ضيافة ديال 15 شخص عتقوني الله يرحم الوالدين

السلام عليكم البنات

هادي أول مرة ندير عراضة كبيرة، غادي نكونو 15 بينا
بغيتكم تقترحو عليا شي أطباق لغدا والعشا، هما غادين يجلسو شي 3 أيام

وشحل خصني ط¯ظٹط§ظ„ اللحم ولا الدجاج فكل وجبة وش 2 كلو ط¯ظٹط§ظ„ اللحم فكل وجبة كافية ؟ والدجاج شحال من دجاجة

للإشارة أنا كنعرف نطيب ولكن لشخصين فقط ههههه

ودعيو معايا يدوز ط§ظ„ظ„ظ‡ هاد الضيافة على خير راني حاملة ومتقلة 🙁

الله يجازيكم بخير

---

qdhtm ]dhg 15 aow ujr,kd hggi dvpl hg,hg]dk ad.

ختي الله يكون في عونك
شوفي ديري جوج بسطيلة مع لحم بالبرقوق + ديسير
نتمنى الحادقات أحسن مني يشورو عليك

سلام اختي دخلت غير باش ندعي معاك الله يعونك و يقدرك على عراضة ديالك راه صعيبة شوية

فالحقيقة الى 15 واحد راه خاصك 2 مكالس
كنتي غير مع حبابك داحسو وعملو واحد
أختي لا بغيتي طبسيل ديال اللحم يجيك عامر خاصك كتر من 2 كيلو راه منين كيطيب كيولي غير شوية وديري البكري أماالدجاج ديري 3 تلاتة فطبسيل باركة والله يعاونك على ضيافك

ختي الا كانت ايديك غير بوحدك فالبسطيلة مزيانة لانها كتوجد قبل و تبقا فالثلاجة حتالوقت الطياب
واللحم خاصك شي 3ولا 4 كيلووالديسير والله يجعل البراكة وشلاضة الا قدرتي عليها راه منتدى عامر بالوصفات

نصيحة من اختك لان غادي يكونو كتار وجدي من دبااا
وجدي 3 بسطيلات وجدي الدجاج وجدي للكوتي وخزني
فكونجيلاتور

أهلا قالت واحد الأخت وجدي الكوتي ماكلتي لينا واش هاد لعراضة فرمضان ولا من بعد. إلى كانت فرمضان انضن غادي اكون عندك غير وجبة أساسية واحدة والى كانت من بعد رمضان عادي أتكون أخبار أخرى هاديك الساعة عندك الغداء والكوتي أو العشاء. عندي سؤال وهو هل الميزانية عندك مفتوحة ولا محدودة هادا عادي يحدد أش عادي أتوجدي

اختي انا اول عراضة ليا كان فيها 30 شخص ولكن غير نهار والحمد لله دازت بيخير المهم درتلهم فالطبق الاول بروشيت ديال لاداند والعصير والطبق التاني السفة المدفونة بالدجاج وشليضات وزعلوك والطبق التالت درتلهم قنية مخضرة بالاناناس والعراضة التانية درت فيها الشلاضة مشكلة فطبسيل ومعاها طبيسلات ديال الاخطبوط بلاصوص والحطيتلهم الحوت معمر بالشعرية الصينية والكروفيت وعاود حطيتلهم بسطيلة الكفتة ومن بعد درتلهم طورطة باردة وسلاد فروي والعراضة التالتة دوزتلهم عصير التفاح ولايسواري ودرتلهم سلاطة منوعة دلخضر وبروشيت دلادند ومن بعد حطيتلهم لاسوب ديال الحوت والكروفيت وحطيتلهم اللحم بالبرقوق وديسير ديال الفلون والبسكويت ولاكريم فريش انا غير بغيت نعطيك بعض الافكار اللي تعاونك يعني بلا ماتبقاي ديما دجاج واللحم كل خطرة ديري حاجة والله يعاونك

أهلا نسيت ما سألتك مانوع هاد لعراضة واش هد الناس عادي أجوك من مدينة أخرى ولا عادي غير أجوك كل انهار. يتغداو أولا شنهوا مثلا أنا اليوم جاتني أخبار أن أقاربي عادي أجوا عندنا بعد رمضان من مدينة أخرى هما عادي اجلسوا عند الواليدة ولكن بطبيعة الحال هدا مايمنع من عرضة كبيرة. من جوج ماءدات لرجال والنساء بوحدهم. لانا هنا في الجنوب مكناكلوش معا الرجا في ماءدة وحدة ثم مرة مرة نعرض عليهم مثل الكوتي ونهار اجوني البنات فقط أباتوا عندي ما تنسوا العشاء. باش انخفف على الواليدة آشوية وخا الخير موجود ولكن هي عيات وإنشاء الله نويت أندير ليهم فا لعراضة البسطيلة ديال الحوت أو الشواء أو السفة أن شاء الله مع الدسير بالنسبة الأيام الأخرى كل انهار أو رزقوا