الله يخليكم لي كان عند ولدها مشكل التبول ط§ظ„ظ„ظٹظ„ظٹ وتخلصات منو ولقات ليه الحل ماتبخلش علي بيه
ولدي عندو 6 سنوات وشهرين وخا كنعمل ليه ليكوش ديما فراشو ريحتو حالة والدوش كل صباح وف وقت البرد صعيب عليه كيدوش بالبكا
جربت ليه العسل والو وشي عشوب كنتبخهم ماقضاو فيه دوزت ليه عند الطبيب خرج لي الدوا تريتمن ديال شهر شريتو ولكن مقدرتش نعطيه ليه حيت كان باقي مكمل 6 سنوات .
لي نفع معا ولادها الطبيب والدوا تنورني الله ينور ليها طريقها .
‘tgd ,hgjf,g hggdgd hgl[l]
57 مشاهدة ولا رد واخا غير شي دعيوة في ظهر الغيب
نفس الاستشارة عندي, نتمنا يفيدونا الأنيقات.
اختي حاولي تعملي ليه ميكة والا ديما البيت غتبقا فيه الريحة. شخصيا من نهار شريت لولدي فراشو خليتو بالميكة ديالو الى يومنا هذا باش متكرفسش بيتو بالريحة.
ولدي عندو خمس سنوات.
اختي حاولي تعملي ليه ميكة والا ديما البيت غتبقا فيه الريحة. شخصيا من نهار شريت لولدي فراشو خليتو بالميكة ديالو الى يومنا هذا باش متكرفسش بيتو بالريحة.
ولدي عندو خمس سنوات.
ختي،كاين بعض الأطباء تيقولو بلي راه عادي الطفل يبلل فراشوحتى ل 7 سنين و لكن إذا استمر الامر فوق 11سنة كيستاوجب المعاينة الطبية. انت من جهتك تخدي التدابير اللازمة بحال مثلا عدم شرب السوائل في وقت متأخر من الليل و إرسال الطفل لقضاء حاجته مباشرة قبل النوم وإذا تشطنتي عليه ديه عند urologue، الله يشافيهلك دابا يكبرإن شاء الله وتبقى غير معاودة
اختي الحبيبة بحالي بحالك انا ولدي طالع ف 7 سنين والو هو تقهر وانا اكثر راه حطيت استشارة كنتسنى ان شاء الله تجاريب الاخوات الله اشافيه ويعافيه اختي
kalbo f net 3la wasfat doctor jamal skali ltaboual rah wasfato kisadko mashallah
جربي الشيح كيتباع عند العطار كتاخدي شوية منو ديريه فمجمر صغير كيتباع كيديرو فيه البخور .فالليل حيدي لولدك سروال والكيلوط وقفيه ديري المجمر تحتو ولوي عليه فوطة أو زيف كبير رمي الشيح غيطلع الدخان خليه يتبخر دقيقة أو2 لبسيه حوايجو وخليه ينعس .حضي معاه باش ميضربوش البرد.وماتحرقيهش .عاوديليه هاد العملية 3أيام.الشيح ريحتو خايبة شوية بخريه فيبيت أخرى من غير الي غينعس فيها باش ملي يمشي ينعس تحلي الشراجم تحيد الريحة .الله يجيب الشفاء .هادي تجربتي مع ولدي لهلا يحشمنا
حتى ولدي راه قرب اكمل 7 سنوات ولكن في الحقيقة ما عمرني درت معاه بالي خليتو على خاطرو
ربما لكوش الي كتعملي لولدك ماشي مزيان انا فراشو مكيخناز ما والو قليل فين اخرج ليه
غير الى شرب السوائل بزاف في الليل
اما علاش انا ما قلبت ندير ليه والو حيت خوتو كلهم كانو بحال هكاك
الاول حتى كمل 8 سنوات نهار الي حس براسو غادي يحبس سبحان الله حبسو
والاخر حتى ل 10 سنين ديتو للطبيب ما خليت معاه حتى من الطبيب نفسي جربتو حتى كمل
10 سنين وهو يحبسو داكشي علاش خليت هاد الاخير على خاطر خاطرو هههه
والله اشافي الجميع .
ربما لكوش الي كتعملي لولدك ماشي مزيان انا فراشو مكيخناز ما والو قليل فين اخرج ليه
غير الى شرب السوائل بزاف في الليل
اما علاش انا ما قلبت ندير ليه والو حيت خوتو كلهم كانو بحال هكاك
الاول حتى كمل 8 سنوات نهار الي حس براسو غادي يحبس سبحان الله حبسو
والاخر حتى ل 10 سنين ديتو للطبيب ما خليت معاه حتى من الطبيب نفسي جربتو حتى كمل
10 سنين وهو يحبسو داكشي علاش خليت هاد الاخير على خاطر خاطرو هههه
والله اشافي الجميع .
اهم حاجة أختي ما توبخيهش بزاف، راه هو براسو ما كرهش ، انتي خودي احتياط ديالك فرشي ميكا وديه للتواليت قبل ما ينعس ويقلل من رب السوائل بالليل