09/03/2019
اليوم جيبت ليكم طارط جديدة ط¨ط§ظ„طھظپط§ط وابلرتقال والكرميل وكيف جميع وصافتي اقتصادية ومتوفرة مقاديرها فاي بيت
نحتاجو ليها
2 بيضات
2 خمارات
كاس سنيدة
كاس زيت
كاس عصير البرتقال( الا مامتوفرش عوضيه بكاس حليب+ قضرة حامضة محكوكة)
12 معلقة كبيرة دقيق
الكراميل
كاس سنيدة (العبار ديما بكاس العنبة)+2معالق ماء+معلقة صغيرة زيدة
للتزين
2تفاحات مقشرين ومقطعين انصاف
2برتقالات مقشرين ومقطعين انصاف(كتقطعي البرتقال دوائر وعاد تقسميها على زوج)
الطريقة
نبدو بالكراميل( الا المول الي غادي تطيبي فيه الطارط المنيوم او اينوكس حطيها مباشؤة على النار والا اي نوع اخر وجديه فكسرونة وعاد صبيه مباشرة فالمول) نديرو سنيدة هي الاولة على نار مهيلة ونبللوها بدوك زوج معالق ماء حتى يتبدل اللون ويولي دهبي وعاد ضيفي الزبدة باش توقف طياب ديالو
وملي يوجد ستفي فوقو قطع الفواكه وخليه على جنب
نحضرو الخليط ديال الكيك ناخدو جميع العناصر من غير الخمارات والدقيق ونعملوهم فمولينكس ونطربوهم مزيان وعاد نضيفو الدقيق والخمارات منخولين ونخلطو شوية ونصبو الخليط على الفواكه ونخليوها على جنب 5 دقايق على مايسخن الفرن وعاد ندخلوها وكنخليها ربع ساعة ونحل عليها وندخل فيها الموس الا خرج ناشف كنخرجها ونزينها من الجوانب بالكوك بعض المرات كنزينها برقائق اللوز او الكاوكاو مهمرمش نتوما ودوقكم
هد المرة المول الي عملت متوسط شوية مصبيتش الخليط كلو على الفواكه الي بقى لي عملتو فبوش الحلويات وصبيتو فمولات صغار ديال الكاب كيك مدهنين بشوية ديال الزبدة ومرشوشين بالدقيق وزينتهم بشوية ديال الزبيب وملي خرجات الطارط
دخلتهم مورها ملي خرجو دهنتهم شوية بالكوفتير وفندتهم فالكوك
الصور غادي توضح كثر نتمنى تعجبكم وتجربوها وتدعيو معايا شي دعيوة ديال الخير
‘hv; fhgjthp ,hgfvjrhg ,hg;vhldg lg; gdh Hojd hggi hggi du’d; hgwpm hgh,g hghkdrhj hgpfdfm hg.,[ hgw,v hojd hsjtshv hkh pjn vhkd v,um schg a;vh ugn y.hgdk uk]d ,g;k ,a;vh ;dt ;d;
بصحتكم نتمنى تعجبكم
الله ينولك لي فخاطرك
https://www.youtube.com/watch?v=7KYDLwx6_dQ
تستحقين التقييم
والله ينولك كل ما في خاطرك ومتمنيتي