طاجين بالكفتة والقرع الأخضر

25/2/2019

بسم الله الرحمن الرحيم و السلام عليكم ورحمة الله وبركاته
أخواتي الأنيقات جبت ليكم هاد الطويجين بغيتكم تشوفوه وعلى الله يعجبكم وطبقوه
المقادير : بصلة 1 مشلضة _ 3 مطيشات منقيين من القشرة و الزريعة – معدنوس – 2 فصوص – ملح – إبزار _ تحميرة _ ورقة سيدنا موسى _ نصف كاس زيت العود _ ملعقة كبيرة زيت عادي _ القرعة خضرة مقطعة شرائح على الطول ومشوية _ الكفتة بقري
في الطاجين ندير بصلة مع نصف كاس زيت الزيتون

ملي تنزل البصلة نزيد مطيشة وضرس ثوم مقطع والمعدنوس وشوية ملح وإبزار وتحميرة

ثم نخلط الكفتة مع ضرس ثوم ومعدنوس وشوية ملح وإبزار وتحميرة وملعقة كبيرة زيت عادي
وندير الكفتة كويرات أو أصابع ونحطها وسط قطعة القرع ونلويها ونشدها بعويد ونحط في الطاجين مباشرة بعدما درت مطيشة باش يطيبو في مرة ونضيفوش الماء لأنو ماء البصلةومطيشة كافي ونخليوه يطيب بالمهل بعدما درنا من الفوق ورق الرند

بالصحة والراحة ويارب ينال إعجابكم

---

‘h[dk fhg;tjm ,hgrvu hgHoqv

تبرك الله عليك ليوم نصوب لعشا شكراً حبيبة

تبارك الله عليك حبيبتي ياحليلي انا اول وحدة نرد الطبسيل ديالي ندوق الاولى باسم الله ممممممممممممممممممممممممم يهبل خاصني غير الكوسة اما باقي المقادير كاين غدا ان شاء الله نجربو للعشاء الله يحينا احلى تقيم لاحلى ام البنين ..على الله يدوز

روعة اختي تبارك الله عليك واحلى تقييم ليك الزين

مممممممممممم تبارك الله عليك اختي طاجين بنين وصحي وبالقرعة الله يعطيك الصحة

بارك الله فيك أختي وشكرا لمرورك الطيب وبالصحة والراحة

بارك الله فيك الحبيبة وبالصحة والراحة وشكرا للتقييم راهم عارفين نسبات هههههه مكيدوزوهش مرورك لموضوعى أحلى تقييم

بارك الله فيك الحبيبة وشكرا لمرورك الطيب

بارك الله فيك الحبيبة وشكرا لمرورك الطيب إن شاء الله تجربيه ويعجبك

تبارك الله عليك اختي طويجين كايشهي