طريقة الامتحان

السلام عليكم ورحمة الله كما وعدتكم أخواتي في موضوعي السابق أن أخبركم عن ط§ظ„ط§ظ…طھط­ط§ظ† بالتفصيل . في البداية ط§ظ„ط§ظ…طھط­ط§ظ† يبتدأ الساعة 8.30 كيدخلو ب 3 يعني كل مجموعة فيها 3 الأفراد ، المجموع 9 أفراد اللي كيجتازو في يوم واحد يعني غير الصباح فقط ، اليوم اللي إجتزت فيه كان يوم الاثنين وكانو فقط 6 الأفراد يعني غير 2 مجموعات . في باب القنصلية الخاص بالفيزا كيقولو لك شنو الغرض ديالك كتقولي لهم من أجل ط§ظ„ط§ظ…طھط­ط§ظ† كيشوفو الاسم ديالك في اللائحة من بعد كيقولو لك مدخلي معك حتى حاجة يعني فقط ستيلو وباس بور ونسخة منه والبطاقة الوطنية ونسخة منها فقط . القاعة اللي كدخلي تجتازي فيها ط§ظ„ط§ظ…طھط­ط§ظ† هي عبارة عن غرفة صغيرة فيها كرسي والسماعات وأوراق تتضمن شرح الجزء الثالث من ط§ظ„ط§ظ…طھط­ط§ظ† أمامك زجاج كتشوفي الشخص اللي غادي يكون مشرف عليك في قاعة كبيرة ، كيسألك وهو اللي كيكتب في الكمبيوتر شحال في عمرك شنو المستوى ديالك نصيحة اللي نصحكم ولو كان عندكم مستوى جامعي قولو نيفو باك كيعطيك ورقة كتوقعي فيها كيقول لك شوفي في الكاميرا كيصورك . كيمشي نفس الشيء كيعملو مع 2 الناس اللي معك . كيرجع لعندك كيقول لك وضعي المايك على ودنيك كيعطيك كتاب الصور من تحت نافدة من زجاج كيقول لك لما نشير لك بصبعي قولي الرباط المغرب والكلام اللي كتسمعي : zeg als u blief de naam van de stad en de naam van HET LAND WAAR U BENT الكلمة اللي بالأحمر هي اللي تركزو عليها لما تسمعوها تجاوبو RABAT MAROCCO نفسر لكم شنو غادي تسمعو في الجزء الأول KNS : foto boek كتاب الصور اللي غادي يعطيه لك كيضمن 30 صورة زيادة على الصورة الأولى والثانية اللي هي علم هولندا وصورة WILEM VAN ORANJE السيدة اللي كتكون كتكلم ركزي معها لما تسمعيها قالت مثال عن الصورتين الأولى والثانية بمعنى السؤال والجواب غادي تقول لك SLA PAGINA OM تدوري الورقة وغادي تبدا هي تسألك عن الصورة وتعطيها الجواب وتسمعي ديما SLA PAGINA OM حتى تكملي . ملاحظة كيعطيوك الوقت الكافي باش تفكري وتجوبي في هذا الجزء وصوتك يكون واضح ومرتفع شويه . لما كتنتهي من الجزء الأول كتحيدي المايك كيقول لك السيد اللي مشرف تما الى بغيتي تخرجي تستارحي شويه يعني 5 دقايق ممكن،لكن من الأفضل خليك في مكانك وحاولي تركزي في الجزء الثاني . الجزء الثانيTGN اللي كنت متخوفا منو بزاف واللي حاولت قدر الامكان منخليش الخوف يتمكن مني ونبقا ساكتة . نفس الشيء كيقول لك السيد اللي مشرف وضعي المايك كتسمعي نفس الكلام في الأول كتجوبي الرباط المغرب باش يتأكدو من الصوت والمايك . هذا الجزء متقسم الى 4 : DEEL A اللي هو إعادة الجمل القصيرة NAZEGGEN KORT كتسمعي كلام كثير اللي هو أمثلة عن هذا القسم الجملة اللي تركزو عليها هي LUISTEN NAAR DE ZIN EN ZEG PRECIES WAT U HOORT لما تسمعي الكلمة اللي بالأحمر يعني استعدي للجملة اللي من بعدها غادي تعاوديها . بطبيعة الحال ميمكنش لك تعاودي الجملة كما هي ، أنا حاولت نعيد لحن الكلمة يعني كما قالوها باللحن الفهامة الله يجيب هههههههههههه أو كناخد الكلمة الأولى والكلمة الأخيرة والوسط كنخربقو ونحافظ على نفس اللحن ونقولها وهذه هي الطريقة اللي علمني الأستاذ لأن في الجزء كيكون السرعة شويه ومشي لصالحك تسكتي أو تبقاي ترددي قوليها وخا عوجا حتى حد مسمعك مغدي يضحك عليك .كيعطيوك تقريبا 6 جمل . كتمري DEEL Bاللي هو VRAGEN كتقول لك DEEL B VRAGEN كتبقا تحكي لك ما معناه أنها غادي تعطيك سؤال وانتي تعطي الإجابة الجملة اللي تركزو عليها هي NU IS HET UW BEURT LUISTER NAAR DE VRAAG EN GEEF KORT ANTWOORD كتسمعي الكلمة اللي بالأحمر وحاولي تجاوبي على سؤال إذا سمعتي كلمة فيها OF يعني عندك اختيار عرفتي قولي معرفتيش قولي على الله ، أو سؤال مباشر كتجوبي JA أو NEE مثال fluisteren is dat zacht الجواب ja كيعطيوك شي 8 الاسئلة تقريبا انا اللي سمعتو وعرفتو جاوبت واللي مفهمتوش جاوبت على الله المهم متسكتوش ومتعطلوش لان حتى هو سريع كتمري DEEL C كتقول لكDEEL C NAZEGGEN LANG نفس الشيء كتبقا تكلم وكتعطيك مثال الجملة اللي تركزي عليها هي : NU IS HET UW BEURT LUISTER NAAR DE ZIN EN ZEG PRECIES WAT U HOORT وتسمعي الجملة اللي غادي تقول مباشرة من بعد هذه الكلمة اللي بالأحمر وتقوليها نفس الطريقة في الجمل القصيرة غادي تبعيها في الجمل الطويلة . تم DEEL D كتقول لك DEEL D TEGENSTELLING الأضداد ، كتقبا تكلم كتشرح لك وكتعطيك مثال من بعد كتركزي على هذه الجملة NU IS HET UW BEURT LUISTER NAAR HET WOORD EN GEEF TEGGEN OVER GESTELD WOORD الكلمة اللي بالأحمر من بعد منها غادي تسمعي كلمة وتعطي ضدها النصيحة اللي نصحكم أخواتي كنتو متأكدين من ضد الكلمة 100 في 100 قولوها كان عندكم شك بسيط أو تردد ديري NIET مثال GEZON ضدها NIET GEZON وتقولي الجواب كلو ليس فقط كلمة NIET .لأن هذا الجزء كلو سريع شويه معندكش الوقت تبقاي تفكري . تم DEEL E كتقول لك DEEL E VERHALEN القصص كتبقا تكلم حتى كتسمعي كلمة AF من بعد منها كتحكي القصة من بعد كتسمعي رنه كتبداي أنتي تحكي الملخص . أخواتي بالنسبة القصة الكثير كيقولو متحسبش كلام ليس أكيد المهم اللي نوصيكم به واللي قال لي الأستاذ حاولي تسمعي القصة وتاخدي ولو 4 الكلمات اللي من بعد ما تسمعي الرنة غادي تقوليهم أو حفظي قصة من عندك ، بالنسبة لي اتبعت الطريقة الأولى . من بعد غادي تقول لك القصة 2 سمعيها من بعد الرنة قولي اللي عندك الأهم متسكتيش قولي كلمات بالهولندية مشي تخربيق . وكينتهي الجزء الثاني واللي التنقيط عليه أقل من 38 يعني ساقط حاولي تجيبي أكثر . الحمد الله الجزء اللي كان مخوفني حصلت على 55 نقطة . من بعد كيتحيدي المايك كيقول لك الشخص المشرف اطلعي على الأوراق اللي كيكونو حداك وخاصين بالجزء الثالث فيهم شرح بالدرجة المغربية والهولندية غير اللي ما باغي يفهم . الجزء الثالث والأخير GBL أخواتي هذا الجزء كيعتمد على القراءة وعلى الفهم غادي نعطيكم الرابط كمثال على ط§ظ„ط§ظ…طھط­ط§ظ† تماما https://www.ikwilnaarnederland.nl/gel…pend_lezen.php دخلو للرابط وغادي ضغطو في أسفل الصفحة على download hier voorbeeldexamen 1 عاطين 2 أمثلة نفس الشيء بحال الأوراق اللي عطانا مشي المضمون غير الطريقة. في قراءة الكلمات كتقول لك كل إطار كتقرايه بوحدو بمعنى كتقول لك كولون 1 كتسمعي الرنة كتبداي تقراي كتقول لك كولون 2 كتسمعي الرنة كتقراي الكلمات اللي فيه حتى كتكملي ونفس الشيء الجمل والنصوص . أهم شيء ولو تقولي الكلمة غلط مترجعيش لها كملي اللي من بعدها ومتوقفيش في نصف الجملة ومتردديش قراي وكأنك متمكنة من اللغة وصوت مرتفع وواضح . بالنسبة للإختيارات كتقراي الجملة مع الكلمة اللي ختاريتي ، والصراحة اللي عرفتها جاوبت اللي معرفتها قلت على الله النصيحة اللي نعطيكم لما تكون هي كتقرا في الأمثلة استغلي الوقت وقراي، نفس الشيء في النصوص لما تكون كتكلم متقرايش النص قراي السؤال وقلبي عليه في النص وعلمي بستيلو باش ميتلفش لك لأن الجواب غادي تقوليه مشي تكتبيه في الورقة غير خرمزي فيها . هذا الجزء أقل من 26 يعني سقوط الله يحفظ . واللي لازم تعرفوه أن كل جزء بنقطة ديالو متقوليش هذا الجزء الأول غادي يغطي على الجزء الثاني لا لا . وكينتهي ط§ظ„ط§ظ…طھط­ط§ظ† كتحطي المايك كترجعي للشخص المشرف الأوراق وكيقول لك حتى 2.30 أو 3.00 عاد نعطيوك النتيجة . نتمنى نكون قربت لكم مشهد ط§ظ„ط§ظ…طھط­ط§ظ† راه ساهل مصعيبش غير متخليوش الخوف يتمكن منكم قراو القرآن وادكرو الله كثيرا " ألا بذكر الله تطمئن القلوب " وميكون غير الخير واللي نطلب منكم فقط دعوة لوالدتي بالرحمة والمغفرة وأن يسكنها فسيح جناته يارب .

‘vdrm hghljphk

شكرا اختى على شرح دعيو معنا نجحو و نتهناو

dank je wel mijn zusje

تبارك الله عليك اختي glad او على شرح ديالك المفصل و المبسط هذا هما الخطوات ديال الامتحان او كيفما قلتي لبنات ماعندهومش علاش اتخلعو الى كانو مراجعين مزيان كولشي غادي ادوز مزيان باذن الله عز و جل او الواحد الاضافة حتى الشخص المشرف عليك (الى كان هداك لي لقيت ملي دوزت هوا نفسو لي كاين) كيساعد لواحد او كيعطيه الخاطر حتى افهم الله اجزيه بالخير الله اوفق لبنات لي مازال ما دوزوش و انجحهم او الله اسهل علينا حنا لي باقين نتسناو الفيزا تخرج لينا ف القريب العاجل يـــــــــا ربي

شكرا بزاف على الموضوع اختي قولي ليا اش من وفيتة كتكوني في الامسن ؟ وبغيت نسولك عفاك شحال ديال الوقت باش كتعلمي اللغة؟ يعني شحال ديال الوقت اللي يكفيك باش تقراي وتحفضي كاع داو الكتب؟

اولا احبيبة كنشكرك جزيل الشكر على هاد الشرح الواااااااادح ولممتاز لدرجة انكي وضحتي لينا كلشي بتفاصيل شكرا بزاااااااااف مره تانية تانيا هدا دعاء للوالدة ديالك ولجميع امهاتنا احبيبة : ” اللهم انت الغفار و العضيم و الرحمن و الرحيم و الرزاق و الكريم نسألك ان ترحم امهاتنا و جميع امهات المسلمين و تدخلهم الجنة و اللذين هم احياء ان ترزقهم سعادة في الدنيا و الآخرة و ان تشفي أمهاتنا المريضة و اجعل امهاتنا تاج رأسنا يارب العالمين اللهم اغفر لهم وارحمهم ، وعافهم واعف عنهم ، لقِّيهم الأمن والبشرى والكرامة والزلفى ، اللهم إن كانو محسنين فزد في حسناتهم ، وإن كانو مسيئين فتجاوز عن إساءتهم ، اللهم اغسلهم بالماء والثلج والبرد ، نقيهم من الخطايا كما ينقى الثوب الأبيض من الدنس ، أبدلهم أهلاً خيراً من أهلهم ، وداراً خيراً من دارهم ، وجيراناً خيراً من جيرانهم ، اللهم لا تحرمنا أجرهم ، ولا تفتنا بعدهم ، واغفر لنا ولهم . (اللهم ااااامين يا رب العالمين) ختي glad بما انكي دكرتي لنا في المعلومات لكتبتي انكي في باب القنصلية الخاص بالفيزا طلبو منك الباس بور واش دروري ايكون عندك اوتديه معاك باش تعطيه ليهم ؟ حيتاش انا مزال مصيبتو قلت زعما حتا نحتا جو هههههههههههههههه عافك احبيبة الما جاوبن في اقرب وقت ممكن شكرااااا

العفو أختي lavidaesasi نتمنى التوفيق والنجاح لجميع البنات اللي مزال مجتازو الامتحان ،كلشي إن شاء الله غادي ينجح خاص غير التركيز

أالعفو اختي ftito والشكر لك أيضا

اختي صحبة صالحة الله يبارك فيك هدا أقل شيء نقدموا الأخوات اللي مزال مجتازو الامتحان واللي احنا عارفين الحالة اللي كيعيشوها واللي مرينا منها ونتمناو من العلي القدير يسر لنا اللي فيها الخير باش نلتحقو بأزواجنا تحياتي لك

اختي المتفااائلة كما سبق وقلت لك على المسنجر الى كنتي درستي في مدرسة وتعرفي تقراي ومعنى بعض الكلمات ممكن دراستك للامتحان متعداش شهر فقط ركزي فقط على الموقع اللي عطيتك https://sites.google.com/site/exerci…herhalen/01-06 ، راهم طالبين غير نيفو a1 مشي نيفو باك في اللغة الهولندية وانا كنكون على المسنجر من 14h حتى 15.30 حسب ظروف عملي تحياتي لك اختي