طبق شرقي كفتة بالطحينة من مطبخـ سميـرة ـي مذا ا ا اق غـيرررر

بسم الله الرحمان الرحيم . اليـوم قلت نشارك معكن هاد الطبـق السهل واللذيذ اللي أنا متأكدة أنكن
لو جربتوه غادي يعجبكم وتوليووا مدمنات عليه ههههههه بحالي ههههه

المقـادير :

كفتة ( بعدد الأشخاص اللي عندك مثلا درت أنا نصف كيلو ل 3 أشخاص )
ضريس ديال الثومة ولا جوج
بصلة ( لو طحنتي نتي الكفتة طحنيها معها ولو جبتيها واجدة حكيها وضيفي لها شوية حسب رغبتك )
توابل : ملح ـ بزار ـ قزبور يابس ـ خلطة البهارات الشرقية لو وجدتيها لمكانش ديري مثلا خلطة التوابل الخمس
ولا تبلّي عادي باللي تحبي .
مـعدنوس و قـزبور مـقطع .

طحينة
عصير الحـامض
ياغورت طبيعي مسوس
صنوبر أو لوز
ملح ـ بزار
ماء وضريس ديال الثومة .

الطريقـة :


ـ كتبداي بالكفتـة كتبليهـا وتطحنيهـا مع البصلة مشلضة ولا مقطعة ( أنا مرة كنديرها مرة ماكنديرهاش )
يعني ماكتبدلش بزاف .. لكنتي غديري الطبق في الليل ماشي في الغدا بلاش منها ههههه


المهم كديري كويرات صغار متساوية ولا كديري صبيعات على حسب الطبق اللي غطيبيه
فيه ولا حسب ڭانتك ..
دابا كتحمريها شوية في مقلاة فيها شوية زيت الزيتون وتكون شوية النار طالعة باش
يتحمر من برا ويبقى خضر من الداخل .. هاد العملية كتندار غير باش اللحم مايتحلش
في التالي منين نطيبوه في الفران ..


كنخلطوا في شي بول داك المقادير ديال لا صوص الطحينة مع الياغورت أنا درت كاس من كل
واحد و كتضيفي عصير حامضة وهم الشرقيين كيديروا ليه حتى الخل باش كيجي محمض ، أنا
درت منو غير القليل ماعزيز علي الحموضة .. ونزيد واحد شوية الملح والبزار ونطلقوا بشوية
الماء حيت غيكون عاقد بزاف ..
المهم منين يولي سايح ومطلوق كنستف الكفتة في مول ديال الكراتان وكنصب عليها لا صوص
ونديرها في فرن مسخن من قبل على درجة حرارة متوسطة 200 د / 180 .
ونخليه واحد الربع ساعة 12 / 15 تقريبا حتى كيولي كراتان مقبوط وكنشعل على الڭريل باش نحمر
الوجه ويجي مزيون هههههه .

منين يكون مازال في الفرن كندير الصنوبر لعندك لا معندكش ديري لوز وقطعيه بموس على
الطول كيولي شكلو بحال الصنوبر ولا بلوز إيفيلي .. حمريه شوية في الزيت وردي بالك
راه كيتحرق في رمشة عين ماترمشيش باش مايتحرقش ليك ههههه هاني كنقول لك هههههه


هي كاين اللي كيدير فيها حتى بطاطس دوائر مقلية شوية في الزيت باش ماتبقاش خضرة
وكتقطعيها رقيقة شوية وتستفيها بعد ماتنشفيها في ورق نشاف في قلب المول عاد فوق
كل دائرة كديري كويرة ظƒظپطھط© .

وزيني وجه الكراتان بالصنوبر و ممكن حتى قزبورأو معدنوس مقطع .


يالله الحادقات هاني درت الطبق الرئيسي ونتيا عليك بالسلطة هههههه
وشي كويس ديال أتاي منعنع نجمعوا عليه هههههههههه


لاتنسيني من دعوة طيبة أتقاسمهـا أنا وياك الحبيبة ولا خليتي رد ماغادي ينقص منك والو
بالعكس غتزيدي تشجعي أخواتك على العطاء ..