طاجين لكفة بالروز

يتبث ل 3 ايام
بتاريخ 7/3/2019

المقادير
كنحتاجو 400g كفتة معطر +2 حبات بصلة متوسطة ومشلدة +معدنوس +حامض مصير +العطرية ملح+ابزار+قليل من اسكنجبير +وشوية الخرقوم وعود ديال لقرفة +كاس روز من نوع الممتاز مغسول مزيان +زيتون
الصريقة
كنخلط لكفتة مع الروز مزيان نشكل منها كويرات بحجم البيضة

فطويجين نعمل البصلة مع شوية زيت مخلطة رومية وبلدية ونخليوها تنزل شوية

انضيف التوابل ونصف كمية المعدنوس ونخلطوها مزيان ونضيف كويرات الكفة انضيف 2كيسان انص ديال لماء (لكاس لعبرن بيه روز نعبر بيه لماء)
نخليو طجين على عافية مجهدة غير يغلى نقص ليه انخليوه على عافية مهيلة مدة 20دقيقة حتى توقف على زيتها في اخر 5 دقائق نضيف المعدنوس وربع حامضة مصيرة والزيتون ونخلوها تغلى انطفيو ( انا هن مدرتش حامض حنة بنت مكتحملش لمداق ديال فلماكلة)