طريقة تحضير زيت ارڭان الحرة بالصور.

ان شاء الله تكونو فافضل الاحوال، اليوم جبتلكوم ط·ط±ظٹظ‚ط© طھط­ط¶ظٹط± زيت ط§ط±ڭط§ظ† من يدين ماما الله يحفظها ويخلي ليها صحيحتها.
هو الكثير من الاحيان كانشريو زيت ط§ط±ڭط§ظ† والقليل فاش كانفكرو نصوبوها بإدينا ونتأكدو بلي عندنا زيت حرة وأكيد بأقل ثمن. عليها انشأت هاد الموضوع و إن شاء الله يفيدكم.
الحمد لله ماما كاتعرف تصيب زيت ط§ط±ڭط§ظ† من زمان(للبيت لا للبيع) مع عائلة دجدة الله يرحمها من بلاد موجود فيها الشجر دارڭان، وخا كانشريوه كثر منما كاديرو لينا، (نظرا للمجهود البدني ليكايتطلبو التحضير، وإضافة للتنقل للسوق وفيوم محدد لشراء زيعة دارڭان) المهم ماعلينا، تبارك الله مع الإرادة والمزايا دالتحضير الشخصي كلشي يهون.
المستلزمات: ربع عبرة ديال زريعة د ارڭان،(ملي تشريوه خاصكوم تأكدو انه حاجة مزيانة،كاينة فيه واحد الماركة كاتكون المعز سارطاه وراداه باش تعرفوه كاتكون فيه ريحت المعز مجهدآ، هاداك من الاحسن ماتستعملوهش، وهو كايكون بأقل ثمن)، رْحَّة(أَزَرْڭْ)او (الماكينة اليدوية دالحديد)،(تِيزْنِينْ نْوَارْڭَانْ)، فرن(أَفْرَانْ)، ماء(أَمَانْ)، إناء العجن(أَرُكُو نْلَعْجِينْ)، قرعة حتال زوج (تَقْرْعِيْتْ).
بسم الله، كاتاخذو زريعة دارڭان كاتحمروها فالفران، وكاتبقاو حدا الفران وكل مرة تحركوه حتى يتحمر.



كاطحنوه فالرْحَّة، وفهاد المرحلة خاصها واحد الجهد عضلي وزمني، حيث باشما كادوري رحَّة بزربة وب"دون" توقف باشما كاتسخن الرحة وكاطحن وقوة وسرعة أكثر،[فاصل ونواصل:(فواحد المثل بالشلحة كايڭول’زَّاضْ أَلاَلَة أَكْمُورِيزَّاضْ"="طحني لايطحنك" على حسب علمي أصلو، انه واحد الخادمة دازت حدا واحد السيدة كاتطحن بالرحة وكل مرة كاتوقف وكاترتاح وڭالت ليها هاكاك، زعما ‘طحني لايطحنك الهم تاع إيمتا اتكملي الطحين’) عدنا للموضوع ^^

من بعد ماتكملي الطحين،وها الصورة ديال مطحون زريعة ط§ط±ڭط§ظ† كيف كاتكون جارية

وجدي الما،إلا كان الجو بارد يكون الما دافئ إلا كان الجو عادي يكون الما عادي، ديال الروبيني. والتاخذي الاناء دالعجين، نيت هاداك فاش طحنتي،(وتزيدي شويييية دالملح"اختياري"، الصراحة هاد الملح مالقيتش ليه تبرير، كانظن انه عندو علاقة بالبركة والله اعلم) وتبقاي تخلطي بيديك وتزيدي شوييييييييية دالما، وتخلطي، وتزيدي شوييييية دالما، مقدار حفنة دالما فكل مرة، وماتوقفييييش من التخلاط، ماحدك كاتخلطي وتزيدي الما ماحد الخليط كايولي سميك، ماكايبقاش جاري وها الصورة:


كاتبقاي تخلطي حتا تحسي بلي ولا بحال الكسكسو و***تحبسي الما**** وماتحبسيش التخلاط باليد، وها الصورة:


تبقاي تخلطي حتا تبان ليك الزيت بدات كاتخرج وها الصورة:


إوا ملي تبان لك اتبداي تعجني حتا تجمع ليك العجينة (كاتكون قاصحة) وتبقاي تعصريها فنفس الإناء، تعليها للسما شوية وتبقاي تعصريها




ثم حولي الييت لشي إناء صغير باش يسهال عليك تكبيها فالقرعة.




وهانتي حصلتي على زيت ط§ط±ڭط§ظ† حرة بدون إضافة تحميرة ولا زيت نوار الشمس ولا والو.
لحد الآن مازال ماسالينا، هو سالينا الزيت الحرة، ندوزو دابا لديك الزكمونة ليشاطت لينا، هادي لي فالصورة:


كاينين زوج حالات
الاولى: تقسموها طريفات وتعصرو كل طريف مزيان، وداك شوية ليخرج تزيدوه للزيت الحرة.
الحالة الثانية: أنكوم تكبو عليها واحد المقدار دزيت نوار الشمس (والتحميرة اختيارية) وتعجنوها وتعصروها، والزيت ليغا تعصرو منها، هي ليغاتستعملو فالنصيب دالطواجن، والأكلات المختلفة. ولـــــــــــــــــــكن هادي مــــــــــــــاشي حرة، كانڭولها ونعاودها، غييير للنصيب، هي كاتكون فيها ريحت ط§ط±ڭط§ظ† مجهدة ولكن ماشي حرة كيف الأولى ليمازدناها لازيت نباتية لا تحميرة.

ملاحظات:
*فالزيت ط§ظ„ط­ط±ط© يمكن ليك تزيدي تحميرة إلا بغيتي لون يكون احمر
*ملي كاتبداي التخلاط ماتخليهش وتمشي تقدي شي غاراض، ممكن تقدي مابغيتي بعد الطحن لكن ملي تحطي يديك فالعجينا ماتنوضي حتى تكملي
* لقرعة فاين اديري زيت ط§ط±ڭط§ظ† خاصكي تكوني غاسلاها من قبل ومنشفاها وماتكون فيها لا ريحت جاڤيل لا ريحت موناضا…
*يمكن ليك تقسمي السائل ليطحنتي عاد تعجني كل قسم إلا خفتي تخسري كلشي، يمكن ليك تبداي بالنصف حتا تساليه وتعصريه، ودوزي للنصف الآخر.
*الزكمونا ليغاتبقا ليك من بعد ماتكوني عصرتيها وساليتي، كتقسميها لاجزاء صغيرة وديريها فالكونجيلاتور وكل مرة تهزي وحدة وتغسلي بيها شعرك، او الجسد ديالك فواخا تعصر وتعاود تعصر كاتبقا فيها واحد النسبة دزيت ارڭان)(او تعطيوها لشي حد عندو البهايم عزكم الله يعطيها ليهم ياكلوها)
*إلا بغيتي زيت ط§ط±ڭط§ظ† دالتجميل ماتحمريش زريعة دارڭان، وكملي بنفس الطريقة وأكيد المرحلة دزيت ط§ط±ڭط§ظ† دالنصيب ماديريهاش.
والملاحظة الكبيرة وحسب هاد التحضير، فاحنا كانشريو زيت اركان ب 180درهم فواحد التعاونية، وربع عبرة شراتها ماما ب170درهم وهاد ربع عبرة خرجات منها تقريبا لتر ونصف يعني ربحات كثر من نصف الثمن (بغض النظر على مصاريف التنقل، والمجهود، والغاز…) ^^ المهم الرباح هو زيت حرة نقية بدون إضافات، زيت دالنصيب، رياضة، مرح وراحت البال حيث كيف شفتو التحضير كايعتامد على اليدين وماكاطيبش من بعد يعني نظافة اليدين جد مهمة، يعني تصيبات بيدك لا بيد شي وحدة ليقدر إيجيك الوسواس بلي قاست اواني، او مستلزمات ليمكن مايكنوش نقيين كيف لي فالبيت ديالك..
نتمنى يكون هاد الموضوع فادكم كثير
فانتظار ارآءكم المشجعة

وهادي لاي انيقة ذخلات، تغمس بالصحة والراحة

---

‘vdrm jpqdv .dj hvڭhk hgpvm fhgw,v> hgpvf hv&#1709hk fhgw,v wpm

انا اول وحدا داخلات ايوا بسم الله خاص غير لعسل وشي رغيفات سخان الله يعطيك الصحة يا بنت لبلاد

بصحتك احبيبة، آه بصح، اواحد البراد داتاي ^^
الله يحفظك، شكرا على اهتمامك بالموضوع

تبارك الله عليك اختي اكم احفظ ربي يحفظام الواليدة الله يعطيها الصحة و يخليها ليك حتى انا الوليدة تتصايبو راسها تتصيفط على الزريعة من البلاد و تصايبو راسها ديال الاكل و حتى تتصايب لينا ديال التجميل بلا تحماص و نيت اليوم سبحان الله العظيم هزات واحد نصف عبرة كانت بقات ليها نقاتها و غدا ان شاء الله عاد غادي تصايبها و شكرا لك مرة اخرى على الموضوع فعلا تيشريوه الناس غالي و المشكل تيكون مغشوش و كيفما قلتي ممكن الواحد يصايبو الراسو و ممكن حتى الواحد يعتمد هاد الطريقة باستخراج زيوت اخرى كزيت اللوز مثلا بغيت نعطيك تقييم شاعة دوك السمعات محشميني معاك

السلام عليكم ورحمة الله وبركاته

أول مرة ندخل للمنتدى الأمازيغي حيت ما تا نفهم كلامكم
تبارك الله عليكم عندي محبة خاصة للشلوح وأكثر صحاباتي شلحات
حبيبتي موضوعك جد ممييييز ما شاء الله عليك الخاطر باش شرحتي جعلها الله في الميزان المقبول

تبارك الله عليك عندي نت واحد شجرة ديال argan تنخلهة عالناس ديال تم تحيد منها زرعة دبى وريتني منين ولا مشيت هاد لمرة لسميمو ناخد ديك رحى ونفاجأ راجلي بلي وليت حتى أنا شلحة ولخير كلو لك أختي شكراً على هاد المجهود رائع ومكرهنا تعلمنا حتى شلحة بش نبداو حتى حنا ملي نمشي عندهم نعرف نهدر معاهم هنت لا هما تفهمني لا أنا تنفهمهم تبدو نغ نغ ونة تنتسنة لكتبة تطلع بحال شي فيلم هندي هه
أحلى تقييم

ماشاء الله ايليس نتمازيرت
اختي منين تامازيرت نبارك الله عليك
حتى حنا عندنا الرحى هنا فكازا عند امي وكنا تنطحنوه وفيه تمارة بزاف وقت العصير كتافك يطيحو ولكن النتيجة تتكون رائعة
الله الريحة جابتني لعندك
يتبت اموضوع

آمين ياربي، بارك الله فيك احبيبة، حتى نتي الله يحفظ ليك ويخلي لك ماماك. شكرا ليك ايضا على الرد القيم ديالك وهو احلى تقييم. اكميسربح ربي ياجام الواليداين نم دمادارم إعزان.

وعليكي السلام ورحمة الله احبيبة، آميييين اختي، الله يحفظك على المحبة المخلصة ديالتك. وشكرا جزيـــــــــــــــــــل الشكر على كلامك المشجع

بارك الله فيك احبيبة، اني نكون فدتك شيء مفرح بالنسبة ليا. ان شاء الله تكون عندك الرحة وغاتنفعك فبزاف دالحوايج( طحني فيها لوز محمر باش يعطيك املو، طحني فيه وراق دالحنة.. وبالنسبة للشلحة مع الوقت ان شاء الله تعلميها دغيا
بعض العبارات: مامنك انتڭيت، لاَبَاسْ دَارْمْ، يَاغِي أُومَارْڭ نْمْ=كيدايرا،لاباس عليك،توحشتك. مَانَاڭْ أَرَادَارِي تْزْرِيتْ=إيمتا غادوزي عندي. هَايِّي عَرْضْخَاوْنْ سِيمْكْلِي مْرْحْبَا بِيكْن=هانا عارضا عليكوم للغداء،مرحبا بيكوم. أَدَامْ إِعْفُو رْبِّي= الله يشافيك. رَادْسْنُوخْ=غانطيب رَادْسَاعْدَلْخ=غانصايب. رْوَاحْ=يالاه. زَمْ=عصري. رْزَمْ=حْلْ/حْلِّي. سَاوْلْ=هضر/هضري. يَاكْ أُورْڭِيمْ إِقَامَا لْحَال=ياكما بقا فيك الحال… إلا عندك شي عبارات بغيتي نترجمهم ليك ڭوليهم لي، وبكل فرح.