31/01/2019
اهلا وسهلا حبيباتي لحدكات,ليوم جيت اوجبت ليكم ظ…ط¹ط§ظٹط§ وصفة لي جرباتها متقدرش تستغنى مازال عليها حينت بصراحة كتجي بنينة اوواعرة بزاف دابا تجربو اوتشوفو,نبداو على بركة الله.
المقادير:
غنحتاجو دجاج
2 بصلات مشلظات
نصف كاس الزيت
توابل(ملح,ابزار,اسكنجبير,خرقوم,كمون)
4 حتى 6 فلفلات
4معالق كبار ربيع
زلافة صغيرة ديال الروز
واخيرا شوية زيتون ولحامض للتزيين
دابا غندوزو للطريقة:
غادي نوضعو دجاج ديالنا نضيفو ليه الزيت اوالتوابل نضيفو ليهم بصلة واحدة مشلظة نسيت مقلتش ليكم غنحتاجو واحد 3ضروس ديال الثوم محكوكة ثم غادي نزيدو الربيع 2معالق اوغادي نخليو الكل اتشحر مزيان كيف موضح في الصورة:
من جهة اخرى كنكونو درنا الروز ديالنا باش اتسلق مع شوية الزبدة باش ميجيناش معجن اوملي اتسلق نصفيوه في شبكة اولي جاها معجن تعاود تغسلو بلماء بارد غير تصبو فوق منو راه غادي اتفك,
نمشيو دابا نقيو لفلفلة ديالنا كنحيدو ليها طربوش ديالها اونحتفظو بيه على جنب حينت غنسدو بيه لفلفلة ملي نعمروها اونحيدو ليها اللب ديالها كيما كيبان لينا في الصورة :
نرجعو نضيفو لبصلة لي بقات لينا لطاجين ديالنا بعد ما تشحر
,ناخدو دابا واحد الطاسة نديرو فيها الروز لي سلقناه نزيدو ليه 2 معالق لي شاطو لينا ديال الربيع ثم بعد ذالك نفس التوابل لي درنا لدجاج اونزيدو ليهم شوية الزيت انخلطو الكل
اونبداو نعمرو لفلفلة ديالنا بحال هاد الشكل:
ناخدو لفلفلة نستفوها في الطاجين بهاد الشكل:
اونغطيو الطاجين ديالنا اونخليوه يطيب على نار مهيلة,ملي اقرب يطيب الطاجين نزوقوه بالزيتون اندردرو عليه شوية الكامون صدقوني راه متشبعوش منو
هادا هو االطاجين ديالي بعد ما طاب كنتمنى اعجبكم:
كنتمنى يلقى طاجيني استحسانكم اوتفرحوني بردودكم بعد ما تجربوه,دعاواتكم ليا بزوج تقر به عيني و تقر عينه بي جزاكم ط§ظ„ظ„ظ‡ كل خير
‘h[dk hg][h[ fhgtgtgm ,hgv,.lvtr fhgw,v jh;g, wfduhj;l ,vhi h[d, luhdh ja,t, lhlh gdh Hojd hggi hggi du’d; hgwpm hojd ow,wh a;vh uk]d tdi
أحسن تقييم