طارط ساهلة ولذيذة جربوها وما غادينش تندموا بالصور المفصلة

المقادير:
6 البيضات
120غرام سنيدة
120غرام دقيق
1لفاني
للتزيين:
القشدة الطرية
السنيدة حسب الذوق
الشكلاط فرميسيل
كاوكاو أو لوز مهرمش
حبة فريز ومن طبيعة الحال هاد الشي كلو إختياري كل تيزوق حسب الذوق ديالو

الطريقة:

طريقة تحضير الكريمة : تنطربوا الكريمة مع السكر في إناء نكونو دخلناه للمجمد ساعة قبل باش يكون بارد مزيان حتى توقف مزيان

طريقة تحضير الحلوى: تنطربوا البياض مع نصف كمية السنيدة مزيان حتى نحصلو على ميرانج

تنطربوا الاصفر أيضا مع انصف المتبقي من السنيدة ولفاني حتى يبياض اللون ديالو ويصبح على شكل كثيف

تنخلطوا المزيجين برفق بدون ما نهرسو المرانج

تنضيفو الدقيق مغربل وتنخلطوا بملعقة خشبية من الأسفل للأعلى

تنوضعو العجين برفق في طاوة ملبسة بورق الزبدة وتندخلوها لفرن مسخن مسبقا على 180 درجة لمدة 8 دقايق حتى ل10

منين تتخرج تتزين حسب الذوق أنا قسمتها على 3 وسقيتها بعصير الليمون دهنت كل طبقة بالكريمة وحطيت واحدة فوق الاخرى

تندهنوها من برا مرة اخرى بالكريمة وتنزينوها من الجوانب بالفرميسيل ومن الفوق باللوز أو الكاوكاو مهرمش وفي الوسط نحطو حبة توت

وبالصحة والراحة

---

‘hv’ shigm ,g`d`m [vf,ih ,lh yh]dka jk]l,h fhgw,v hgltwgm ,gh

mmmmmm baynaaa ldiddaaa baraka laho lakii okhetiii

اعطيني حقي ياك انا قريبة ليك
الله اعطيك الصحة جاتك من داك الشي الرفيع

الله يبارك فيك الحبيبة مشكورة صوفيا على المرور

الله ياودي الطارطة كلها ليك بالصحة والراحة وفي الصراحة جات في المذاق روعة

جزاك الله خيرا اختي ام سندس

جزاك الله بالخير ياحبيبتنا أم الحلوين وحفظهما لك على كلماتك الرائعة وعلى التثبيت

تبارك الله عليك الحبيبة باااااينة لذيذة الله يعطيك الصحة دائما مميزة

تبارك الله عليك أم سندس

الله يبارك فيك أختي سارة ومشكورة على المرور والكلمات العطرة