طبق الارز بالدجاج لانيقات المنتدى

السلام عليكم ابغيت نقدم ليكم ط§ظ„ط§ط±ط² على طريقتي نتمنى ينال اعجابكم
المرحلة الاولى
المقادير
دجاجة

قسبر ومعدنوس مقطعين

بصلة صغيرة مشلظة وجوج ضروس ديال الثوم

العطرية فيها الابزار التحميرة الخرقوم الملون اختياري اللي مابغاش مايدرش سكين جبير والملح والزيت

الطريقة
ناخدو الدجاج ونضيف ليه البصلة والملح والزيت والثوم ونخليه يتقلى شوية ونضيف ليه القسبر والعطرية ونسدو عليه ونخليوه يطيب بعدما نمرقو بطبيعة الحال نديرو الماء الكافي اللي يبقى لينا باش نمرقو الروز




مين يطيب نديروه يتقطر

ودبا نمشيو للمرحلة الثانية ناخدو
المقادير
زلافة روز او كل واحد على حسابه

بصلة مشلظة والفلفل مقطع مربعات صغيرة الى كانو عندك لحمر ولصفر ديريهم ولا اكتفي غير بالاخضر كان عندي غير لخضر

قسبر ومعدنوس وجزرة مقطعة حتى هي مربعات وشوية جلبان

وطبعا الزيت وشوية ملح لان المرق عندنا فيه الملح وكنور غير ضامة وحدة منكثروش الملح غير قريصة
ومطيشة محكوكة

الطريقة
ناخدو طنجرة ونديرو فيها البصلة والفلفل والزيت والقريصة ديال الملح ونخليوهم يتشحرو مزيان ونضيفو لهم الروز حتى يتشحرو نضيفو المقادير الاخرى ونمرقو بالمرق اللي طاب فيه الدجاج ونقصو البوطة ونخليوه يطيب وفي فهاد الاحيان نديرو الدجاج يتحمر في الفران نخليكم مع الصور





مين نحسو بيه طاب نطفيو عليه ونخليوه شوية حتى ينشف باش مايبقاش فيه المرق ونحطوه في الطبق ونديرو فوقه الدجاج وبالصحة والراحة هاهو الطبق النهائي


وبصحة والراحة نتمنى يعجبكم

‘fr hghv. fhg][h[ ghkdrhj hglkj]n