طريقتي السهلة في الاحتفاض بسفرجل وملوخية

كيف راكم يا احلى الانيقااات معا شي برد وشي شتيوة الله يرحمنا بيها

ليوم جبت ليكم ط·ط±ظٹظ‚طھظٹ في الاحتفاظ ط¨ط³ظپط±ط¬ظ„ ظˆظ…ظ„ظˆط®ظٹط© خاصة انهم موجوديين وهادي هيا وقييتتهم ومتيتوفرووش علا طول العام بهاد الطريقة نقدوو نحتافظو بيهم عام كامل فالمجمد

نبداو علا بركة الله نبداو بسفرجل

حاجتنا لسفرجل نغسلوه مزياان ونقطعوه بالشكل لي بغيناا هنا قطعتو علا ربعة ونحكوه مزيااان بالحامض باش ميكحااالش ونحطوهم في كسكاس يكون جيهة دخلانية عاطية وجهها لتحت هه ونديروهم فالكسكاس يفورو غير يطلع البخااار ونحيدووهم

نخليوهم يبردو

ونديرهم فبلاستيكة وندخلوهم للمجمد تيبقاو مزيااانين منين نبغيو نستعملووه ديريكت نحطوه فوق طاجيين ولا نعسلوه كيفما بغيناا

ودابا ندوزو للملوخية

حاجتنا فالملوخية تنشدها واول حاجة تنستيهاا تنعزل صغيرة بوحدها والكبيرة بوحدها باش فطياب يجيب بحال بحال وحتا الشكل

عاد تنغسلهم مزيااان بالماء ونخليهم يتسقطرو

عاد تنوجد كسرونة كبييرة ندير فيها الماء والملح تكون كثيررة شوية ونخليها منين تبدا تغلى تنرمي فيها الملوخية غير تطلع الغلية ونصفيها ونحطها فبانيو لي نكون موجداه من قبل بالماء باااااارد ولا الماء معا لي كلاصو مكانوش عندي درت 2 حامضات كانو فالفريكو خخخ ونخليوهم حتا يبردوو عاد نصفيويهم ونبقاو نعاودو نفس العملية حتا نساليو كاع الكمية

وهنا غادي يبان ليكم الفرق بين الملوخية لي بلونشينا فالماء والاخرى لي مزال تتبقا خضراااء ولونها زويين بعدما تتصفا وتبرد مزيااان كنديرها بلاستيكات والا المجمد

وهذا طويجين نيت بالسفرجل والملوخية لي جبدت من المجمد تيجيو زوينييين ويبقاو حاضرين عندنا علا طول العام

نتمنى موضوعي يعجبكم وتستافدو منو

---

‘vdrjd hgsigm td hghpjthq fstv[g ,lg,odm

تبااارك الله عليك وخلاص اشوشو

تبارك الله عليك شفاء الله يخلي لك صحيحتك.

تبارم الله عليك فكرة زوينك وجديدة

الله يبارك فيكم الغزالااات

تبارك الله عليك أختي شفاء طريقة غزالة الله يعطيك الصحة
ثم ثتبت الموضوع أختي والزرورة محبوسة حيت عاد زررتك كيتحاسبو معك هههههههه

تبارك الله عليك اشوشو دوماااج لفريكو عندي صغييببر الله اجيب رزق و ناهد شب فريكو ديال لمجورة

تبارك الله عليك شفاء

الملوخية لازم تنقيها و تحيدي ليها الطربوش هو الاول عاد ترميها فالماء المغلي
يعني بالمصري كيقولو تقمعيها يعني تشيلي ليها القمع و تكرطيها من الشعر الخفيف لي فيها

تبارك الله عليك شفاء