طاجين القنية أو الأرنب بالزبيب واللوز

أرنب منظف صاين ولا مقطع .
البصل ( حسب الأشخاص )
التوابل : ملح ـ بزار ـ خرقوم بلدي ـ
زعفران حر ـ عويدات القرفة ـ سكين جبير
شوية السمن ـ وريقات سيدنا موسى ـ نجيمات باديان
وهي ٱختيارية .

زبيب
لوز صاين ومنقي

في الأول غنبداووا بالميز أون بلاص la mise en place( يعني يكون عندنا كولش موجد ) :

كنغسل مزيـا ا ا ان القنينة بالماء الحامض ولملح ونشفها مزيان .

لا كنتي غديريها صاينة خليها هكداك ، أنا اليوم قطعتهـا أطراف لأنها كبيرة

وحتى طنجرة ماغتهزها لي ..

ـ ننقي البصل ونشلظ وحيدة نخليها للنصيب وندير لكل شخص حبة بصل

في حساب المقدار اللي غنخضر بيه ، نقطعهم شنانف ونخليهم على جنب واجدين .

وننقع اللوز في ماء مغلي واحد جوج دقايق باش تزول لي القشرة دغيـا ( أنا درتوا

الليلية اللي قبل في ماء عادي بارد وخليتوا حتال الصباح باش نستعمل هاد الماء للنصيب .)

ومن بعد الماء اللي غيساعدنا نحيدوا ليه الجلدة حتى هو حتافظت بيه وخليتوا يرتاح وسقطرتوا

ورميت الماء اللي كيبقى في القاع .

دابا عندنا كولش واجـد نجيب عطريتي حدايا ونبدا كنصب :

ندير بعدا البصيلة اللي مشلظة في الطنجرة مع زيت الزيتون حتى تدبل

وعاد نزيد عليها قطع ط§ظ„ط£ط±ظ†ط¨ ونعطر بالعطرية اللي عندي كلها على حسب

دوقي ( بلامانكثروا ) وقلب شوية حتى تتحمر ط§ظ„ط£ط±ظ†ط¨ ( بحال كيف كنديروا للدجاج )

في الأخير نمرق بالماء ديال صلق اللوز ونضيف البصلـة المقطعة على الطول .

ونضيف عويدات القرفة ووريقات سيدنا موسى

والنجيمة ديال باديان ( إلى كانت عندك ) باش يجي منسم وحلو بلا سكر ( لأنني ماعنديرش

التفاية بالحلاوة دالسكر ولكن كنخلي داك المواد هي تخرج السكر الطبيعي اللي فيها .)

كنسد ونخليها كطيب واحد الربع ساعة وأنا كنطل مرة مرة باش مايتحرق لي .

منين تطيب ط§ظ„ط£ط±ظ†ط¨ كنزولهـا ( مانخليهاش حتى تقصاح 15 د كافية ) ونديرها في مول

ديال الفران وندهنـا بشوية السمن ونحمرهـا .

ـ نرجـع للطنجره اللي فيها ط§ظ„طھظپط§ظٹط© ونضيف لهـا الزبيب ( أنـا درت هاد

المرة كرانمبريز cranberries حيت مكانش عندي سلطانة حتى هو نوع من العنب الأحمر

لكن أشبه به من التوت للعنب ..)

ونسد عليهم في الطنجرة واحد العشر دقايق حتى تتعسل البصلة

وتتدغمر لينا مزيان , ممكن تزيدي في الأخيـر قطيرة من ماء الزهـر كيعطي بنة رائعة ( غير شووووووية )

ـ حطيت الدعميرة في الطاجين وستفت عليهـا قطع ط§ظ„ط£ط±ظ†ط¨ ومن الفوق

زينت بالقليل من اللوز وهدي طريقة كتغيير عن اللوز المقلي . وكيجي أبن

في نظري أنا .

وقدمتهـا مع شليضـة منوعة وخبيـز مغربي في الديار الأوروبية ههههه

يالله ماتنساوش واحد الدعيوات من القلب ولكن بالمثل عزيزاتي وزيادة

الحمد لله على نعمه التي لا تعد ولا تحصى .. اللهم أدمها نعمة وٱحفظها من الزوال يارب .