طريقتي في تصبير الجلبانة دخلو نوريكم كيفاش

السلام عليكم الانيقات اليوم غانوريكم الطريقة ديال طھطµط¨ظٹط± ط§ظ„ط¬ظ„ط¨ط§ظ†ط© غير صبرو عليا نقاد الصور باش نزلهم معا الطريقة

---

‘vdrjd td jwfdv hg[gfhkm ]og, k,vd;l ;dtha

سربي ختي حطي لينا الموضوع راه متشوقين نعرفو كيفاش. بحال والو نديرو شي مشروع نوليو نصدرو جلبانة ل برا ههههههههه

اواه حتى شوقتينا وبغيتينا نصبرو هههههههههههههه
اوا لاله هانية نصبرو معاك

واختي وفين مشيتي وانسيتينا فالجلبانة قبل ما يسالي وقتها وتسالي من السوق.

ههههههههههههه والله الى فيكرة زوينة اش بان ليك نديروه انا وياك

ها انا معاكم راني مانسيتكم غير كيفما قالت ليكم بغيت نزل الصور مع الطريقة باش داكشي اجي هو هداك غير صبرو معايا

كنشكرك بزاف على التفهم ديالك اختي ان شاء الله غانوريكم كيفاش غير زيدو صبرو مابقا والوا

الشلام عليكم ورحمة الله
سمحوا ليا راني لقيت مشكيل فالصور . واش بغيتوا نزل الطريقة بلا صور

السلام عليكم ورحمة الله تعالى وبركاته
هانا غنقوليكم كيفاش كيتم التصبير ديال الجلبانة في المنزل
نبداو ديما على بركة الله
ونقولو بسم الله
كنشريو الجلبانة الكيمية لي بغينا نتي او بزطامك
كنقيو الجلبانة ديالنا ونغسلوها نديروها فشي شبكة تقطر
كنعمرو مقراج اكون كبير بالماء ونديروه فوق النار حتى يطبخ يطلق سبولة
كنشدو الجلبانة كنديروها فشي ماعون كبير ليقدر اهز جلبنة والماء فنفس الوقت
كنكبو داك الماء لي طيبنا على ديك الجلبانة وهو باقي سخون غير نطفيو عليه النار ديريكت نكبوه عليها
فهاد الوقت غانكونو عقمنا القراعي لي غنديرو فيهم الجلبانة ديالنا
الطريقة ديال التعقيم هي
كنشدو القراعي ديل زاج نغسلوهم مزيان بالماء والصابون
حتى كيتنقاو .كنهزو الكوكوط تكون كبيرة كنديرو فيها القراعي ونعمروها بالماء كنديروها فوق النا ر غير تصفر الكوكوط واحد 5 دقائق نطفيو عليها
فهاد الوقت غتكون الجلبانة بردات شوية
نحلو الكوكوط ونجبدو القراعي بشي مغرفة باش ما نتحرقوش فيدينا
كنفرشو شي زيف فالبلاصة لي غنحطو فيها القراعي ونبداو نعمرو الجلبانة فالقراعي
ملي كنساليو تعمار غادي ابقا لينا الماء هاد الماء غنكبوه فالقراعي حتى كتغطى الجلبانة
وفكل قرعة غنزيدو قبصة ديال الملح ردو بالكم ماتكتروش الملح باش متهراش لينا الجلبانة ونضيعو فيها .القياس باش كنملحو بيضة مصلوقة ملي نبغيو ناكلوها
وقبل ما نسدو القراعي غنحتاجو نغطيوهم بطرف من البلاستيك الغيدائي عاد نحطو الغلا قة ونسدو باحكام
بهاد الطريقة غانكونو ربحنا بلاصة فالفريكو باش نحطو حوايج وحدا خرين اوا كيجاتكم الفيكرة
ملاحظة
هاد القراعي ماخصناش نوضعهم فمكان لي كضرب فيه الشمس او مايكونش قريب الفران نوضعهم فمكان بارد او ماشي الثلاجة. نديرهم مثلا فالطابق الاسفل ديال البلاكار دالكوزينة لي فيه دص بلاموزيك ولا زليج كنظن ان الفيكرة وصلات
او هاد شي كككككككككككككككككككككككككككككككككككولو غير باش تستهلك او بلا متهلك

صباح الخير الانيقات
اوا امدرا كيجاتكوم طريتي فتصبير ديال الجلبانة شتكوم دربتو طم ههههههههههههه حتى وحدة فيكم ما جوباتني .واقيلا مشغولين كتنقيو فالجلبانة