طريقتي في تجميد الطماطم

السلام عليكم ورحمة الله تعالى وبركاته
عزيزاتي .كانت عندي كمية كبيرة من مطيشة.واكيد الى بقات غاديا تخسر.وزيادة على انها كثيرة حتى على الثلاجة.وبما اننا في شهر رمضان المبارك وكيكثر استعمالها.صاوبتها بطريقتي اللي اكيد غاديا تكون طريقة احدى الاخوات.المهم غسلتها مزياان وحيدت منها جميع الشوائب وقطعتها على اربع ودرتها فوق النار تتسلق.ومن بعد طحنتها فالماكينة العادية فالشبكة الرقيقة.وملي بردات وزعتها فلبلاستيك الغذائي .وباش تجيني ساهلة فالتوزيع درت لبلاستيكة داخل علبة وعاد خويت لقياس اللي كنحتاجو ديال عصير مطيشة.اما للحريرة او كنستعملها صلصة لاي حاجة بغيتها.وبهذا مطيشة ماكتخسرش الى كانت كثيرة.وسهلت على راسي كل مرة نقي ونطحن ونطيب ههههه نتمنى نكون عطيتكم شوية ديال الافادة رغم ان هاد الطريقة ربما كيعرفوها بعض الاخوات وبالتوفيق.

هادو لقشور والزريعة

‘vdrjd td j[ld] hg’lh’l