طرق و نصائح مصورة لترتيب المطبخ او الحمام . من تجميعي و تنسيقي

حبوباتي
هنا كيف وعدي ليكم
تابع لسلسلة النتنظيف و الترتيب المنزلي

اليوم نسقت ليكم موضوع عن طرق مساعدة
و افكار لتنظيم الكوزينة
و لبلاكارات
او الحمام
او بيت الصابون
او مشغلكم (اعمال يدوية او خياطة)،

كلها ينطبق عليها نفس شي
و نفس فكرة الترتيب

دائما حاجات بسيطة و ممكن تطبقوها فديوركم
علب،
كارطونات،
سلات، بلاستيكية او حديدية او خشبية ،
علاقات افقية او عمودية

كلها كتساعدتكم ترتبو الطاجيرات او لرفوف و البلاكارات ديالكم
و تسهل عليكم تنظيم الحاجات و ترتيبها فيها

نخليكم مع الصور لانها ابلغ من الكلمات فالشرح

افكار ظ„طھط±طھظٹط¨ سطح مغسلة الاواني

مرفع ممكن تعملوه عند النجار او الحداد او تختارعوه راسكم

افكار ظ„طھط±طھظٹط¨ المقالي و الطناجر

و باش متجرحش ليكم مقالي و طناجر و مولات التيفلون و تتكرج

عملو بينها قطعة ثوب او بينج رقيق باش تحافظو عليها من الاحتكاك

افكار ظ„طھط±طھظٹط¨ اغطية الطناجر و العلب و الصحون و البلاطوات و اللاطات و القطاعات

افكار ظ„طھط±طھظٹط¨ المعالق و الامواس و القطع الصغيرة (تعليق او ترتيب فالادراج)

افكار ظ„طھط±طھظٹط¨ و سهولة الوصول للمواد الغذائية سواء فالبلاكار او فالثلاجة

طريقة ترتيبها فعلب و وضع اسماء عليها كيسهل البحث بزآآف
كل علبة او سلة كتجمعي فيها مجموعة متشابهة

مثلا سلة تستفو فيها علب القطاني و تكتبو عليها المحتويات
و سلة تستفو فيها قريعات العشوب و العطرية
و سلة تستفو فيها قريعات المعجنات …

و بهكا كلشي يكون مرتب
واي شي بغيتوه تعرفو فين كاين

طرق ظ„طھط±طھظٹط¨ الطباسل و غطيان الطناجر و العلب و البلاطوات و اللاطات و القطاعات …

افكار ظ„طھط±طھظٹط¨ الكيسان و الاكواب و الفناجين …

و هنا نفس الشي بالنسبة ظ„طھط±طھظٹط¨ بيت الصابون او ط§ظ„ط­ظ…ط§ظ… او مكان تجميع ادواتكم
للاعمال المنزلية

كل شي وضعوه فسلة او علبة
المنظفات بوحدها و الزيوف و البونجات …و حتى الادوية

و من الافضل بالنسبة للي عندو الوليدات يدير هاد الاشياء
اما فبلاكار كيتسد بالساروت او فمكان عالي و امن
باش ميمشيوش ليه الاطفال
(لان اغلب هاد المواد خطيرة و كتكون فقراعي يعني ممكن الطفل يظنها عصير او فانيد و يشربها او ياكلها لا قدر الله و راه كتوقع بزاف )

اما بالنسبة للاخوات للي غيسولو فون ممكن يشريو العلب و السلال و الشباكي
فهي لله الحمد موجووووووودة و كاين احجام و اشكال و الوان و خامات متنوعة
ممكن تستعملو كارطونات فارغة و تزينوها باش تعطي منظر
او ممكن تشريو السلال ديال الخشب او القصب او الدوم
كيكون عندها منظر غزال و انيق و موجودة فالاسواق

و كاين البلاستيك الرخا لله و فيه من الصغير فين تستتفو المعالق
للكبير فين تستفو الحوايج ، كاين الشبكة و البواطة و الادراج يعني اختيار وآآاسع
كلا يختار للي يناسب جيبو و ذوقو
و فنفس الوقت يكون كينقص عليه الرواين و التلفة وقت البحث عن شيء معين

ان شاء الله يكون الموضوع مفيد للجميع

و يكون فيه افكار تنفعكم
انا شخصيا نفعاتني بزاف و طبقت منها الكثير و مكلفاتنيش بزاف
لاني قضيت ببلي عندي

ان شاء الله الموضوع يكون مفيد حبيباتي

نتمنى تستافدو من الافكار
و يعجبكم الموضوع
راني هلكت فتجميع الصور من النت
و تنسيق الموضوع

باقي عندي الخير و لخمير من مواضيع
الترتيب و التنسيق … للي كيهمنا كسيدات
و الله يقدرني و نزل كل مفيد

دعواتكن الصالحة يا طيبات
اختكن أم ريـَّـان
أمــَـنــار

ان شاء الله تفيدكم حبيباتي