طلب بخصوص اقتناء اللباس الضروري للاستعمال اليومي

السلام عليكن يا انيقات كنتمنى تقبلوني معاكم ضمن هذه الصحبة الطيبة . واخا انا معتابراكم صحاباتي كلكم من شحال هاذي و بفضل هاذ المنتدى تغيرت حياتي و الله العظيم اتكلم بجد . فانا ارجع له في كل ما يعترضني في حياتي اليومية و استفيد من تجارب الاخوات كلهم و في جميع المجالات . الله يجعلو في ميزان حسناتكن.
و عندي طلب من فضلكم وكنتمنىتفيدوني. انا هاذ الايام حسيت بالملل من راسي و حوايجي ماشي غير انا حتى راجلي وولادي و تراكمو عليا الحوايج اللي كنشريهم بلا تخطيط غير اللي عجباتني تنشريها و خصوصا من عند نساء تيجيو عندنا الخدمة و من صحاب برا و مللي تنسافر لشي مدينة . اما الصبابط و الفولارات و الشيلان فحدث و لا حرج . و دابا قلت مع راسي غادي نخرج هادوك الحوايج كلهم و نعطيهم لواحد الجمعية تنتعامل معاها و نشري حوايج محسوبين على رؤوس الاصابع منها الماريو يبقى خفيف و منظم و ما نبقاش انا مودرة وسط الشراوط . و نفس الشيء غادي نديرو لبلاقي افراد الاسرة
الطلب ديالي اخواتي هو شحال خاص يكون عندي من لبسة و من صباط مع العلم انني موظفة و متحجبة و كنفضل الجلباب و خا تنلبس بعض المرات التونيكات و كيفاش نلبس كل يوم واش نبدل كل نهار ولا اشنو و كيفاش نقتاني حوايجي حسب الفصول .
كنتظر جوابكم بفارغ الصبر و لكم مني اجمل تحية.

‘gf fow,w hrjkhx hggfhs hgqv,vd gghsjulhg hgd,ld hgqv,vn