طاجين بالدجاج و الخضرة شهوة منو من يدي و من كوزينتي

فالأول غسلت الدجاج و ضفت ليه الملح و الخل باش تحيد منو الزفورية و خليتو واحد نصف ساعة

من بعد غسلتو و ضفت ليه الملح+إبزار+سكنجبير+الخرقوم البلدي# الرومي مكنديروش فالطياب حيت ماشي صحي ودرت شوية ديال التحميرة مقدار راس معلقة

وجدت الطويجين ديالي درت فيه الزيت البلدية أو الرومية حسب إختيارك و زدت عليه البصلة مقطعة شرائح مع شويش دالملح و خليتها تنزل شوية عاد ضفت ليها الدجاج و خليتهم يتقلاو جميع ضفت ليهم الخيزو أي الجزر درتو تحت من الدجاج و عاد ضفت بصلة أخرى مقطعة شرائح طويلة و البطاطس و الخيزو خليت شوية باش نزين بيه و درت عليهم شوية ديال القزبر و شوية ديال الإبزار و الملح و ضفت الماء فالصحن اللي كنت مرقدة فيه الدجاج مع العطرية و خويتو علا الخضر و خليتها حتا غلات من بعد خديت معلقة و بديت نهز المرقة و نديرها علا ط§ظ„ط®ط¶ط±ط© و غطيتو بورق الألومنيوم حسب الطريقة ديال الأخت التطوانية اللي معانا فالمنتدى و خليت علا نار هادئة حتا طاب علا خاطرو و ها هو واجد سمحولي ما صورتش المراحل حيت مكنش معولة نوضعو فالمنتدى

إوا كيجاكم الطويجين كاينة المعنى ولا لا هههههه
ما تنساونيش من الدعاء بتثبيت حملي و حمل جميع النساء و دعيو معايا يرزقني الله ذرية كاملة الخلق و الخلقة بلا زيادة ولا نقصان و يا رب لا تحرم شي وحدة من نعمة الأمومة يا رب

‘h[dk fhg][h[ , hgoqvm ai,m lk, lk d]d ;,.dkjd