طرطتي في المسابقة القنيفيذ بالتفصيل الممل

بتاريخ 03-03-2019 ثبت ام الحلوين

[frame="1 10"]

بسم الله الرحمن الرحيم

المقادير:

العجين:

125غرام زبدة

125غرام سنيدة

125غرام فورص
2البيضات
1خمارة الحلوى
2معالق كبار ماء دافئ
2معالق كبار نسكافيه

[/frame][frame="1 10"]

الزينة:

400مل القشدة الطرية

3معالق كبار كاكاو

2معالق كبار سنيدة ولو أن السكر حسب الذوق

الصنوبر محمص

الطريقة:

تنطربو الزبدة+السنيدة +صفار البيض حتى نحصلو على مزيج هاكا

تنضيفو الدقيق مع الخميرة

تنخلطوهم وتنزيدو من بعد البياض مطرب على شكل قمم ثلوج مع رشة الملح

وتنحركو كيف العادة من لتحت للفوق برفق من بعد تنكونذوبنا نسكافيه في المعالق ديال الما وتنخلطوهم مع العجينة

تنكونو وجدنا المول فاش غادين نديرو الحلوة وهنا غادي يجي المول العجيب اللي تنستعمل ههه
بغيتو تعرفوه هههه هاهو

على ود القطر ديال الكسكاس ديال الكوكوت الصغيرة هو اللازم لهاد الكيكة إذا ما توفرش نديرو مول ديال 22سم

المهم الطريقة هي أننا ندهنوه مزيان بالزبدة نغلفوه من لجناب بالورق السيلفيريزي

وعاد تنلصقو في القاع ديالو قرص على قد القطر من الورق وباش ما يتفرقش على الجناب تندهنو دايما بالزبدة

تنوضعو العجينة في المول وتندخلوها لفرن مسخن على 185 درجة تقريبا

منين تتخرج تنخليوها تبرد من طبيعة الحال

وتنقسموها من 2 على الطول باش نحصلو على نصف دائرة وكل نصف تنقسموه على 2 بالعرض يعني تيصبحو عندنا 4 أنصاف الدائرة

تناخدو القشدة الطرية تنطربوها مزيان أنا تندخل الإناء اللي غادية نطربها فيه للمجمد 2 سوايع قبل ويكون ديال إينوكس باش ما تتهبطش منين تقرب تطلع نزيدوها السكر والكاكاو

من بعد نبداو نلاصقو في دوك الأنصاف بالكريمة

حتى نحصلو على هاد الشكل

تناخدو الموس وتنخرطوه من القدام تنقنتوه شوية بهاد الطريقة

تنغطيوه بالكريمة مزيان

وتنشرطوه بالفورشيط كلو في اتجاهين

من بعد تنغرسو فيه الحبات ديال الصنوبر واقفة بشكل كثيف شوية وتنعملو ليه عينين و أنف من حبات سويتيز بحال هاكا

العشب صنعتو من السكر أو الكوك مخلوطين بقطرات من الملون الاخضر في بلاستيكة وتنحكهم حتى تيتلون السكر أو الكوك اللي فضلنا وحطيت في الجانب حبات سويتيز على شكل زهرات

وهاذ الطريف للي صوتوا عليا ههههه غير تنضحك للجميع الحمد لله

على فكرة بالنسبة للأخوات اللي مامتوجدش عندهم الصنوبر ياخذو اللوز مسلوق ومفسخ ويقطعوه بالطول ومن بعد يقليوه هذا هو اللي كنت تنعمل سابقا

[/frame]

‘v’jd td hglshfrm hgrkdtd` fhgjtwdg hgllg

تبارك الله عليك
غزالة خصوصا دا ك الطريف
الله يعطيك الصحة

المشاركة الأصلية كتبت بواسطة أم أيمن1

تبارك الله عليك
غزالة خصوصا دا ك الطريف
الله يعطيك الصحة

ربي يخليك اختي ام أيمن راه انتي اللولة من نصيبك ههه

جزاك الله خيرا
طرطة على شكل قنفيد جديد و رائع الله يعطيك الصحة

[align=center]
تبارك الله عليك الشروق

[/align]

[align=center]
الله يعطيك الصحة " حليمة " طرطة رووووعة وكتشهي ،تبارك الله عليك :)..
[/align]

تبارك الله عليك

فكرة هائلة و السمية حتى هيا روعة

ما شاء الله على الإبداع أختي أم سندس الله يعطيك الصحة

تبارك الله عليك أللا أم سندس جات فنننننة أو باينة هشيشة ماشي بحال دياولي ههه
الله يحفظ ليك دوك ليديدات وخلاص.. الشروق

المشاركة الأصلية كتبت بواسطة ام الحلوين

جزاك الله خيرا
طرطة على شكل قنفيد جديد و رائع الله يعطيك الصحة

شكرا حبيبتي الغالية على المرور والتثبيت

طرطتي في المسابقة القنيفيذ بالتفصيل الممل

اترك تعليقاً إلغاء الرد