31/10/2019 
اليوم أنيقاتي بغيت نتشارك معاكم ط·ط±ظٹظ‚طھظٹ كيفاش تنصايب ط§ظ„ظƒط¯ظٹط¯ و ط§ظ„ظ…ط¬ط¨ظ†ط© .أول حاجة تنقومو بها هي تنختارو الطريفات اللي غادي نقادوهم للكديد و خاصهم يكونو من جهة الضلعة ذوك اللحيمات اللي تيكونو بين الضلوع و تنقطعوهم بالطول و قدما كان التقطاع رقيق تيكون مزيان و من الأحسن يشد معاكم شي حد باش يتقطع ليكم مزيان 
حتى تنساليو التقطاع و تنوجدو القصرية فيها العطرية 
و العطرية هي الملحة بزايد و شوية سكينجبير و القزبر حبوب مطحون حتى هو بزايد و التحميرة و الكامون و شوية الزيت و بطبيعة الحال المساخن أو العشوب تنتمنى نكون ما نسيت والو . المهم تنخلطو هاذشي مزيان وتنبداو نرقدو اللحم بالشوية بالشوية و نحاولو ندخلو العطرية مزيان فاللحم و الضليعات و نخليوه مرقد ليلة كاملة عاد نشروه فالغد و مع هاذ أمطار الخير اللهم اجعلها صيبا نافعا ما قدرتش نخرج ط§ظ„ظƒط¯ظٹط¯ فانشرتو غير فداخل الدار على الله تكون شي فجيوة باش يبس مزيان . دابا إن شاء الله ندوزو للمجبنة أول حاجة تنقلبو على ط§ظ„ظ…ط¬ط¨ظ†ط© حدا الكرشة و نقلبوها و نكرطوها و نغسلوها مزيان و نديرو فيها الملحة و المساخن و نخليوها حتى هي تنشف 
هاهي مع ط§ظ„ظƒط¯ظٹط¯ راها فالصينية دابا ندوزو للحم اللي غادي نكدو باش نعمرو بيه ط§ظ„ظ…ط¬ط¨ظ†ط© فملي تنقادو الكردة أو ما يصطلح عليه بالبروشيط ههههههه . تنختارو الطريفات الكبار للكردة 
ملي تيشيط ليكم شي طريف ما مقادش عاودو قطعوه رقيق و بقاو تجمعو فالطريفات مقطعين رقاق حتى تعمرو البلاطو و زيدو عليهم بزاف الملحة و القزبر حبوب مطحون و المساخن و خلطوهم مزيان و ديروهم يبسو 
ملي تينشف كلشي عمرو ط§ظ„ظ…ط¬ط¨ظ†ط© بالطريفات اللحم يابسين مضاف إليهم الحلبة و تزيدو حتى شوية المساخن إلا بغيتو و تكوها بشي سفود و تعاودو تعلقوها تيبس و من بعد ديروها هي و ط§ظ„ظƒط¯ظٹط¯ فشي زويف نقي و ديروها فالمجمد و بالصحة و الراحة بالنسبة للمصارن مضفورين بديتهم ولكن مع جاوني الضياف ما قدرتش نكملهم فاضطريت نرميهم غادي نوريكم غير المرحلة الأولى اللي بديت أول حاجة تنشدو المصران نقيوه مزيان و نقلبوه نحطو شي سفود فالطرف ط¯ظٹط§ظ„ المصران و نبداو نخشيو فالمصران و من بعد تنخرجو المصران من الجهة الأخرى 
و من بعد نكرطو مزيان المصارن و ندخلوهم بالجعبة ط¯ظٹط§ظ„ الروبيني و نخليو الما يدخل فيهم حتى يتنقاو مزيان و من بعد نضفروهم و طريقة الضريف ساهلة خاصنا غير نتعودو عليها . نحزمو المصران من الطرف ديالو و نشدو شوية بجوج صباع و نخرجو المصران بالصبع الثالث و حنا غاديين من بعد إن شاء الله و نوريكم الطريقة بالصور و حتى هما نديرو ليهم الملح بزايد و المساخن و نديرو هم يبسو . تنتمنى نكون أضفت شي إفادة ليكم و قبلو علي .
‘vdrjd ]dhg hg;]d] , hgl[fkm
مشرفاتي العزيزات عيد مبارك سعيد الله يجازيكم بخير إلا كان ممكن تصغرو لي الصور و تبدلو الصورة المكررة به 
و هاذي الصورة ديال الكديد و المجبنة و المصارن مضفورين ديال العام الماضي 
و سمحو لي الحبابات حيت ما قدرتش نقاد الصور بالحاسوب المحمول و جزاكن الله خير الجزاء .
واااااااااااو أنا الأولى دخلت ما شاء الله عليك وعلى حداكتك الله يحفض لك يديداتك ويخلي لك وليداتك وتاكلي الكديد والمجبنة مع حبابك بالصحةوالعافية مع احلى تقييم
تبارك الله عليك اختي
تبارك الله عليك اختي كلشي صيبتيه على حقوا وطريقوا لله يعطيك الصخة
تبارك الله عليك
تبارك الله عليك اختي عيني عليك باردة كيف خلاوها المصريين بصحتكم وراحتكم اختي متنسايش نهار تديري بيهم الشهيوات تدوقينا هههههههههه
المشاركة الأصلية كتبت بواسطة عطية الرحمان 
واااااااااااو أنا الأولى دخلت ما شاء الله عليك وعلى حداكتك الله يحفض لك يديداتك ويخلي لك وليداتك وتاكلي الكديد والمجبنة مع حبابك بالصحةوالعافية مع احلى تقييم لي الشرف الحبيبة أنك أول وحدة تطل على موضوعي و غير قبلو علي و شكرا على دعائك و الله يعطيك الصحة و مشكورة على التقييم نردو ليك فساعة الخير إن شاء الله ههههههههههههه. لهلا يخطيك الحبيبة .
تبارك الله ماشاء الله الله يعطيك الصحة حبيبتي تستاهلي أحلى تقييم