طريقة عمل الكبسة السعودية بطريقة عربية من مطبخي

كيف حالكم انيقاتي كنتمنى تكونو بالف خير وفاحسن الاحوال
اليوم بغيتكم تشاركوني فهاد الطبق اللي ساهل وسريع وكيجي بنين بزاف
على بركة الله

المقادير

• الدجاج مقطع انا هنا درتو غي بالفخاد والجوانح اللي شاطو ليا .
• بصلة مشلظة رقيق او ممكن تحكيها .
• شوية زيت المائدة .
• شوية زيت العود .
• العطرية ,الزعفران الحر- الخرقوم – سكين جبير – الملح -( قعقلة – بسيبيسة – حبة الهيل – 4 حبات ديال القرنفل )هادو انا عندي مطحونين واجدين ,ممكن ديريهم كاملين فثوب حياتي وترميهم فالطنجرة .

• زلافة ديال الروز .
• 2 زلافات ديال الماء عادي .

الطريقة
كنديرو الزيت مخلطة والدجاج يتشحر مزيان , كنضيفو البصلة نخليوها تشحر شوية , ثم كنضيفو الروز يتحمر شوية مع التخلاط .
نضيفو العطرية كلها ثم نمرقو , ونسدو على الكوكوت مدة ربع ساعة لا اكثر ولا اقل .
نحلو عليها نحيدو الدجاج نحمروه اوممكن تخليه هكاك راه كيجي غزال متشبعيش منو .

نخليكم مع الصور

انا كنقدمو مع الكيتشاب

بالصحة والراحة