طريقة غسل الدجاج من الالف الى الياء من مبتدئة الى اخواتها

بسم ط§ظ„ظ„ظ‡ الرحمن الرحيم
اختي ها هي ط§ظ„ط·ط±ظٹظ‚ط© ديالي و قبلي علي
حطي الدجاجة على ظهرها
قطعي الجلدة ديال العنق و حيديها
جبدي القرجوطة من الاعماق
و حيدي الشحمة و كل الزوائد اللي كاينين في الحفرة ديال العنق
ما تخلي حتى حاجة
ثم قطعي العنق
و قطعي الظفر ديال كل جنح
خرجي القشاوش ديال الدجاجة من داخلها
القلب القانصة و الكبدة و حتافظي بيهم على جنب مع العنق
دخلي يديك في الكرش ديال الدجاجة
باش تحيدي الرئتين من الضلوع
تبعي الضلوع بالاصبع بالواحد بالواحد
حيدي الكلاوي بجوج
و حيدي الشحمة اللي كتكون لاصقة اسفل الدجاجة غتبا ن ليك تقيبة ديال الشرج
دخلي فيها صبعك من على برا تم خرجيه غتخرج معاه واحد الجليدة قطعيها
هاداك هو المسران
هاديك التقبة ماتوسعيهاش تما فين غنخشيو ليها رجليها
دابا اقلبي الدجاجة على صدرها انا تنقطع ليها القزيبة ههههه
ما عرفتش اش كيسميوها
و في الرجلين لتحت كاين واحد الكروج لاصقة على مفصل الركبة من جهة الوراء
ذبحيها باش تتقلع و الرجلين يرقاقو و يدخلو بسهولة في الثقبة
قلبي الدجاجة على ظهرها
و دخلي يديك ما بين الفخذ و الصدر ما بين الجلدة و اللحم الى اقصى ما يمكنك
باش نجبدو الريوك
دابا نشللو الدجاجة مزيااااان تحت الروبيني من لداخل و برا
و ندوزو لمرحلة التنقيب عن الريش
ما تخلي حتى ريشة
ثم نشللوها مزياااان بالماء مع التركيز على تحت البيطان حيت تيكونو صفرين
ثم حكيها مزيااان بالملحة العادية من الداخل و الخارج
و رشيها كلها بالخل بوفرة من الداخل و الخارج
و نخليوها تترقد واحد 5 دقائق في هاد الملح و الخل
ثم نشللوها بالماء مزياااان
و نقي القشاوش ديال الدجاجة
القانصة حيدي ليها الشحمة اللي على بر ا و يلا باقا ليها شي جليدة صفرا لداخل
القلب حيدي ليه الراس الفوقاني و الجوا و حليه و نحيدو ليه الدم اللي مكبد
و الكبدة حيدي منها العرق الابيض
و نخليو كلشي تتسقطر و نديروها في ميكا
و ندخلوها للفريكو خاصها ضروري تبات عاد تطيب

و اي حاجة قسناها بالدجاج النيئ غسليها بالصابون و جافيل

‘vdrm ysg hg][h[ lk hghgt hgn hgdhx lfj]zm ho,hjih lhahx hggi Hojd la;,vm l,q,u hggi hg’vdrm hojd hkh fhv; fodv odvh vhzu skm a;vh rah ugn ,hkh