طريقة الطنجية

تفضلو يا أنيقات مرحبا و ألف مرحبا هذا عشايا اليوم شاركوني فيه قولوا بسم الله و زيدو القدام
اليوم جبت ليكم واحد الطريقة باش طيبوا الطنجية المراكشية على حقها و طريقها أنا تنديرها تطلع بحال إلى طايبة في شي فرناتشي.
بغيت حتى وحدة فيكم ما تحرم من مذاق الطنجية الرائع. و تنتمنى تعجبكم هاذ الطريقة و تطبقوها و ردو عليا الخبار.

بالنسبة للمقادير:

كيلو ونص اللحم الغنمي
5 أو 6 فصوص الثوم مدقوق و لا محكوك.
زعفران شعرة أو عادي
2 ملاعق السمن حر
ملح
السكنجبير
2 ملاعق كبار الكامون
حامضة مرقدة مقطعة على 4
كأس ماء
و المهم و السر تاع بنة الطنجية أنها تيدار فيها خونجلان إيه خونجلان عود دقيه شوية
أنا راه نسيت مادرتو في التصويرة كنت مخلياه في المهراز:p
نضع جميع العناصر في الطنجية و نخلطهم مزيان

و من بعد تنديوها لفرناتشي

إيه الكوكوط و لكن أنا تندير فيها الرماد 😀

تنغطي الطنجية بطرف الكارطون و لا كيف ما في الصورة بورق الألمنيوم و تنوضعها في الفرناتشي ديالي بهاذ الشكل لي في الصورة

تنوضعها على النار مدة ساعة ونصف تكون النار مجهدة شوية ما تخفوش راها ما تتحرقش و تتخرج لذيذة. بحال كيفما في الصورة.

هاد المقادير ديال الطنجية المراكشية في كوكوت ديال الغالية مفيدة كانت فادتنا بها ايام العيد وكان ولا بد نجربها … جات لديدة الله يجازي اختنا مفيدة الفردوس الاعلى ويحفظ ليها وليداتها وصدق من سماها مفيدة الفريدة …
المقادير كالتالي كيف كتبتهم لي

كتديري اللحم القياس ديالك العطرية تكون على حساب اللحم البزار السكنجبير الخرقوم والكامون يكون بزايد تقريبا 2م كبار اللبابة ديال المصير كنقطعها طريفات صغار شوية السمن وشوية الكوزة محكوكة ووريقة سيدنا موسي وشوية القزبوريابس مطحون الثومة ونصف كاس زيت العود و2 كيسان الماء تسدي الكوكوط وتخلطي مزيان باش اللحم يشرب العطرية وتديريها فوق البوطة حتى تدور الصفارة وتنقصي عليها البوطة مزيااااااااااااااااااااااااان وتعطيها وقتها حتى تطيب ولا حليتي عليها ولقيتيها طابت وباقي المرق تشربيها مزيان راه المرق ديالها يجي معلك وزوين

والان تطبيقي
نخليكم مع الصور

[IMG][/IMG]
درت مكان لبزار والكوزة شوية عطرية راس الحانوت والشيء الاخر مغيرتوش

هاهي فاش حليت عليها باقي فيها لبلول زد شحرتها شوية
[IMG][/IMG]

هنا مع الخبز المرافق ليها
[IMG][/IMG]
هنا فاش تشحرت مزيان…للي ميبغيش لبلول بزاف اما هو كيف قالت مفيدة راه بنين ومعلك …..الصورة موضحاش مزيان البخار غالب عليها وسمحولي مصورتش طبق التقديم لحقاش طارو بيه هههههه
[IMG][/IMG]

انيقاتي اليوم درت لغداي هد الوصفة اوحبيت تشاركوني فيها الا قبلتو عليا

المقادير والطريقة

الدجاج حسب الاشخاص
ثومة بالزايد
زعفران شعرة كمون .ابزار .اسكنجبير. خرقوم. ملحة
سمن .زيت بلدية
مصير

تنعملو المقادير كلها اوكاس ديال الماء في الكوكوت او نسدوا عليها ملي تبدا تصفر نقص عليها العافية او نخلوها تطبيب بالمهل ناخد الثومة اونهرسها بمعلقة
او نرجعها مع لاصوض.


اوا كيجاكم راه ساااااااااااااااهل اوبنين
في ا.مان الله