طلب الى كل الانيقات

صباح الخير عليكم الله يخليكم عندي ليكم واحد الطلب غيجيو عندي الناس في العطلة و بغيت نوجد ليهم على تيساع و مكرهتش من ط§ظ„ط§ظ†ظٹظ‚ط§طھ يحطو شي وصفات لي ممكن نديرها و نحطها في الثلاجة كنقصد داك الشي ديال الكوتي و دواز اتاي و علاش مانديروهاش كاملين و لكن جزيل الشكر و ما تطلوش و تهربو وخا غير دعيوة باش نقدر عليهم را ختكم يدها بوحدها…………. ههههههه

---

‘gf hgn>>>>>>>> ;g hghkdrhj

أختي الله يعاونك و لهلا يحشمك.
دبا يدخلو الأنيقات ويعاونوك

عن طريق : samsung – GT-I9100

وجدي المسمن عجنيه وكرصيه بحالا غادي طيبيه ولكن انت ديري فكونجيلاتور وديري كل وحدة فميكة ديال تجميد اللحم وجمدي كل مسمنة بوحدها منين تبغي طيبي جبدي المسمن من المجمد ديريكت للمقلاة بلا متخليه يتحل فهمتي ونقصي على البوطة وتبقاي تقلبي حتى تيتحمر
وجدي الشهدة وديريها فكونجيلاتور والكيكة حتى هي وبيني طيبيه ولكن متفنديهش فالسكر حتى تخرجيه من المجمد وخليه يطلق عاد فنديه فالسكر سنيدة

مقادير البريوش شهدة

100 مللتر حليب دافئ
1 بيضة
40 غ سكر كلاصي .انا كندير 100 غ
50 غ زبدة مذوبة
ملعقة صغيرة ملح
1 ساشي فاني
خميرة الخبز
275 غ حتى 300 غ على حسب الدقيق
اصفر بيضة للدهن وسكر كلاصي للتزيين
في اناء نخلطو الحليب الدافئ والزبدة المذوبة تكون دافية وخميرة الخبز ونخلطو مزيان ونخليو الخليط يخمر 10 دقائق من بعد نضيفو عليه البيضة .فاني.الملح والسكر كلاصي والطحين شيئا فشيئا نعجنوه 15 دقيقة ثم نغطيوه حتى يخمر من بعد ما خمر نتقبو العجينة نخرجو منها الهواء ونعاودو نخليوها تخمر ثم كنقسموها كويرات وكنشكلوها بحال الشهدة ونخليو الفرق بين كل كرة باش منين تخمر تتلاصق .نخليوها تخمر وندهنوها باصفر البيض والى الفرن 180 درجة مدة 20 دقيقة ولكن مع المراقبة كل واحد وفرانو .منين تبرد رشي عليها السكر كلاصي

Read more: https://www.anaqamaghribia.com/vb/sho…#ixzz3Up0VY9ln

ديري بيتزات صغار حتى هما جمديهم ،بطبوط رغيفات معسلين

السلام عليكم و رحمة الله و بركاته
ينقل لقسمه المناسب
ربي عوينك الحبيبة

شكرا اختي ربي يخليك

شكرا اختي على اقتراحاتك بالنسبة للكيكة واش كتبقى زوينة و البيني ندير المقلي و لا نطيبو في الفران و مللي نبغي نفندو نسخنو و سمحيلي بزاف الى كترت عليك

سمحي ليا بزااف اختي المشرفة راني تلفت مللي عرفتهم جايين و معقلتش فين حطيت الطلب ديالي سمحي ليا مرة اخرى

العفو احبيبة
الكيكة كتبقى زوينة بحالا يالاه مطيباها.البيني عمرني جربتو في الفران والمقلي جربتو خرجيه فالصباح وخليه يطلق مع راسو فالعشية قيسيه ايلا لقيتيه بارد سخنيه شوية في ميكروند وفنديه فالسكر ايلا ملقيتيهش بارد فنديه في السكر وصافي