعه مع الغنمي ولا البڭري ناريييييييييي كتشهي ولكن ماما كدير ليها لاصوص بمطيشه والربيع والتومه والعطريه وفاش تشحر كنزيدوها على اي طبق ولا كتقدم شرموله بوحدها
وبالصحه والراحه

السلام عليكم
اختي نعطيك طريقة ساهلة جدا ديال المناطق المنتجة للملوخية
اختي كتاخذي الملوخية كتديرها في انية واسعة شوية نقولو بانيو مثلا ،كديري معاها شوية الملحة وشوية الماء،كتلبسي شي بلاستيكة في يدك وتبقاي تخدميها بحال الى كتغسليها غير شوية واحد 2 دقايق او 3،المهم حتى كتحسي بأن الملمس ديالها رطب مبقاش فيها هاداك الشوك،كتغسليها باش تزول منها هاديك الملحة والشوائب لي فيها،ديريها فشي شبكة باش تستقطر الماء،وتحيدي ليها الطربوش والى بغيتي حتى لتحت ديالها،كتديرها فكسكاس وتضيفي عليها شوية الخرقوم وشوية الكامون وتحركيها باش تندمج مع هاد العطرية ،كتغطيها مزيان وكديرها تفور حتى كتطيب،كتاخذي شوية المرق غير من الفوق يعني من الاحسن هاديك الزوينة لي كتطلع لفوق وكتشحري فيها هاديك الملوخية غير شي شوية دقيقة تقريبا وتزيني بيها الطبق ديالك
الى بغيتي تخزنيها من بعد ما كتحيدي ليها الريوس ديالها كتديريها فبلاسيكات والى المجمد،كتبقى بحال الى عاد شريتها
كنمنى نكون فدتك

شكرا احبيبة لهلا يخطيك

شكرا اختي على الشرح الله يجازيك بكل خير