اخواتي الغاليات نتمنى تكونو بخير وعلى خير
فكرت نفتح هاد الموضوع وكل وحدة تقولينا طريقة ط§ظ„طھظ†ط¸ظٹظپ اللي كتعتمد فتنظيف اي شيء او اي مكان
وايضا مواد ط§ظ„طھظ†ط¸ظٹظپ اللي مزيانة واللي خايبة
وهكذا نستافدو من بعضنا
نتمنى الموضوع يعجبكن
ونبدأ انا الاولى
بالنسبة للاواني ماكاينش ما احسن من DOUSSY بالحامض هو لونو اخضر كيخلي الماعن كيشعلو
وكيحيد الدهون بسهووولة وكيدي مدة طويلة ممكن يدي ليك حتى لشهرين والثمن 18 درهم القرعة فيها لتر ونصف
ملقيتش الصورة ديال لتر ونصف هادي فيها 750 وكاين اصغر منها
وجربت فيري بصراحة خااايب اللي مجربة doussy او oni غتحس بفرق كبير
واحد المدة كنت مكنلقاش doussy وجربت ONI السائل ماشي العجينة
كنستعمل ديال الخزامة
كنستعملو حتى للارض والحيط وكلشي.
بالنسبة للزاج مكاينش احسن من ajax
انا كنستعملو حتى للارض والحيط وكنمسح بيه الغبرة راائع
ملقيتش صورته هو غير فقريعة عادية زرقاء راكم كتعرفوه
بالنسبة للبوطة ولافابو وكرسي الحمام..
ajax بودر غير كترشيه وتحكي بشي شيتة حرشة فازكة شوية وكتشللي وبالنسبة للبوطة كتمسحي بالماء والخل.وكيبقى كلشي كيشعل واللرائحة ديال الحامض.13 درهم
بالنسبة لسانيكروا جربت الغالي والريخيص وحتى ديال لعبار
والافضل هو doussy
ريحته قوية مقرانة مع موسيو بروبر وحتى النظافة
كنسعمل ديال الخزامة والثمن 13 درهم
وبالنسبة لجافيل انا كنستعمل ACE للحوايج البيضين وحتىللارض ومسح البوطاجي وكلشي ولكن مكنستعملوش هاكاك
كل قرعة ديال ACE بالنسبة للمسيح او الجفاف او اي كاس ديال العنبة كنزيد عليه لتر ديال الماء.
اما الصابون كنديرو هاكاك.
وبالنسبة للزليج سواء الارض او الحيط
احسن طريقة ومكضيعيش وقت بزاف.
كتخلطي الماء وجافيل + شوية اوني فشي سطيلة صغيرة وكتديري جيكس لغليض وشي حلفة كتشدي بيها الجيكس وكتحكي الحيط اللي فيه الزليج او البوطاجي …ومن بعد كتمسحي بشي فوطة او شيفون فيه غير الماء حتى كتمسحي وكتجيبي AJAX ديال الزاج وكتجيبي فوطة نقية وناشفة وكترشي وتمسحي مسحة خفيفة بالفوطة الجافة.كيبقى كلشي بحال لمراية والله وهادي هي طريقتي دائما وبلا متشلي وبلا متضيعي الماء.
اما الارض كنخلط الماء وجافيل فسطل كبير وكنجيب اوني كنقط نقيطات فالدار كلها ومن بعد كنرش بجافيل والماء وكنحك بالشيتة اللي بالعصا. وكنشلل بالماء اللي فيه جافيل وكنسيق عادي وفالاخير كنرش الدار كلها(الارض) ب AJAX ديال الزاج وكندير جفاف
مبلول غير بالماء وكنصب عليه غليقة من سانيكروا DOUSSY وكندوز جفاف على الارض كتبقى كتشعل وريحة غزااالة.
بالنسبة للطواليط حاشاكم
مخلطة قريعة فيها جافيل +ماء+خل+سانيكروا+AJAX ديال الزاج+اوني هادي كنحك بيها الحيوط والارض وكلشي.
وكنشلل.وكنعاود ب صابونة دوف محكوكة + لترونصف ماء طايب وكنحركوها شوية وخليوها حتى تبرد ونعملوها فقريعة نبقاو نجفو بيها الطواليط وكنديرها حتى فرشاشة اللي دخل لطواليط كيرش بيها قبل ميخرج وكتبقى الرائحة ديما زوينة.
هادشي اللي تفكرت دابا وفينما تفكرت شي حاجة او جربتها نقولها ليكم
ونتمنى تفاعلو مع الموضوع ونستافدو جميعا.
‘vr hgjk/dt ,l,h] hth]m lk; ,hth]m lkd gksjtd] [lduh lkn
تقبلي مروري و احلى تقييم
اختي sarajihan1 بالنسبة لاموزيك مجربتوش ولكن اختي يصلح ليه غير ميعطيش نفس التيجة لان لاموزيك مافيهش ديك اللمعة.
