طبق من الأصالة لكن بطريقة مختلفة ههههههه

اللحم مخضر بالحمص

مرحبا والف مرحبا

المقادير :

اللحم

الحمص يابس مفزك بالليل

البصلة

الملح

الزيت

الابزار

الزعفران

سكين جبير طري محكوك

انا استعملت في هذا الوصفة شوية الكاري كيجي بنين

الطريقة:

تنتبلوا اللحم بالتوابل كلها

ونزيدوا شوية الماء

ونخلطوا اللحيمات ونخلوهم يرقدوا في الثلاجة نصف ساعة

من بعد نجيبوا الطنجرة ديالنا

ونقطعوا البصلة

ونحطوا فوق منها اللحيمات

ونخووا المريقة اللي ترقدات فيها + الزيت

ونخلوها تقلى شوية

نصبوا اعليها الحمص انا زدت الحمص لان اللحيمة فتية الى خفتوا اللحم ما يطيبش قد الحمص
ديروا اللحم حتى يطيب عاد زيدوا الحمص

نزيدوا الماء الكافي للطياب وحزمة الربيع ونخلوها تطيب على عافية مهيلة

نخلوها تطيب وملي نقولوا راها صافي نحلوا عليها ونزيدوا خويط الزيت البلدية

نخلوها تغلي غير شوية

ونقدموها بالصحة والراحة

كنتمنى ينال اعجابكم

وبالصحة والراحة